Oktubre 1 – 15, 2014

Daniel Padilla – Biktima ng traydor at pekeng kaibigan


	Daniel Padilla & Kethryn Bernardo

	Coco Martin

	Gerald Sibayan & Ai Ai delas Alas

	Jasmine Curtis Smith, Perci Intalan & Nora Aunor

	Heart Evengelista

	Marion Aunor

	Marian Rivera

	Robin Padilla

Ipinagtatanggol ng kaniyang tiyuhing si Robin Padilla ang pinakasikat na teen actor ngayon na si Daniel Padilla. Sa halip na ang kaniyang pamangkin ang gawing pulutan ng mga bashers, ayon sa action star ay ang traydor na kaibigan ni DJ ang dapat sisihin-upakan, dahil ito ang naglagay sa young actor sa maselang sitwasyon.

Hinahanap na nga ngayon ni Robin ang nangtraydor na kaibigan ni Daniel. Gusto niyang harap-harapang pangaralan ang hunyangong lalaki. Marami siyang gustong sabihin sa nagpapanggap na kaibigan ng heartthrob.

“Kung may pagkakamali man si DJ sa nangyari, iyon, e, ang hindi pag-andar ng radar niya sa pamimili ng kakaibiganin! Pinagkatiwalaan niya iyong tao, inasikaso pa, wala siyang kaalam-alam na ang taong iyon pa pala ang magpapahamak sa kaniya!

“Doon lang siya puwedeng butasan, dahil sa lumabas na voice clip niya, e, wala naman siyang binastos, wala siyang tinapakan, isang kuwentuhang-panglalaki lang iyon na natural na nangyayari sa isang nagbibinatang katulad niya!

“Nakakaawa naman si DJ! Huwag naman nilang masyadong saktan ang bata, dahil wala siyang inagrabyadong tao sa voice clip na inilabas ng nangtraydor niyang kaibigan daw!” sarkastiko pang pahayag ng host ng Talentadong Pinoy.

Wala sa kanilang bahay si Karla Estrada nang mag-imbita ng mga kaibigan si DJ, sa may likod-bahay nila umistambay ang tropa dahil may bilyaran at basketball court doon, natural lang na sa pagitan ng paglalaro ay nagpapahinga rin ang magkakaibigan.

Isang dating kaibigan ni Daniel noong nasa Mandaluyong pa sila ang nag-tape ng kanilang kuwentuhan at saka nito inilabas sa social media, natural lang na napasama na naman ang batang aktor, dahil mayroon na siyang Kathryn ay may type pa pala siyang iba?

Galit na galit si Karla Estrada sa nangyari, inasikaso na nga naman ni DJ ang taong iyon ay nagawa pa rin siyang traydurin, panay-panay ngayon ang pagpapaalala at pangaral ng aktres sa kaniyang anak na piliing mabuti ang kaniyang mga kakaibiganin.

Wala namang partikular na pangalan ng babae na binanggit sa kuwentuhan si Daniel, nandoon lang ang kilig sa kaniyang pagsasalita, pero ginawang malaking isyu iyon ng taong pinatuloy na niya sa kanilang bahay ay kinaya pa siyang wasakin nang walang kalaban-laban.

Kailangang maging maingat na ngayon si DJ sa pakikipagkaibigan, panahon niya ngayon, anumang tungkol sa kaniya totoo man o imbento lang ay puwedeng maging malaking kontrobersiya.

Gabriela – Tinuligsa ang kawalang-galang sa kababaihan ng Bench show

Sentro ng pagpansin-pagtuligsa ngayon ng grupong Gabriela ang partisipasyon ni Coco Martin sa The Naked Truth kung saan ipinakita ang magaling na aktor na balot na balot ang katawan pero may hila-hilang isang tisay na babae na parang asong kinakaladkad ng guwapong aktor.

Tinalian sa leeg ang babaeng pasirku-sirko pa habang rumarampa si Coco. Mistulang aso talaga ang babae na kumikilos ayon sa paghila ng mayhawak ng tali, hindi nga naman kagandahan ang insinwasyon noon.

Para sa grupong Gabriela ay kawalan iyon ng pagrespeto sa mga kababaihan, pantay na karapatan ang kanilang ipinaglalaban, pagkatapos ay makakakita ka ng isang babaeng tinalian sa leeg at hinihila-hila ng isang lalaki.

Makabuluhan ang pananaw ng Gabriela. Hindi dapat pinapayagan ang ganoong akto na nakababawas kundi man nagnanakaw na mismo sa respetong dapat ibinibigay sa mga kababaihan, agad namang humingi ng dispensa ang pamunuan ng Bench sa reklamo ng makababaihang grupo.

Walang ipinakitang hubad na harapan o likuran si Coco Martin sa nasabing rampahan, pero sa kabila noon ay matinding palakpakan pa rin ang isinalubong sa kaniya, hindi na raw kailangan pang magpakita ng anumang tagong bahagi ng kaniyang katawan si Coco Martin para maramdaman ang kaniyang presensiya.

Sa susunod ay dapat nang mag-ingat ang mga utak na bumubuo ng konsepto ng palabas para walang ibang taong nadadamay at walang grupong napapaklahan sa kanilang atake.

Ai Ai Delas Alas – Inamin na ni Gerald na “on” sila ni Ai Ai

Gerald Sibayan ang pangalan ng badminton player ng De La Salle University na sinasabing karelasyon ngayon ng Comedy Concert Queen na si Ai-Ai delas Alas.

Kung wala pang anumang kumpirmasyon ang komedyana tungkol sa pinagpipistahang balita, ang bagets naman ay umamin na, totoong girlfriend nito ngayon ang Comedy Concert Queen.

Nagkalapit ang kanilang loob dahil si Ai-Ai ang isa sa mga tumatayong managers ng Badminton team ng DLSU. Sa madalas nilang pagsasama sa practice at sa mismong laban ng team ay sobrang nagkalapit sina Gerald at Ai-Ai.

Dumadaan na naman ngayon sa matinding pagpansin ang komedyana. Kinukuwestiyon ng mas nakakarami ang katandaan niya nang 30 taon kay Gerald, parang anak na lang daw niya ang atleta.

May mga nag-aalala rin na baka love on the rebound lang daw ito dahil kagagaling lang ng komedyana sa isang masaklap na karanasan kay Jed Salang, sana raw naman ay hindi, sana’y pag-ibig talaga ang dahilan ng pakikipagrelsyon niya kay Gerald Sibayan.

Imateryal na ang pagitan ng kanilang edad, wala namang pinaiiral na kautusan tungkol sa edad ang pakikipagmahalan, kung saan maligaya ang tao ay doon siya dapat lumugar.

Iyon ang pinakamahalaga. Hindi ang katayuan sa buhay, hindi ang edad, hindi ang kung anu-ano pang dahilan.

Nora Aunor – Dapat pasukin ng fans ang Dementia nang hindi langawin sa box office

Kahit para man lang sa unang pagtatangka ni Sir Perci Intalan sa pagdidirek ay gusto naming magtagumpay sa takilya ang pelikulang Dementia ni Nora Aunor.

Nakita kasi namin ang matinding dedikasyon na iniukol ni Sir Perci sa proyektong ito, halos doon na natuon ang kaniyang buong panahon, bukod pa sa totoo namang magaling umarte ang Superstar at maganda ang kabuuan ng pelikula.

Nakapanglulumo ang mga unang pigurang nakarating sa amin tungkol sa resulta sa boxoffice ng Dementia. Hindi kagandahan ang numero, pero umaasa kami na sa dalawang araw na nakaraan ay nakabawi iyon.

Ngayon dapat ipakita ng mga tagahanga ni Nora Aunor ang tunay na pakahulugan sa salitang suporta. Hindi iyon naipakikita sa pagtalak at pang-aaway sa mga taong hindi sumasang-ayon sa mga ginagawa ng kanilang idolo. Ang tunay na suporta ay ipinararamdam sa panonood ng mga proyektong ginagawa ni Nora Aunor.

Ano’ng mangyayari sa pakikipag-away, makadadagdag ba iyon sa ticket sa takilya? Ano rin ang mangyayari sa pamba-bash ng mga taong pumipitik kapag palso ang ginagawa ng kanilang idolo?

Kung totoong milyon pa rin ang tagahanga ni Nora Aunor hanggang ngayon, punuin dapat nila ang mga sinehan. Siksikin nila iyon para hindi sabihin ng ibang tao na nakakakuha nga ng mga parangal dito at sa ibang bansa ang kanilang idolo pero nilalangaw naman ang mga ginagawang proyekto.

SA mga umpukang-showbiz ay paboritong pagpistahan ngayon ang mga pasaring at disgusto ni Nora Aunor sa TV5. Hindi nagustuhan ng mga kababayan natin ang kaniyang mga reklamo, dahil pagkatapos nang walong taong pamamalagi sa Amerika dahil wala na nga siyang ginagawa dito sa Pilipinas, ang TV5 ang nagbigay sa kaniya ng ikalawang pagkakataon para muling makabalik sa gitna ng laban.

Napakalaking tulong ang ibinigay sa kaniya ng network. Hindi matapus-tapos noon ang pagsusuob ng mga papuri at pasasalamat ng Superstar sa TV5, pero ngayon ay iba na ang tono ng kaniyang mga pananalita.

Pinabayaan daw siya ng istasyon. Dalawang tele-serye lang daw ang ibinigay sa kaniya at ang mga sumunod ay puro guestings na lang. Nang magkasakit daw siya ay ibinawas pa ng TV5 ang nagastos sa ospital sa kaniyang kontrata.

Ayaw nang makipag-argumento pa sa kaniya ng mga tagapamuno ng TV5, kung ayaw na raw pumirma uli ng kontrata ni Nora sa istasyon sa pagtatapos ng kaniyang kontrata ngayong Oktubre ay karapatan niya iyon, good luck na lang ang masasabi ng network sa kaniya.

Heart Evangelista – Tinanggap na muli ng magulang, paano si Sen. Chiz?

Totoong nagkaroon na ng puso-sa-pusong pag-uusap si Heart Evangelista at ang kaniyang mga magulang. Sa naganap na hindi pagkakaunawaan sa pagitan ng aktres at ng kaniyang pamilya ay ang kaniyang ama ang unang nagbaba ng bandera.

Lumalambot na ang puso ng kaniyang ama, pero ang mommy ni Heart ay matigas pa rin, ayon sa aming impormante ay natanggap na nito si Heart pero hindi ang kaniyang mapapangasawa.

Naging masalimuot ang relasyon ni Senador Chiz Escudero at ng pamilya ni Heart. Hindi madaling kalimutan ang lantarang pagpapainterbyu ng mga ito tungkol sa pag-ayaw sa mambabatas.

Sino ba naman ang makalilimot sa mga pintas at pagpunang pinakawalan noon ng mag-asawang Evangelista laban sa magiting na senador?

Sa unang pagkikilala pa lang nila, ayon sa mga magulang ni Heart, ay lasing ang senador at pasalampak na naupo sa isang couch.

Nawasak sa pagkakataong iyon ang madalas nating paniwalaan na “best foot forward,” dahil sa unang pagtatagpo pa lang ng senador at ng mga magulang ni Heart ay X na agad ang markang nakuha nito, nakakatakot pa naman ang unang impresyon dahil iyon ang tumatatak.

Komento ng kaibigan naming propesor, “Tinanggap na si Heart ng parents niya, pero siya lang, hindi kasama si Senator Chiz. Clearly, anak kasi nila si Heart, walang magulang na makatitiis sa anak.

“It’s a game of waiting, tingnan na lang natin kung darating ang pamilya ni Heart sa kasal nila ni Senator Chiz,” nag-aalinlangang komento ng aming kausap.

Marion Aunor – New Female Recording Artist of the Year

Maligayang-maligaya ngayon si Maribel Aunor dahil nagwagi ang kaniyang panganay na si Marion bilang New Female Recording Artist Of The Year sa katatapos lang na PMPC Star Awards For Music.

Sa lahat ng anggulo ay karapat-dapat lang namang manalo si Marion Aunor dahil sa sasandaling panahon niya ng pamamalagi sa mundo ng musika ay mayroon na siyang tatak sa publiko.

Noong nakaraang taon ay pinarangalan siya sa Himig Handog dahil sa piyesang siya ang nagsulat at nag-interpret.

May kakaibang tunog ang boses ni Marion Aunor. May katangian iyon na kaniyang-kaniya lang na kapag narinig mo’y siguradong siya nga iyon.

Hindi kailanman inakala ni Lala na ang kaniyang mga anak ay malilinya rin sa pagkanta. Magagaling tumugtog ng iba’t ibang instrumento sina Marion at Ashley, pero ang akala niya’y hanggang doon lang iyon, darating pala ang pagkakataong madudugtungan ang listahan ng mga Aunor sa industriya ng musika bukod sa kanila ng kaniyang pinsang si Nora Aunor.

Sinsero ang pasasalamat na ipinaabot ni Marion Aunor sa kaniyang dakilang ina nang tanggapin niya ang parangal ng PMPC. Emosyonal ang dalaga dahil mula sa unang hakbang ng kaniyang mga pangarap ay nand’yan lang si Lala Aunor na nakasuporta sa kaniya.

Jasmine Curtis Smith – Malamang magtagal sa showbiz

Magtatagal sa showbiz si Jasmine Curtis Smith. Maraming katangian ang magandang teenager na magiging matinding puhunan niya para magtagal sa napili niyang propesyon.

Dahil sa kasasama niya noon kay Anne, siguro nga ay nagmamasid-masid na ang dalaga, pinag-aaralan niya na ang mundong pinasok ng ate niya.

At hindi lang siya maganda, mahusay umarte si Jasmine, bihirang magkambal ang ganda at talento pero masuwerte si Jasmine sa pagkakaroon noon nang sabay.

Sabi ng isang katrabaho niya sa TV5, “Mabait po si Jasmine, saka marunong makibagay sa tao. Kapag humihingi siya ng tubig sa utility, mayroon siyang please. Hindi siya basta mag-uutos lang.

“Wala ring problema ang staff sa kaniya dahil parang wala siyang sumpong. Di ba, may mga artistang minsan, e, wala sa mood? Si Jasmine, palaging maaliwalas ang mukha niya, hindi siya palasimangot, kaya mahal siya ng production staff,” kuwento ng aming kapatid sa TV5.

Iba nga naman ang hatid ng magandang takbo ng career at maligayang puso. Alagang-alaga siya ngayon ng TV5, maayos pa ang relasyon nila ni Sam Concepcion, wala nang mahihiling pa si Jasmine.

Maganda ang pagpapalaki kina Anne at Jasmine ng kanilang mga magulang. Naturingang sa Australia sila matagal na nanirahan pero ang ugali at kulturang Pilipino ay hindi nila pinabayaan.

Marian Rivera – Sinusunod ang tradisyong Pilipino para sa kasal

Kahanga-hanga ang mga pinaiiral na makalumang paniniwala ni Marian Rivera tungkol sa nalalapit nilang pagpapakasal ni Dingdong Dantes.

Caviteña si Marian, probinsiyana kung tutuusin, kaya matindi ang pagpapahalaga niya sa mga kapaniwalaang Pinoy tungkol sa pagpapakasal.

Ilang araw na ang nakararaan ay namanhikan na ang buong pamilya ni Dingdong, pormal na nitong hiningi ang mga kamay ni Marian, isang kulturang Pinoy na pinahalagahan nila kahit gaano pa kamoderno ang panahon ngayon.

Ang paniniwala na bawal isukat ang traje de boda, hindi iyon gagawin talaga ni Marian, kahit pa sikat na designer na hinahangaan niya (Michael Cinco) ang gagawa ng kaniyang damit-pangkasal.

Siguardong napakagandang bride ang lalakad papunta sa altar sa December 30 at isang napakaguwapong groom naman ang naghihintay sa kaniya.

At kung kilala nga natin si Marian na iyakin, malamang na maghulas sa kaiiyak niya ang make-up ni Bambbi Fuentes, pero walang mababawas sa kaniyang kagandahan sa napakahalagang araw sa kaniyang buhay.

Kuwento ng dalaga ay mahirap daw palang magpakasal, lahat ng anggulo ay inaayos nilang mabuti ni Dingdong; may wedding planner man sila ay inaalagaan pa rin nilang mabuti ang lahat ng mga detalye para lumabas na maayos ang kanilang pag-iisang dibdib.

Hindi nakikipagbonggahan sina Dingdong at Marian, isang maayos na kasal lang ang kanilang hangad, hindi nga naman kasi sa pagiging paboloso ng kasal sinusukat ang pagmamahalan.

Marami nang nagpakasal nang bonggang-bongga ang pagkatapos lang nang ilang taon ay nagkahiwalay na. Mayroon namang mga personalidad na sa huwes lang nagpakasal pero hanggang ngayo’y maligaya pa ring nagsasama at buung-buo ang mga pamilya.

Robin Padilla – Papasok kayang muli sa politika?

Si Mariel Rodriguez mismo ang nagkuwento kay Grace Lee sa Aksyon Sa Umaga na maraming pulitikong lumalapit ngayon kay Robin Padilla para kumbinsihin ang action star na kumandidato sa 2016.

“Marami talaga, as in, may mga ibinibigay pa silang figures! Nagpupunta talaga sila, kinakausap nila si Robin para kumandidato sa 2016, pero wala siyang tinatanggap,” pagpapatotoo pa ng magandang host ng Talentadong Pinoy.

Minsan nang nakilahok sa mundo ng pulitika si Robin Padilla nang kumandidato siyang vice-governor sa Nueva Ecija. Bagito pa lang siya noon, hindi pa niya kabisado ang likaw ng bituka ng pulitika sa Pilipinas, natalo siya.

Pagkatapos noon ay parang nawalan na siya ng interes sa anumang posisyon sa gobyerno, sa halip ay naging mapagmasid pa nga siya, isa si Robin Padilla sa iilang artistang nakikilahok sa mga rally kontra sa pamahalaan para idiin ang kaniyang paninindigan.

Sinabi rin ni Mariel na wala pa sa mga prayoridad nila ni Robin ang pagkakaroon ng anak sa ngayon. Aminado ang TV host na hindi pa ito handang humawak ng sensitibong responsibilidad; pero hindi raw naman sila papayag ni Robin na mawalan ng produkto ang kanilang pagmamahalan.

“Siya lang muna ang baby at bine-baby ko sa ngayon. Wala siyang kaagaw sa attention ko,” nakangiti pang kuwento ng halatadong maligayang-maligayang si Mariel Rodriguez.

Cielito Legaspi Santiago – Pumanaw na ang mommy ni Randy, Rowell at Raymart

Isang taos-pusong pakikiramay ang nais naming ipaabot sa pamilya Santiago sa biglaang pagpanaw ni Mommy Chiling, Cielito Legaspi Santiago, ina ng magkakapatid na aktor na sina Randy, Rowell at Raymart.

Dalawang buwan na ang nakararaan ay pinadalhan pa kami ni Mommy Chiling ng paborito niyang lutuing sardinas, noong nakaraan naming kaarawan ay nagpadala pa siya sa amin ng cake, madalas naming ka-text si Mommy Chiling.

Naikuwento pa nga niya sa amin na luto raw siya nang luto ng kakanin na paborito nina Santino at Sabina dahil dadalhin sa kaniya ni Raymart ang dalawa niyang apo, pero hindi naman iyon nangyayari, ikinalulungkot niya ang ganoong pagkabigo.

Naalala pa namin ang kaniyang kuwento na mula nang sumakabilang-buhay ang kaniyang kabiyak na si Direk Pablo Santiago ay natupad niya ang araw-araw na pagbisita sa puntod ng kaniyang mister sa loob nang maraming taon.

“Kapag hindi maganda ang pakiramdam ko, may naka-assign akong tao para magdala ng bulaklak araw-araw sa puntod niya. Mga sariwang bulaklak ang iniaalay namin sa kaniya, hindi namin siya nakakalimutan,” kuwento ni Mommy Chiling.

At kapag lumalabas naman ang buong pamilya para kumain ay kabahagi-kasama pa rin nila si Direk Pablo Santiago. May isang bakanteng upuan doon kung saan nakapatong ang mga abo ng direktor, naglalagay sila ng mga pagkain sa isang pinggan, itinatapat nila iyon sa bakanteng upuan.

“Nand’yan lang siya, hindi niya kami iniiwan. Kapag magkakasama kami ng mga bata, makakakita kami ng paruparo. Mahirap ipaliwanag kung saan lumusot ang paruparo pero may nakikita kami,” masarap na pag-alala ng yumaong ina ng magkakapatid na Santiago.

Nagpaalam si Mommy Chiling na malungkot bilang ina. Palagi niyang iniiyakan ang pinagdadaanang problema ng kaniyang bunsong lalaking si Raymart; umalis siyang bigo dahil hindi niya nakita ang pagtatapos ng isang kuwentong matagal na sana niyang gustong matuldukan.

Isang mapayapang paglalakbay sa dako pa roon para kay Mrs. Cielito Legaspi Santiago. Si Mommy Chiling. Isang dakilang ina at kaibigan-nanay-nanayan.

Have a comment on this article? Send us your feedback

Oktubre 16 – 31, 2014


	Marcelito Pomoy, Kathryn Bernardo, Daniel Padilla, Kim Chiu & John Lapus

	Piolo Pascual

	Charice

	Derek Ramsay

	Angelica Panganiban

	Heart Evangelista

	Robin Padilla

	Michael Yamson & Mommy D. Pacquiao

	Vhong Navarro

	Tiya Pusit

Daniel at Kathryn – Winnipeg concert produced by Todd Labelle Promotions

Matagal din ang ipinaghintay ng mga kababayan natin sa Winnipeg para makasama nila roon ang tambalan nina Daniel Padilla at Kathryn Bernardo.

Madalas mabanggit ng aking mga kaibigang taga-Winnnipeg na sabik na sabik na ang mga bagets doon para makasama ang tambalang Kathniel.

Pero sa dami ng ginagawa ng tambalan ay mahirap makasingit sa kanilang schedule. Mabuti na lang at nakakuha ng magandang tiyempo ang Todd Labelle Promotions. Lahat ay excited sa concert nina Daniel Padilla at Kathryn Bernardo sa November 2 sa Pantages Playhouse Theatre.

Makakasama nila sina Kim Chiu, Marcelito Pomoy at John Lapus, pero hindi natin maitatanggi na ang dahilan ng panonood ng mga anak ng ating mga kababayan sa Winnipeg ay ang tambalang Kathniel, sila naman kasi ang pinakasikat na loveteam ngayon.

Nasa mabubuting kamay ang buong grupo. Ang Todd Labelle Promotions din nina Todd at Katya ang nagprodyus ng matagumpay na concert ni Bamboo ilang linggo pa lang ang nakararaan – maraming kuwento na rin kasing naglantad tungkol sa mga shows ng mga Pinoy personalities sa ibang bansa na nabulilyaso dahil sa mga prodyuser na hindi maayos kausap.

Maganda ang imahe ng Todd Labelle Promotions. Sa mga kuwento pa lang ng aking kaibigan ay parang ramdam na ramdam na namin kung gaano kasarap mag-alaga at magmahal sa kanilang mga talents sina Todd at Katya. Patuloy na magtatagumpay ang produksiyong ito kapag palaging ganyan ang ipinakikita nilang propesyonalismo sa mga kinukuha nilang singers at artistang Pinoy.

Piolo Pascual – Huwag na sanang gawing katwiran pa si Iñigo

Sa mga pinakakawalang pahayag ngayon ni Piolo Pascual ay parang lumalabas na napakaramot ng kaniyang anak na si Iñigo.

Sa edad nitong 17 na ngayon ay parang hindi marunong umunawa ang kaniyang anak na may sarili rin siyang buhay, na may karapatan din siyang lumigaya. Bakit kasi palaging si Iñigo ang isinasangkalan niya sa pakikipagrelasyon?

Pinagtataasan tuloy ng kilay ng mas nakararami ang pinakahuli niyang katwiran na kapag nag-18 na raw si Iñigo ay puwede na siyang makipagrelasyon at magpakasal.

Pero ayaw raw niyang magpakasal sa Pilipinas, sa ibang bansa raw niya gusto, para kahit paano’y mahawakan niya ang kapribaduhan ng kaniyang buhay.

Hindi siguro namamalayan ni Piolo, pero ang madalas niyang katwiran na sangkot ang kaniyang anak na si Iñigo ay hindi nakagaganda sa kanilang mag-ama. Sabi nga ng mga kausap naming propesor na beki ay sumosobra na raw ang pagiging echoserang frog ni Piolo.

Dumarating din kasi sa punto ng pagkaumay ang mga kababayan natin. Ilang taon na ba niyang ginagawang sangkalan si Iñigo sa pagkakaroon niya ng karelasyon, napakatagal na!

Palaging magagalit ang kaniyang anak, seloso raw si Iñigo, kaya kapag nag-18 na raw ito ay puwede na siyang magkaroon ng karelasyon.

Parang baligtad kasi ang senaryo. Hindi dapat ang kaniyang anak ang kumokontrol sa kaniyang personal na kaligayahan, si Iñigo dapat ang sinasabihan niya na huwag munang atupagin ang pakikipag-girlfriend, kung gusto nitong magtagumpay sa pag-aartista.

Hiling ng ating mga kababayan ay magpakatotoo na raw sana si Piolo Pascual. Kung ano ang nakapaloob sa mensaheng iyon ay depende sa magbibigay ng interpretasyon.

Charice – Ayos nang muli ang buhay pamilya

Ikinuwento sa amin ni Nanay Tessie Relucio, lola ni Charice Pempengco, na naglipat na ang singer at ang kaniyang girlfriend na si Alyssa Quijano ng kanilang mga kagamitan para makasama na sa bahay si Aling Raquel Pempengco.

Iniwanan na raw ng magkarelasyon ang ipinagawa nilang bahay. Hindi naman pala iyon isang buong bahay kundi ikalawang palapag lang ng bahay ng kaniyang manager, pero ginastusan daw iyon ni Charice.

Matagal-tagal ding nagkaroon ng hidwaan ang mag-ina, pero sa kabuuan ng kanilang away ay naging marespeto si Charice, hindi niya binarubal ang kaniyang mommy.

Kung anu-ano ang pinagsasasabi noon ni Aling Raquel, kung isumpa nito si Alyssa ay parang wala nang bukas pa, pero tulad ng ending ng maraming kuwentong-pampamilya ay nagkasundo rin ang mag-ina.

Palagi namang ganoon ang kuwento. Sa simula ay masasakit ang mga salitang ibinabato nila sa bawat isa, pero sa takdang panahon ay parang walang nangyari, nagkakasundo rin sila.

Kahit paano, kahit sa maliit lang niyang paraan, ay nakatulong si Charice para isulat ang pangalan ng Pilipinas sa mapa ng mundo.

Una siyang “inampon” ni Ellen DeGeneres, pagkatapos ay tumawid siya kay Oprah Winfrey, hanggang sa maging regular talent na siya ng sikat na record producer na si David Foster.

“The pride of the Philippines!” kung ipakilala siya ni David Foster. Kahilera niyang kumakanta sa mga concerts nito sina Celine Dion, Lionel Ritchie, Pavarotti, Mariah Carey, Billy Joel at marami pang ibang naglalakihang pangalan sa mundo ng musika.

Kahit doon man lang sana ay dapat magkaroon ng puso ang iba nating mga kababayan para kay Charice Pempengco. Sana’y ang kaniyang talento ang masilip ng iba at hindi ang kaniyang mga kapintasan.

Mas masarap para kay Charice ang matanggap siya ng mga Pilipino kesa ng mga dayuhan. Aanhin nga naman niya ang palakpak ng mga foreigners kung sa sarili niya namang bayan ay kinukutya siya?

Sa isang banda naman ay kailangan ding magpaka-Pilipino ni Charice. Kapag nasa bansa siya ay gawin niya ang mga ginagawa ni Juan at hindi ang mga natutuhan niya kay Uncle Sam.

Huwag siyang maglalagay ng pader sa pagitan niya at ng ating mga kababayan. Magsalita siyang Pinoy na Pinoy at kumilos siyang berdaderong Pinoy. Walang masama sa pagsasalita ng Ingles, pero sana’y pipiliin niya ang tamang okasyon, rekomendasyon din namin na tanggalin niya ang American twang na naglalayo sa kaniya sa puso ng mga tunay na Pinoy.

Pero huwag na sanang tutukan ng mga bashers ang kaniyang itsura, ang kaniyang buhok, ang kaniyang mga isinusuot at ang kaniyang kilos.

Sa pagtatapos ng araw ay iisang lahi lang naman tayo. Sa isip, sa salita, at sa gawa.

Derek Ramsay – Tinutulungan ba ni Kris sa kaso?

Lantarang ipinaramdam ni Mary Christine Jolly at ng kaniyang mga abogado na wala silang tiwala sa piskalya ng Makati na humahawak sa kasong R.A. 9262 na isinampal niya laban kay Derek Ramsay.

Kamakailan lamang ay binaklas na ng babae ang asunto, sa Department of Justice (DOJ) na lang daw sila maghahain, hahanap daw sila ng tamang hukumang makapagbibigay sa kaniya ng hustisya.

May nakapagsabi raw kasi sa kanila na walang mangyayari sa asuntong ihinain niya sa Makati, hindi raw iyon aakyat sa husgado, sa piskalya pa lang daw ay mauuwi na iyon sa basurahan.

May pahimakas din si Mary Christine Jolly na may mga kamay na hindi nakikita na gumagalaw sa likod ng asuntong ihinain niya. Malakas daw ang kanilang duda na nagsasayang lang sila ng panahon dahil hindi naman makakamit ng babae ang katarungang hinahanap niya.

Kung sasakyan natin ang linya ng pangangatwiran ni Mary Christine, at kung ang tinutukoy niyang “nakikialam” sa kasong isinampa niya laban kay Derek Ramsay ay si Kris Aquino, ay walang kapupuntahan ang istoryang ito.

Mag-iikot nang mag-iikot sa lahat ng korte ang babae, forum shopping ang kauuwian ng asuntong isinasampa niya laban kay Derek, isang paraan iyon ng panggigipit sa hunk actor.

Makapangyarihan daw ang taong nasa likod ni Derek, ayon pa sa kampo ni Mary Christine, kung totoong powerful nga ang taong tinutukoy nila ay saan pa sila pupunta?

Ang taong makapangyarihan ay kayang magpalutang ng kaniyang kapasidad kahit saan. Walang pinipiling lugar ang power, kahit ano ay kayang abutin ng makapangyarihang tao, kaya kung iyon ang kanilang tinutumbok ay may pupuntahan pa ba silang husgadong makapagbibigay ng inaasam-asam niyang tagumpay?

Angelika Panganiban – Nadamay pa sa concubinage charge laban kay Derek

Nainterbyu namin si Derek Ramsay sa Cristy Ferminute (92.3 News FM-AKSYON TV-41) kamakailan. Kahit via phone patch lang iyon ay parang nakikinita namin ang itsura ng hunk actor habang humihingi ng dispensa kay Angelica Panganiban dahil sa pagkakasangkot ng pangalan nito sa kasong concubinage na isinampa laban sa kaniya ni Mary Christine Jolly.

Lahat talaga ng butas ay sisilipin ngayon ng babae para siya ipitin, kung walang maibubutas ay kailangang magkaroon ng dahilan para siya mapasuko. Depende na lang ngayon kay Derek kung isusuko na niya ang laban para magkaroon siya ng katahimikan ng kalooban.

Pagkatapos nilang magkahiwalay ay nawalan na ng komunikasyon sina Derek at Angelica, pero kinailangang tawagan ng aktor ang kaniyang ex, senyal ng pagiging maginooo ang ginawa niyang aksiyon at pangakong hinding-hindi niya pababayaan ang aktres sa labang ito.

Nakakalungkot ang personalang nangyayari sa dapat sana’y labanan lang sa piskalya nina Derek at Mary Christine. Pati ang kanilang anak ay naapektuhan na dahil sa pagsasama ng babae sa bata sa piskalya. Minura pa ng isang abogado ni Mary Christine si Attorney Joji Alonso, babae ang abogado ni Derek pero parang nawalan iyon ng saysay dahil sa pamemersonal ng kampo ng babae.

Maraming nag-oopinyon na mas titibay ang paninindigan ngayon ni Derek Ramsay dahil sa panggigipit na ginagawa sa kaniya ng naturingan pa namang ina ng kaniyang anak.

Sabi nga ng mga nakakausap namin ay parang sundalo raw ang hunk actor na habang nasusugatan ay lalong tumatapang.

Heart Evangelista – Hindi raw pupunta sa wedding ang mga magulang

Isa sa pinakamaligayang estado sa buhay ng isang babae ang araw ng kaniyang pagpapakasal. Isang panibagong mundo na ang kaniyang papasukin katuwang ang lalaking pinili niyang pakasalan.

Pero paano kung hindi naman kumpleto ang kaniyang kaligayahan dahil may basbas nga ang kaniyang pagpapakasal pero wala naman sa okasyon ang kaniyang mga magulang na dapat ay gagabay sa kaniya sa pagpapaalam sa buhay-dalaga?

Ganoon mismo ang nangyari kay Heart Evangelista. May basbas na ng kaniyang mga magulang ang pagpapakasal niya kay Senator Chiz Escudero, pero wala ang mga ito sa pinakamahalagang okasyon sa kaniyang buhay?

Marami nang namagitan sa magkabilang kampo. May nakapagpalambot na sa puso ng ina ni Heart, pero hanggang doon lang iyon. Hindi pa rin matanggap ng mag-asawa bilang mamanugangin ang mambabatas.

Hanggang ngayon ay ayaw mabura sa isip ng mag-asawa ang mga unang araw ng pagkikilala nila ng senador. Ang pasalampak nitong pag-upo sa harapan nila habang lasing, ang hindi pagpasa ng senador sa kaugaliang pinaiiral ng pamilya ni Heart, marami pang ibang dahilan.

Malayu-layo pa naman ang kasalan, bibilang pa tayo nang ilang buwan, harinawang mula ngayon hanggang sa Pebrero ay magbago pa ang desisyon ng mga magulang ni Heart Evangelista para makumpleto ang kaniyang kaligayahan sa pagpasok sa buhay-may-asawa.

Robin Padilla – Mahal ng lahat sa TV5 dahil sa galing makisama

Nakakatuwa ang kuwento ng mga anak-anakan naming guwardiya sa TV5. Matindi ang respeto at pagmamahal nila kay Robin Padilla dahil sa respeto at pagmamahal ding ibinibigay sa kanila ng action star at host ng Talentadong Pinoy.

Nasa Reliance kami at sa Novaliches studio naman ang taping ng Talentadong Pinoy, pero ang mga kuwento roon ay mabilis na nakararating sa amin, tulad ng mga kuwentong-Robin Padilla.

Kuwento ng isang source namin, “Bago po makarating sa dressing room niya si Sir Robin, eh, matagal, kasi nga, lahat ng nadadaanan niya, hinihintuan niya para kumustahin.

“Napaka-PR po niya, mabait, maalalahanin, wala na kaming hahanapin pa sa kaniya. Ramdam na ramdam namin ang pagmamahal niya sa maliliit. Iyon pala ang dahilan kung bakit napakaraming nagmamahal sa kaniya,” papuri nito sa action star.

Pagdating sa pagpapahalaga sa kapwa ay bilyonaryo si Robin Padilla, puwede siyang utangan ng mga kasamahan niyang artista, umaapaw ang kaniyang kaban sa malasakit at pagmamahal.

Mommy D Pacquiao – Huwag na sanang maghangad na magka-anak pa, medyo OA na

Naiintindihan ng mas nakararami nating kababayan ang muling pagtibok ng puso ni Mommy Dionisia Pacquiao. Kung ang kaniyang mga anak nga ay pikit-mata nang tinanggap ang kaniyang pakikipagrelasyon ay sino ba naman tayo para kumontra pa?

Nauunawaan ng marami ang pakikipagmahalan ni Mommy D kay Michael, mahiwaga talaga ang pag-ibig, walang pinipiling lugar, estado at edad.

Pero sana’y hanggang doon na lang iyon. Huwag na sanang maging OA pa ang sitwasyon. Huwag na sanang sinasabi pa ng mga taong sangkot sa kuwento ang kagustuhan nilang magkaroon ng anak.

Una, sa edad at kalagayan ngayon ng dakilang ina ng Pambansang Kamao ay mahihirapan na siyang magdalantao. Pananakit na ng mga buto-buto at balakang ang kailangang asikasuhin ngayon ni Mommy Dionisia at hindi ang pagbubuntis.

Hindi naman sa nakakaadwa nang marinig ang pagkagusto niyang magkaanak, libre naman ang pangangarap at walang matrikula, kaya lang ay nakapag-aalala na ang kaniyang sitwasyon.

Ilang taon pa at liyebo sitenta na si Mommy D, okey nang maligaya siya ngayon sa piling ng kaniyang boyfriend na si Michael. May karapatan siyang lumigaya dahil sa kaniyang mga pinagdaanang pagsubok.

Pero hanggang doon na lang sana iyon.

Please lang po.

Vhong Navarro – Ibinasura ng korte ang dimanda ni Roxanne Cabanero

Ibinasura ng DOJ ang kasong rape na isinampa ni Roxanne Cabanero laban kay Vhong Navarro. Lumanding nga sa basurahan ang demanda ng babae dahil sa kawalan ng merito.

Kunsabagay ay hindi na kailangang maging abogado, piskal, huwes at kung anu-ano pang posisyon ang isang karaniwang mamamayan para malamang walang saysay ang bintang ng babae laban sa actor-dancer-TV host.

Tulad ng nakasaad sa resolusyong ipinalabas ng DOJ, bakit ngayon lang nagdemanda si Cabanero, samantalang pinagsamantalahan na pala siya ni Vhong noong taong 2010 pa?

Apat na taon muna siyang nanahimik bago sumigaw na hinalay siya ni Vhong? Ang isang babaeng ninakawan ng dignidad ay agad-agad na nagsusumbong sa mga otoridad, ipinaglalaban ang kasalahulaang naganap sa kaniya, lalo na’t sapilitan ang pangyayari.

Sa unang paglalantad pa lang ni Cabanero ay pinagtaasan na ng kilay ng publiko ang kaniyang reklamo. Napatunayan ng kampo ni Vhong na noong mismong gabing pinagsamantalahan diumano siya ng aktor ay nasa Cavite ito para sa isang show.

Nasaksihan ng buong bayan ang isang footage nang magtagpo sila sa piskalya, sumama si Cabanero sa grupo ni Deniece Cornejo, pasakay na si Vhong nang batuhin niya ito ng kaniyang shades. Sigaw nang sigaw ang babae, rapist daw si Vhong Navarro.

Anyare? Sino ngayon ang lumabas na kahiya-hiya? May naniwala ba sa kaniyang mga sigaw?

Sayang na shades!

Tiya Pusit – Nagpaalam na ang mahusay na komedyana

Pumanaw na ang magaling na komedyanang si Tiya Pusit noong Huwebes (October 2) nang hatinggabi pagkatapos nang may dalawang buwang pagkakaospital dahil sa sakit sa puso.

Sumailalim siya sa operasyon, pero marami pang kumplikasyon ang lumabas, hanggang sa life support na lamang ang bumuhay sa kaniya nitong mga huling araw.

Nakababatang kapatid ng magaling ding komedyanang si Nova Villa si Tita Meng, nakagawa siya ng napakaraming pelikulang komedya. Isang malaking kabawasan si Tiya Pusit sa mundo ng katatawanan.

Mabentang-mabenta ang komedyana kapag eleksiyon. Bentang-benta ang galing niya sa pagho-host sa ating mga kababayan. Ilan lamang sa mga sinuportahan niyang pulitiko sina dating Pangulong Joseph Estrada at dating Mayor Joey Marquez.

Ang pinakahuling isyung kinapalooban ng komedyana ay ang pagkakaroon ng karelasyong mas bata kesa sa kaniya nang maraming taon.

Pagkatapos noon ay napabalita na ang kaniyang pagkakasakit. Matagal siyang nanatili sa Philippine Heart Center, hanggang sa binawian na siya ng buhay noong makalawa.

Ang taos-puso naming pakikiramay sa pagpanaw ng isang mahusay na komedyana. Nakikidalamhati po kami sa lahat ng kaniyang mga iniwan.

Paalam, Tiya Pusit.

Have a comment on this article? Send us your feedback

Nobyembre 1 – 15, 2014


	Ruffa Gutierrez & Annabelle Rama

	Iñigo & Piolo Pascual

	Derek Ramsay

	DJ Durano

	Gerald Sibayan & Ai Ai Delas Alas

	Ritz Azul

Ruffa at Annabelle – Maanghang ang bangayan ng mag-ina sa tweeter

Pinagpipistahan ngayon ang pagpapalitan nang maaanghang na tweets ng mag-inang Annabelle Rama at Ruffa Gutierrez. Ang selebrasyon ng kaarawan ni Tita Annabelle na dapat sana’y masaya ay nabahiran ng lungkot dahil sa pagwo-walkout ni Ruffa.

Narito ang unang sultada ng pagpapalitan nila ng mensahe sa Twitter na maaaring masundan pa rin dahil sa pag-alsa ng kanilang emsoyon.

Tweet ni Tita Annabelle, “Akala mo, sa pag walkout mo sa birthday dinner ko last night, nasira ang gabi ko? Hindi! Tuloy pa rin ang saya. Hindi ako nakikialam sa buhay mo. As a mother, I have all the rights to give advice sa naliligaw na landas kong anak. Since day one, ‘yan lagi nating pinag-aawayan, lovelife mo, mahirap bang humanap ng guy na stable? May degree, businessman, naghahanap-buhay?

“Hindi ka naman namin pinalaki ng daddy mo at pinag-aral sa best schools para lang pumatol sa mga PG. Wake up! It’s not too late yet. Sayang ang beauty mo at pagiging matalino mo. Waste of time ‘yang mga PG na ‘yan. Palagi mong sinasabi kung bakit ako pumatol sa daddy mong guwapo. You always compare me to you. Daddy is handsome, hardworking and 10 years older than me at marunong maghanap-buhay.”

Ang balik naman ni Ruffa, “It doesn’t mean that just because you are a mother, you have the right to be bastos and embarrass your child in front of people!

“Excuse me… not only in front of people but in front of family and friends at an intimate dinner party. I am a mother too! And I would never do that! I walked out because you have crossed the line! You tried to be funny at my expense! Kung ikaw walang hiya, bigyan mo naman ng kahit konting hiya at respeto ang pamilya mo! What you did is not normal! Oh, and guess what? No one even called or asked me if I was fine. Only one person. Thank you to my dearest Sarah Lahbati for reaching out and for sincerely being concerned for me. I value your friendship.”

Kuwarenta anyos na ngayon si Ruffa, may dalawang anak na, pero pakiramdam niya ay nakakulong pa rin siya sa hawla dahil sa panghihimasok ni Tita Annabelle sa kaniyang lovelife.

Hindi rin naman natin masisisi si Tita Annabelle sa paghihigpit sa kaniyang anak dahil kaisa-isa nilang anak na babae ni Tito Eddie si Ruffa at walang nanay na naghahangad ng hindi maganda para sa kaniyang anak.

Pero may punto ang aktres sa pagsasabing huwag naman sana siyang ipinapahiya ni Tita Annabelle sa harap ng maraming tao, lalo na sa harapan ng kanilang mga kapamilya at kaibigan, dahil mayroon din siyang kahihiyan.

Ang punto ni Ruffa, puwede naman siyang pangaralan ng mommy niya nang pribado, matatanggap niya ang lahat dahil silang dalawa lang ang nag-uusap.

Magkaputol ang pusod nina Tita Annabelle at Ruffa, nagmamahalan pa rin sila, natatakpan lang iyon ng kanilang mga emosyon na hindi pa nagkikita sa gitna ngayon.

Iñigo Pascual – Laging ihahambing sa kaguwapuhan ng kaniyang dad Piolo

Mahirap din ang sitwasyon ng anak ni Piolo Pascual na si Iñigo. Habambuhay na maikukumpara ang binatang ito sa kaniyang ama. Hindi magkakaroon ng sariling pagkakakilanlan si Iñigo dahil hindi mawawala sa isip ng mga Pinoy na si Piolo Pascual ang kaniyang ama.

Kahit pa madalas sabihin ni Piolo na hindi niya papayagang mag-artista ang kaniyang anak dahil ang gusto niya ay ang magpatuloy ito ng pag-aaral sa Amerika ay wala siyang nagawa.

May natapos nang pelikula si Iñigo at lumalabas na rin sa ilang shows ng ABS-CBN, kaya ang kagustuhan niyang mag-aral muna ang bagets ay hindi nangyari. Mas umiral ang pangarap ni Iñigo na sundan ang mga yapak ng kaniyang ama.

May sariling katangian si Iñigo. Pero ang pagkukumpara ay hindi maiiwasan, palaging ihinahambing ang itsura ng binata sa kaniyang guwapong ama.

Wala raw sa kalingkingan ng kakisigan ni Piolo si Iñigo. Kapag pinagtabi raw sila ay di hamak na mas may panghalina pa ang nagkakaedad nang aktor kesa sa nagbibinata niyang anak. Magiging mahirap para sa bagets ang pagkakaroon ng sariling identity.

Derek Ramsay – Naareglo na ang kaso, marami pang endorsements

Siguradong nakakatulog na nang mahimbing ngayon si Derek Ramsay dahil tapos na ang giyera nila sa piskalya ni Mary Christine Jolly.

Ilang buwan ding binulabog ng babae ang ama ng kaniyang anak. Kung anu-anong akusasyon ang ibinato nito laban sa hunk actor. Ang masakit nga lang ay halos wala namang naniwala sa kaniyang mga atake.

Diretsong sinabi ng aming impormante na hindi naganap ang gustong mangyari ni Mary Christine Jolly nang idemanda nito si Derek Ramsay. Labas sa usapan ang apatnapung milyong pisong hinihingi nito mula sa hunk actor, pero usaping-milyon din ang pinag-uusapan sa kanilang pagkakasundo.

Sa kanilang compromise agreement ay milyunan din ang halagang sangkot, pero hindi biglaan. At magandang malaman na ang milyong halaga ay nakalaan para sa kinabukasan ng kanilang anak na si Austin Gabriel.

Limang iba-ibang kumpanya ang nakipagmiting kailan lang kay Derek Ramsay at sa kaniyang manager na si Joji Dingcong. Limang kilalang produkto rin ang ieendorso ng hunk actor. May TVC na ay may mga billboards pa. Kokopohin na naman ng guwapong host ng The Amazing Race Philippines ang kahabaan ng EDSA dahil sa mga naglalakihan niyang billboards.

Ang pagkuha kay Derek bilang endorser ay nangyari sa kasagsagan ng demanda sa kaniya ni Mary Christine Jolly. Kung anu-anong masasakit na salita at paratang ang ipinukol sa kaniya ng babae, pero hindi nakaapekto iyon sa mga kumpanyang kumuha kay Derek Ramsay bilang tagapag-endorso nila.

Nakakatuwa iyon para sa actor. Ibig lang sabihin noon ay hindi nakasira sa kaniyang imahe ang mga akusasyon ng ina ng kaniyang anak. May kumpanya ba namang magpapakalugi sa pagkuha ng endorser na hindi gusto ng publiko?

Matinding porsiyento ng benta ng mga produkto ang endorser. Malaking imbitasyon sila para bumili ang ating mga kababayan ng ineendorso nilang produkto, kaya ang malinaw ngayon ay epektibo pa ring modelo si Derek sa kabila ng mga mapanirang kuwento ni Mary Christine Jolly.

Charice – Mahusay ang PR sa mga fans

Tawa kami nang tawa sa kuwento ng mga kaibigan naming minsang nakasabay sa flight ni Charice Pempengco. Positibo ang kanilang mga komento, walang nega, mabait daw pala ang international performer.

Sa Immigration pa lang daw ay parang pulitiko na si Charice sa kakakaway sa mga kababayan nating tumatawag sa kaniyang pangalan. Wala siyang pinagmamalditahan, kung may gustong magpa-picture taking sa kaniya ay marespeto pa niyang nilalapitan, mabait daw sa mga tagahanga si Charice.

“Maporma si Charice, yes, pero marespeto siya. Very generous siya sa time, binibigyan niya ng panahon ang mga nagpapa-autograph, nagpaparetrato sa kaniya, pati nga tanong ng mga nang-uurirat, sinasagot niya.

“Eh, iyong isang nakasabay naming female personality, walang pakialam, diretso lang siya sa paglakad kahit may mga tumatawag sa name niya. Diretso rin agad siya sa lounge para walang mang-abala sa kaniya,” pagkukumpara ng aming kaibigan.

Pagdating sa Amerika ng aming kaibigan ay tumawag agad ito sa kaniyang kapatid, nagpapadala ito ng lahat ng albums ni Charice, dapat lang daw tulungan ang isang Pinoy performer na tulad ni Charice dahil marunong siyang magpahalaga sa mga sumusuporta sa kaniya. Ang nagagawa nga naman ng talento at PR 101.

Joey Marquez – Ayaw nang bumalik sa politika

Totoong-totoo ang binitiwang komento ni Mayor Joey Marquez na hindi na ganoon kaprestihiyoso ngayon ang mundo ng pulitika. Napakagulo na ng kanilang balwarte. Tuklawan nang tuklawan para lang sa katuparan ng kanilang ambisyon. Ang mali ay nagiging tama pa rin dahil sa pagbubuo ng mga paksiyon.

Hindi na serbisyo-publiko ang una ngayon para sa ibang pulitiko. Mas lumulutang na ang pag-asinta sa mas mataas na posisyon sa gobyerno. Ang sarap-sarap ngang pitikin sa ilong ng isang pulitikong nagpapanggap na makabayan pero ang totoo ay makasarili lang naman.

Sinasamantala ngayon ni Mayor Joey ang pakikipag-bonding sa kaniyang mga anak. Doon siya kinapos noong ilang termino siyang nagserbisyo bilang punong-lunsod ng Parañaque, naglakihan sina Yeoj, Winwyn at VJ nang halos hindi niya nararamdaman.

Mayor Joseph Estrada – Away pa ring kilalaning manugang si Bernard Palanca

Nakasabay namin sa pagdalaw kay Senador Jinggoy Estrada sina Bernard Palanca at Jerika Ejercito. Maayos ang kanilang relasyon, ipinagmamalaki nila ang mga pictures ng kanilang anak, pero hanggang ngayo’y hindi pa rin tanggap ang aktor ni Mayor Joseph Estrada.

Kung tutuusin ay may nag-uugnay sa dalawang pamilya dahil ang stepdad ni Bernard, ang pumanaw na si Dr. Larry Jocson, ay doktor ng dating pangulo.

Sa lahat ng okasyon ng mga Estrada ay palaging nandoon ang stepdad at mommy ni Bernard, kaibigan ng mga anak nina Senador Jinggoy at Precy si Erika, ang kapatid niyang bunso.

Dahil napawalang-bisa na ang kasal ni Bernard kay Meryll Soriano ay plano na sana nilang magpakasal ni Jerika, pero hindi nila iyon magawa. Hindi pa handa ang mayor ng lunsod ng Maynila na makita ang kaniyang anak na ikinakasal kay Bernard.

Pero handa silang maghintay. Nirerespeto ni Bernard ang emosyon ng dating pangulo. Sa takdang panahon nga naman kung talagang para sila sa isa’t isa ni Jerika ay matutuloy pa rin ang kanilang pagpapakasal sa altar.

Responsableng ama si Bernard sa anak nila ni Meryll, kinukuha niya ang bata para makasama ng kanilang anak ni Jerika. Kung nagkaroon man noon ng pagkakataong kinapos siya sa panahon at atensiyon sa kaniyang panganay ay bumabawi naman siya ngayon.

DJ Durano– Hindi ikinakaila ang naging relasyon sa bading na director

Pinakamatapang at may balls na artista ngayon sa aming pananaw si DJ Durano. Maaaring mas malalaki ang muscles ng ibang aktor kesa sa kaniya, puwede ring mas may abs kesa sa kaniya ang ibang hunk actors, pero pagdating sa pagiging totoo at mapanindigan ay walang tatalo aky DJ Durano.

Naging karelasyon niya nang mahabang panahon si Direk Wenn Deramas, kasal na lang ang kulang sa kanila kung tutuusin. Aminado ang aktor na si Direk Wenn ang naging dahilan kung bakit siya nagkaroon ng magandang career.

Walang pangako ang bukas, nagkahiwalay sila. May iba nang karelasyon ngayon ang direktor at si DJ naman ay may karelasyon nang babae.

Pero tulay pa rin ang nasa kanilang pagitan, hindi pader, nagrerespetuhan pa rin sila at nanatiling magkaibigan sa kabila ng kanilang paghihiwalay.

At ang pinakamagandang bahagi ng kuwento ay hindi itinatago ni DJ ang nakaraan nila ni Direk Wenn. Matinding pagtanaw ng utang na loob ang patuloy na pinahahalagahan ni DJ. Pinasasalamatan niya ang direktor, isang matibay na barometro ng pagiging lalaking-lalaki.

Maraming lalaking personalidad na naging karelasyon din ng bading, pero sa halip na magpasalamat sa oportunidad na ibinigay sa kanila ay nagdedenay pa, parang diring-diri pa kapag iniuugnay ang kanilang mga pangalan sa beki.

Magmano sila kay DJ Durano na pinaninindigan ang kaniyang ginawa. Patuloy niyang pinasasalamatan ang taong may malaking naitulong sa kaniyang mga pangarap. Pinagmamanuhan ang isang tulad ni DJ Durano na nagpapakatotoo hindi lang sa publiko kundi maging sa kaniyang sarili.

Ai Ai Delas Alas – Regalo sa sarili ang mas batang boy friend

Sa lahat ng kaniyang pagkakasakit ay ang pinakahuli niyang pagpapaospital ang pinakamagaan para sa Comedy Concert Queen na si Ai-Ai delas Alas.

Bukod kasi sa mga gamot na ipinaiinom sa kaniya at pag-aalaga ng kaniyang mga doktor ay may isa pang mabisang gamot na nagpagaling sa komedyana.

Iba nga naman ang nagagawa ng pag-ibig. At kakaiba ang kaligayahang dulot ng isang batang pag-ibig na tulad ng karelasyon ngayon ni Ai-Ai.

Kasabihan nga na kapag mas bata ang karelasyon mo ay lumilipat sa iyo ang kaniyang kabataan, law of osmosis ang tawag doon, nananatiling mukhang bata ang mas nakatatanda sa relasyon.

Ilang beses nang nadapa si Ai-Ai sa pakikipagrelasyon, nasasaktan siya’t umiyak, pero pagkalipas lang nang ilang panahon ay nagmamahal uli siya.

Hindi siya natatakot sumubok dahil ayon sa magaling na komedyana ay regalo raw niya iyon sa kaniyang sarili. Mas masarap magtrabaho na may inspirasyon, iyong mayroon siyang minamahal at may nagmamahal din pabalik sa kaniya.

May natututuhan siyang aral, pero ang leksiyon kung minsan ay nasasapawan ng emosyon, kaya maraming nagsasabing walang kadala-dala si Ai-Ai.

“Totoo, mabilis akong magmahal, pero alam ko na ang gagawin kapag nararamdaman ko na mayroon nang lokohan. Sa dami na ba naman ng pinagdaanan ko, e, malilinlang ko pa ang sarili ko sa mga ipinakikita at sinasabi sa akin ng lalaki?” tawa nang tawang komento ng Comedy Concert Queen.

Ritz Azul – Hindi makasali sa Bb. Pilipinas dahil sa pag-pose sa FHM noon

May karapatan siyang sumali sa kahit anong beauty pageant dahil hindi lang siya maganda, matangkad at sexy kundi kargado rin ang kaniyang utak. Pero may problema kung bakit hindi iyon magawa ngayon ni Ritz Azul.

Nakaapekto pala sa kaniya ang pagpo-pose niya noon sa FHM kahit pa sabihing artistiko naman ang mga ginawa niyang pose at wala siyang ipinakitang bahagi ng kaniyang katawan na dapat nananatiling nakatago lang.

Pero hindi na iyon binibigyan ng bigat ng dalaga, hindi man siya nakasali sa Bb. Pilipinas ay maraming grasya rin naman ang kaniyang tinatanggap, tuluy-tuloy ang pagbibigay sa kaniya ng magagandang proyekto ng TV5.

Tinanong namin si Ritz kung ano na ang nangyari sa maingay na panliligaw sa kaniya ni Direk GB Sampedro, pinagpistahan noon ang espesyal na pagtingin sa kaniya ng guwapong direktor, pero tanong din ang ibinalik sa amin ng young actress.

“Ano na nga ba? Ano na ang nangyari, Direk GB? Nasaan ka na nga ba?” natatawang sagot ni Ritz.

Hindi naman kaya inililigaw lang tayo ng dalawa? Sa pagkakaalam kasi namin ay si Ritz pa rin ang nakasentro sa puso ng direktor. Walang iba.

Pauwi-uwi pa rin si Ritz Azul sa kanilang nayon sa Pampanga kung saan siya lumaki, ibang-iba ang kaniyang pakiramdam kapag bumabalik siya sa bukid, mapayapa ang kaniyang pakiramdam at parang walang problema sa mundo.

Manny Pacquiao – Enjoy na enjoy sa basketball at sa kaniyang KIA team

Matindi talaga ang karisma ng Pambansang Kamao. Ibang-iba ang panghatak niya sa publiko. Ulo pa lang niya ang naiilawan noong ipakilala ang 12 koponan na maglalaban-laban sa PBA ay nakabibinging sigawan at palakpakan na ang dumadagundong sa napakalaking Philippine Arena.

Si Congressman Manny Pacquiao ang playing coach ng KIA, sinundan niya ang yapak ng The Living Legend ng mundo ng basketbol na si Senator Robert “The Big J” Jaworski, siya ang pinakasentrong atraksiyon sa nakaraang pagbubukas ng PBA.

Anim na minuto siyang ipinasok sa laban nila kontra sa Blackwater sa unang quarter, hindi siya nakapag-shoot at naagawan pa nga ng bola habang nagdidribol, pero aliw na aliw pa rin sa kaniya ang ating mga kababayan.

Pagkatapos nang anim na minuto hanggang sa maipanalo nila ang laban ay hindi na pinaglaro pa uli si Pacman. Isinisigaw ng mga miron ang kaniyang pangalan para ibalik siya uli sa hardcourt pero kumaway na lang ng pasasalamat si Congressman Pacquiao.

Mas pinagtuunan na lang niya ng panahon ang pagko-coach, sigaw siya nang sigaw kapag nakaka-shoot ang kaniyang mga players. Madalas marinig kay Coach Pacman ang salitang “mintin” dahil hindi dapat baguhin ng kaniyang team ang atake kung saan sila umaabante.

Pinag-usapan pala nila nang masinsinan ni Coach Freddie Roach ang paglalaro ng basketball. Kung ito ang masusunod ay kontra si Coach Freddie sa bagong pinasok na linya ni Pacman paano nga naman kung masaktan siya sa paglalaro?

Sa susunod na buwan na ang kaniyang laban, kahit isang daliri lang niya ay hindi dapat magkaroon ng problema, dahil manganganib ang kaniyang boxing career.

“Enjoy ako sa basketball, team kasi ito, hindi isa lang. May teamwork, masaya ang grupo, kahit naman noon, talagang nagba-basketball na ako,” sabi ni Pacman.

Habang nagpapaseksihan ang mga muse ng ibang teams ay si Jinkee Pacquiao naman ang muse ng koponan ni Congressman Manny.

Sabi ng isang kaibigan naming tutok sa mundo ng palakasan, “Nag-billiard na si Pacman, nag-try na rin siyang mag-golf, nag-cockfighting na rin siya at ngayon naman, basketball.

“Jack of all trades siya, pero naman, minaster niya ang boxing! Let’s give it to him. Kung saan siya masaya, go na rin tayo, premyo na lang niya ‘yan sa mga karangalang ibinigay niya para sa ating bayan,” komento nito.

Oo nga naman.

Maningning na ang PBA, pero kailangan nating aminin na mas nagkaroon pa ng kinang ang mundo ng basketball dahil kay Pacman, sa totoo lang.

Have a comment on this article? Send us your feedback

Nobyembre 16 – 30, 2014

By Cristy Fermin


	Daniel Padilla & Kathryn Bernardo

	Carla Abellana

	Julia Barretto

	Gov. Vilma Santos Recto

	Ruffa Gutierrez

	Bb Gandanghari

KathNiel love team – Mainit ang pagsalubong ng mga fans sa Winnipeg

Matindi ang markang iniwanan nina Daniel Padilla at Kathryn Bernardo para sa mga Pinoy na matagal nang naninirahan at nagtatrabaho sa Winnipeg, Canada.

Sold out ang show na ginawa nila doon at tuwang-tuwa ang mag-asawang prodyuser na sina Todd at Katya Labelle. Maligayang umuwi ang mga nanood sa kanilang concert. (Basahin ang review ng One Magical Night na isinulat ni Judianne Jayme)

Kuwento ng aming kaibigan na tumulong sa show, hapon pa lang ay punumpuno na ang palibot ng Pantages Playhouse Theatre dahil sa maagang pagdating ng mga tagahanga ng KathNiel loveteam. Matagumpay ang show ayon sa kaniya.

“Maaga pa lang, nandoon na ang mga fans nina Daniel at Kathryn, sabik na sabik na silang makita at makasama ang mga idolo nila. Punumpuno ang venue!

“Masayang-masaya sina Todd at Katya, successful na naman ang ipinrodyus nilang show, napasaya pa nila ang mga kababayan natin dito sa Winnipeg na matagal nang naghihintay sa kanilang dalawa.

“Noong sumalang na sila sa stage, e, wala na, talagang nagkagulo na sa venue. Tilian nang tilian ang mga fans nila, halos hindi na marinig ang mga sinasabi nila, pati ang pagkanta nila!

“Matindi ang Kathniel, panahon nila ngayon, maraming show producers pa ang matutuwang ipag-produce sila ng show,” kuwento uli ng aming kaibigan.

Carla Abellana – In denial pa rin ba tungkol kay Geoff Eigenmann?

May tono ng katotohanan ang obserbasyon ng mas nakararami kay Carla Abellana. Tama na ang mga kaartehan at pagdedenay, tantanan na ang mga kadramahang hindi pa sila magkarelasyon, obyus namang sila na ni Tom Rodriguez.

Pero hindi pa puwedeng sabihing maligaya na siya sa piling ng kaniyang bagong boyfriend. Hanggang ngayon kasi ay panay-panay pa rin ang pagpaparinig sa social media ng dalaga sa kaniyang ex na si Geoff Eigenmann. Hintayin nating maging indifferent na siya para maniwala tayong naka-move on na nga si Carla.

Hanggang may bitbit pa rin siyang galit kay Geoff ay walang pupuntahan ang kanilang relasyon ni Tom. Kailangan munang mawala ang sama ng loob ng nakaraan para maging maganda ang daloy ng pagmamahalan nila ng actor. Pero sa takbo ng mga pangyayari ngayon ay nabubuhay pa rin si Carla sa kahapon.

Nega tuloy ang nagiging dating niya sa publiko. Marami na ngang namamalditahan sa kaniya ay umaariba pa ang paninira niya kay Geoff, ano’ng mangyayari sa relasyon nila ni Tom?

Pikon pa naman ang kaniyang boyfriend, hindi marunong humawak ng emosyon, baka sa kagaganyan ni Carla ay siya pa ang magtulak kay Tom na hamunin ng away ang kaniyang ex.

Matindi ba ang panghihinayang ni Carla Abellana sa pagkawala ni Geoff sa kaniyang buhay? Wala ba siyang nakikitang mga katangian nito kay Tom?

Saka bakit kasi idinadaan pa niya sa social media ang kaniyang galit kay Geoff, samantalang puwede naman silang mag-usap nang sarilinan kung kailangan? Di ba naman maituturing na paninira ang ginagawa niyang pagpapatambis sa lalaking nagmahal sa kaniya at minahal din naman niya?

Julia Barretto – Ano ba ang problema ng batang ito?

Kailangan nang labhan at banlawan ang negatibong imahe ngayon ni Julia Barretto. Hindi kagandahan ang mga naririnig naming komento ngayon ng ating mga kababayan tungkol sa maganda pa namang young star.

Baguhan pa lang siya, nangangarap pa lang, pero mukhang hindi siya nag-iingat sa kaniyang mga sinasabi at ginagawa. Marami nang dating nagkakagusto sa kaniya ang tinatabangan na ngayon sa anak ni Marjorie Barretto.

Noong pumutok ang balita na pinapalitan nilang mag-ina ang kaniyang apelyido ay hindi naging maganda iyon sa panlasa ng ating mga kababayan. Inalis ang Baldivia sa kaniyang pangalan na apelyido ng kaniyang amang si Dennis Padilla.

Ang komento ng mga miron ay walang utang na loob si Julia. Sinaktan niya ang kaniyang ama, isandaang porsiyentong napunta sa komedyante ang pagsimpatya ng mas nakararaming Pinoy.

Sumunod ay ang pagpapalutang niya ng kapritso nang umamin si Julian Estrada na anim na buwan silang naging magkarelasyon. Umatungal si babae, gustong ipabawi kay lalaki ang sinabi nito. Mabuti na lang at may paninindigan ang anak ni Senador Jinggoy Estrada at hindi pinagbigyan ang gusto niyang mangyari.

Bagito sa showbiz ang anak nina Senador Jinggoy Estrada at Precy Ejercito. Hindi pa siya sanay humarap sa isang presscon kung saan parang nililitis ang artista sa pagtatanong ng mga press people, alangan namang magsinungaling ang bagets?

At ano naman ang dapat ikagalit ni Julia kung nagsabi man ng totoo si Julian? Dahil ba nagpakawala ito noon ng mga salita na kahit kailan ay hindi pa ito nakipagrelasyon kahit kanino?

Hindi na problema ni Julian iyon. Si Julia ang dapat managot sa kaniyang pagsisinungaling. Bakit kailangang ipataw sa young actor ang isang pagsisinungaling na ito ang gumawa?

Maaga pa bago matatakan ng kanegahan si Julia, wala pa siyang napapatunayan. Ang kagandahan ay hindi sapat para maipagmalaki niya dahil dalawa-singko ang magagandang artista sa lokal na aliwan.

Ang ginawa niya kay Julian Estrada ay puwedeng malimutan agad ng publiko pero ang sakit ng loob na dinulot ni Julia Barretto sa kaniyang ama ay matindi.

Jinkee Pacquiao – Dapat lang itigil ang pagpo-post ng kayamanan sa social media

Mabuti naman at tumigil na si Vice-Governor Jinkee Pacquiao sa pagpo-post ng mga bonggang-bongga niyang kagamitan sa social media. Hindi kasi maganda iyon sa panlasa, napupulaan siya nang dahil doon. Milyun-milyong Pilipino ang nagugutom ngayon para ipangalandakan pa niya ang kaniyang mga bags na milyones ang halaga.

Nandoon na kami sa katwiran na pera niya naman ang ipinambibili niya ng mga branded bags at shoes, totoo naman iyon. Nakikipagpatayan sa gitna ng ring ang kaniyang mister kaya pera nila ang ipinambibili noon at hindi pera ng ibang tao at ng kaban ng yaman ng ating bayan.

Pero mahalay pa ring tingnan ang kaniyang aksiyon. Parang ipinagmamayabang ni Jinkee ang kung anumang mayroon siya ngayon, habang nagugutom naman ang napakarami nating kababayan lalo na ang mga biniktima ng bagyong Yolanda.

Tuloy ay parang tumutugon si Jinkee sa kasabihan na ang taong matagal na nagutom, kapag kumain, ay naiimpatso. Ngayon lang kasi siya nakakatikim ng mga ganitong kapritso, lahat ng mayroon siya ngayon ay pinapangarap lang niya dati, salamat dahil naging Pambansang Kamao ang kaniyang mister.

Ibang tao na lang sana ang magkuwento tungkol sa kaniyang magagarbong kagamitan, huwag nang siya, dahil lalabas na sumosobra ang kaniyang kahambugan kapag siya pa ang nagbuyangyang noon sa publiko.

Maegan Aguilar – Na-karma ba dahil sa kawalan ng respeto sa magulang?

Bugbog-sarado si Maegan Aguilar sa kaniyang ka-live-in na musikero. Ito ang lalaking sinasabi niya noong kasagsagan ng away nilang mag-ama na asawa niya, hindi basta ka-live-in lang, pero lumabas din ngayon ang totoo.

Naka-neck brace pa si Maegan habang naka-wheel chair. Sobrang pambubugbog daw ang inabot niya sa lalaki, dati na raw siyang sinasaktan nito pero ngayon ang pinakamatindi na hindi na niya mapalalampas pa.

Inaasahan na ng mas nakararami na iikutin uli ni Maegan Aguilar ang lahat ng istasyon para sa kaniyang pagpapainterbyu. Ganoon din kasi ang ginawa niya noong mag-away sila ni Ka Freddie, lahat ng talk shows ay inupuan niya, may bonus interview pa siya sa mga news programs.

Kailangang maging bukas ang isip ni Maegan sa pagtanggap ng mga negatibong reaksiyon ng mga kababayan natin tungkol sa kaniyang pinagdadaanan ngayon. Mas marami kasi ang bilang ng nagsasabing na-karma lang siya kaysa sa mga nakikisimpatya sa inabot niyang pananakit ng lasenggo raw niyang karelasyon.

Ganoon daw talaga ang kinauuwian ng anak na walang respeto at utang na loob sa magulang, hindi nagiging maayos ang takbo ng buhay, lalo na kung hindi pa marunong manghingi ng paumanhin sa magulang ang anak na nagkamali.

Sabi pa ni Maegan ay hindi raw siya lalapit sa tatay niya, isinuka na raw kasi siya, kaya alangan daw namang kumain siya ng suka?

Ang tanong – bakit nga ba kasi siya isinuka ng tatay niya?

Gov. Vilma Santos Recto – Masipag pa ring lingkod-bayan kahit sensitibo ang kalusugan

Nagiging masasakitin ngayon si Governor Vilma Santos-Recto. Sensitibo na ang kaniyang kalusugan ngayon. Siguro nga ay sinisingil na siya ng panahon dahil sa pag-aakala niyang siya si Wonder Woman.

Sobra naman kasi ang kasipagan ng Star For All Seasons. Kinakaya niyang gampanan ang pagiging ina ng Batangas sa maghapon. Pumapasok siya nang napakaaga at umuuwi nang gabing-gabi na at may bitbit pang mga dokumentong sa bahay niya na lang pag-aaralan at pipirmahan.

Idagdag pa na masyado niyang dinala ang lungkot sa pagkawala ni Tita Aida Fandialan na ilang dekada niyang pinagkatiwalaan bilang secretary, maysakit pa si Mommy Milagros, talagang ibabagsak nga ng emosyon ang kaniyang katawan.

Napakapropesyonal ni Governor Vilma. Hindi siya sumasagot sa kahit anong kompromisong hindi niya kayang panindigan. Mahalaga sa kaniya ang word of honour.

Kailangan niya namang regaluhan ang kaniyang sarili ng masarap na pahinga. Hindi puwedeng mangyari ang gusto niya na kapag sinimulan niya ang trabaho sa umaga ay kailangan niyang matapos iyon sa gabi, hindi na siya bumabata.

Tama ang obserbasyon ng isang college professor na nakausap namin, “Vilma Santos is Vilma Santos in may ways. Magaling siyang aktres, mahusay siyang lingkod-bayan, nagagampanan pa rin niya ang pagiging ulirang asawa, anak at nanay. How can you beat that?”

Ruffa Gutierrez – Kumpirmadong binubugbog ng dating asawang si Ylmaz

Kumpirmasyon tungkol sa nakaraang karanasan ni Ruffa Gutierrez sa poder ni Ylmaz Bektas ang pinakawalang komento ni Tita Annabelle Rama.

Boxing, tutukan ng baril at pagkukulong kay Ruffa, marami siyang gustong sabihin, pero noong kahihiwalay pa lang nila ni Ylmaz ay parang may kinatatakutan pa ang aktres.

Pero ang kaniyang ina na mismo ang nagpatotoo ng mga pinagdaanan niya. Sinasaktan siya nang pisikal ni Ylmaz, kaya boxing ang ginamit na termino ng kaniyang mommy, kasama pa ang panunutok nito ng baril sa kaniya.

At ang pagkukulong sa kaniya sa cabinet. Gaano kaya kalaki ang mga cabinet nila para magkasya doon si Ruffa? Delubyo nga pala ang naging karanasan ng aktres sa mga kamay ng banyaga. Iyon ang dahilan kung bakit kumokontra si Tita Annabelle sa bago niyang karelasyon, kakilos daw kasi at kahawig ito ng ama ng kaniyang mga anak.

Lumalambot na ang puso ng mag-ina. Isang araw ay malalaman na lang natin na nagkaayos na sila, ganoon lang naman ang away ng magnanay.

Hindi rin kayang tiisin ni Tita Annabelle ang kaniyang anak; at si Ruffa naman, sa aminin niya’t sa hindi ay hindi niya makakayang mabuhay nang wala si Tita Annabelle, peksman.

BB Gandanghari – Ano kaya ang iniisip ng ex na si Carmina Roel?

Napanood namin bilang judge sa Talentadong Pinoy si BB Gandanghari, nakababatang kapatid kung ipakilala siya ni Robin, pero si Binoe ang pinakabunso sa kanilang magkakapatid.

Habang pinagmamasdan namin si BB Gandanghari ay ang dami-daming gumugulo sa aming isip. Una, ano kaya ang nararamdaman ni Carmina Villaroel kapag napapanood nito ang kaniyang dating asawa? Nawiwindang pa kaya hanggang ngayon ang ina ng mga anak ni Zoren Legaspi?

Ikalawa, mas tumibay ang paniniwala namin sa kuwentong lumaganap noon na si BB Gandanghari nga ang dahilan kung bakit nagkahiwalay ang dalawang aktor na matagal na nagkaroon ng tagong relasyon, nahuli kasi ni Actor A si Actor B na ihinahatid si BB Gandanghari na Rustom Padilla pa noon sa kaniyang kotse na nakaparada sa harapan ng bahay ni Actor B.

Ang sabi kasi ni Actor B ay nasa taping daw ito, pero kinutuban si Actor A, kaya nanghiram ito ng kotse ng kaniyang kaibigan at nagbantay hanggang sa mag-uumaga na sa halos tapat ng bahay ni Actor B.

Kumpirmado! Na-Julie Andrews ni Actor A na magdamag na nakasama ni Rustom si Actor B sa bahay nito! Pasikat na ang araw nang umuwi si BB Gandanghari, may nakaraan talaga sila ni Actor B.

Ito talagang si Actor B, simple lang ito, pero residente ito ng Makati (read: makati) Avenue sa kakyondian. Kasi naman, maraming nagsasabi at nagpapatotoo na ang kaniyang address ay 123 Dakota Harrison, Pasay City.

Iñigo Pascual – Medyo hindi tinangkilik ng fans ang unang pelikula

Balitang hindi gaanong tinao ang unang pinagbibidahang pelikula ng anak ni Piolo Pascual na si Iñigo. Pinagbibidahan dahil ayon sa mga nanood ay talagang si Iñigo ang inikutan ng kuwento ng pelikula, kalahatian na raw nang lumabas si Julian Estrada, kaya kay Iñigo talaga ang proyekto.

Walang masama doon, unang pelikula lang naman iyon ng bagets, binyag ng apoy pa lang iyon kung tutuusin para sa anak ng guwapong aktor.

Kahit naman si Piolo ay dumaan din sa ganoong estado, pinagbida rin siya noon sa isang pelikula, pero hindi naman siya agad na sumikat.

Noong magtambal na lang naman sila ni Judy Ann Santos tumingkad ang pangalan ni Piolo, napakalaki ng nagawa ng loveteam nila ni Juday sa kaniyang pagsikat.

Mula noon ay nagtuluy-tuloy na ang pagkinang ng kaniyang bituin, hanggang sa itinambal na rin siya sa ibang mga artista, pero ang tambalan nila ni Judy Ann ang talagang dapat tanawan ng utang na loob ni Piolo.

May gagawin uling pelikula ang kaniyang anak na hindi nakinig sa kaniyang payo na mag-aral na lang muna. Baka naman sa susunod ay magkaroon na ito ng tatak, kahit pa maraming nagsasabing hindi kayang plakaduhin ni Iñigo ang popularidad na inabot ng kaniyang ama.

Tingnan natin.

Have a comment on this article? Send us your feedback

Winnipeg experiences One Magical Night

with Kathryn Bernardo and Daniel Padilla, Kim Chiu, John Lapus & Marcelito Pomoy

by Judianne Jayme

One Magical Night stars with the Todd Labelle Promotion Team. Photo by AJ Batac

The hardworking team behind Todd Labelle Promotions (TLP) has done it once again! This is the third concert put on by TLP, following the success of the high-energy concert by Filipino recording artist and The Voice Philippines judge Bamboo. Winnipeg fans were treated to a mix of laughter, music, dance, and a whole lot of kilig at the Pantages Playhouse Theatre for TLP’s production of One Magical Night on November 2, 2014.

Prior to the concert, there was a contest held for dedicated fans! We all know fans who put in work to create banners for their favourite celebrities. Unfortunately, not all banners can be read from the stage. TLP solved this problem by using the power of social media in a genius move to reward these very fans, seated in general admission and balcony seats. Patrons were encouraged to upload photos of their banners to the TLP Facebook page. The post with the greatest amount of likes and shares were rewarded with VIP passes for the post-show meet-and-greet with the celebrities.

Pre-show energy

Arriving at the venue early, aware of its sold out capacity, I was not surprised that the crowd spilled out of the lobby and outside the doors. People were eager to find their seats, and perhaps catch a glance of the Star Magic talents. The lobby was lined with sponsors’ booths, ready to promote and answer any questions guests had. Winnipeg Team Mayhem girls’ basketball team sold 50/50 tickets in a fundraising effort for their tournament. The group raised $410.00 with the lucky winner taking home $205! A sponsor, Lucky ETC., donated a Tory Burch purse as a prize for a lucky audience member who found the Lucky ETC card under a seat.

The pre-show atmosphere was one of anticipation. Fans were anxious to see their idols in person. To warm us up for our headliners, we were treated to captivating sets by three local singers, April Llave, Ian Chester Abad and Oishly Alcid, whose song selection catered precisely to this audience.

Never a dull moment

Even during intermission, the audience was heard loud and clear. Videographer Manny Diolazo kept the crowd in the theatre cheering as he filmed their energy, in high anticipation of the Star Magic talents about to grace the stage. When the lights dimmed, the deafening shrieks rang through even the depths of the lobby. The fans were in their zone. They were ready as ever to see the stars of One Magical Night.

Do you believe in magic?

The show began with the comedic John “Sweet” Lapus, followed by the distinct and striking vocal talent of Marcelito Pomoy. Pomoy’s televised performances do not do him justice compared to his powerful, live renditions of those same songs. His vocal transitions were seamless. Before long, the tandem of teen celebrity royalty, Kathryn Bernardo and Daniel Padilla, took to the stage, welcomed by the seemingly endless sea of roars and squeals of delighted fans. Covering my ears to protect my hearing, I couldn’t help but smile at the crowd, lit up by their cell phone screens as fans of all ages cheered on the young performers. The show ended with the multitalented, and incredibly charming, Kim Chiu, who treated her Winnipeg audience with her newfound talent of guitar playing.

Even more impressive, during the very organized meet-and-greet for VIP ticket holders and sponsors, it was evident how laid back and down-to-earth each celebrity was in this particular line-up. They were generous and took time to appreciate the fans who lined up in groups for photographs. They truly made the experience an extraordinary one for their fans.

“Magical” is a fitting word to describe the evening as fans were clearly enchanted by these five huge names of Filipino showbiz. Congratulations again to the team behind TLP, the dedicated volunteers, and the media staff for capturing every second of this phenomenal show. Thank you to AJ Batac & Rey-ar Reyes for providing the photographs for this article.

Remember to suggest your favourite artists to Todd Labelle Promotions by liking and commenting on their Facebook page! Whose concert would you watch? Send your suggestions in!

For now, we’ll have to stay tuned for the next big concert announcement. I’m sure the next concert will be yet another magical experience for all.

[widgetkit id=104]

Disyembre 1 – 15, 2014


	Grace Poe

	Kris Aquino

	Kathryn Bernardo

	Judy Ann Santos

	Ai Ai Delas Alas

	Derek Ramsay

	Mommy Dionisia Pacquiao

	Jose Manalo

Sen. Grace Poe – Mabentang-mabenta ang anak ni Da King

Kahit saang palengke, kumbaga sa paninda, ay mabentang-mabenta ngayon si Senador Grace Poe. Siya ang napipisil na maging runningmate ni DILG Secretary Mar Roxas na tatakbong presidente sa 2016. Pero dahil ang tunay niyang balwarte ay UNA, siya rin ang napupusuang kunin bilang kahawak-kamay ni Vice-President Jejomar Binay sa darating na halalan.

Nanguna si Senador Grace Poe noong nakaraang eleksiyon, maganda ang kartada niya ngayon sa Senado. Kahit anong partido ay gugustuhin talaga siyang makuhang kandidato bilang pangalawang pangulo dahil sa bango ng kaniyang imahe.

Pero ngayon pa lang ay may mga nagkokomento nang mahihirapan siyang isakay sa kaniyang salbabida si Secretary Roxas, sigurado na raw ang kaniyang panalo, pero kuwestiyonable pa ang kay Kuyang Mar.

Baligtad ang senaryo, sa halip na ang pangulo ang magdala sa kaniyang katuwang, si Senadora Grace Poe pa ang bibitbit sa kaniyang kapartido.

Papilosopong komento pa ng isang nakausap namin, “Kahit si Amay Bisaya ang ipanglaban ngayon kay Secretary Mar Roxas, makaka-jackpot si Amay!”

Pero malay naman natin, maraming tulog at gising pa ang ating bibilangin bago ang 2016, baka naman magbago ang ikot ng mundo at bumango ang pangalan ng mister ni Ate Koring.

Pero kung ang kasalukuyang panahon ang magiging kunsiderasyon ay suntok sa buwan ang katuparan ng mga pangarap ni Secretary Mar Roxas at nakabuslo na ang kay Senador Grace Poe.

At kung matutuloy naman ang pagsasabong kina Governor Vilma Santos at Senadora Grace Poe sa pagkandidato bilang vice-president sa 2016 ay mahahati ang suporta ng lokal na aliwan.

May matinding koneksiyon sa showbiz si Governor Vilma bilang Star For All Seasons at si Senadora Grace Poe naman ay anak ng namayapang Action King na si Fernando Poe, Jr.

Ngayon pa lang ay marami nang humihiling na sana’y huwag silang maglaban sa isang mataas na posisyon, sana raw ay iba na lang ang ipanglaban sa kanila, dahil siguradong maiipit sa mga nag-uumpugang bato ang mga taga-showbiz.

Matindi ang suportang ibibigay siyempre pa kay Governor Vilma ng kaniyang mga tagahanga aktibo man siya o hindi ay palaging nand’yan lang para magmahal at sumuporta sa kaniya, huwag ding maliitin ang mga tagahanga ng pumanaw na si Da King dahil kahit ilang taon nang namamayapa ang kanilang idolo ay buhay na buhay pa rin ang kanilang pagmamahal.

Balitang-balita na si Senadora Grace Poe ang magiging runningmate ng kandidato ng Liberal Party, si Governor Vilma naman ang minamanok ng UNA ni VP Jejomar Binay, kaya kung hindi magbabago ang mga plano ay magiging matindi ang labanan ng dalawang responsableng babaeng pulitiko.

Kris Aquino – Masipag magtrabaho kaya OK lang masunod ang luho

Nag-aaway-away ngayon ang mga kababayan natin dahil sa makasaysayang bilang ng mga mamahaling sapatos ni Kris Aquino. Nilalahukan pa ng pulitika ang kanilang pagtatalo, kung lait-laitin daw noon ng mga Aquino si dating First Lady Imelda Marcos dahil sa dami ng sapatos nito ay ganoon na lang, pero ganoon din naman pala si Kris.

Mahilig talaga sa sapatos si Kris, puro branded at mamahaling sapatos ang kaniyang binibili. Pinagkakagastusan niya talaga ang pag-oorder ng mga klase ng sapatos na pinapangarap lang ng ibang mga babaeng pesonalidad.

Pero hindi dapat pagtalunan iyon. Nagpapakamatay sa pagtatrabaho si Kris. Kapag tumatanggap siya ng sabay-sabay na trabaho ay kinakaya niyang tuparin iyon nang walang maririnig na reklamo mula sa kaniyang mga kasamahan at sa produksiyon, dahil bitbit niya ang katangian bilang propesyonal na personalidad.

Pagkamamahal mang sapatos ang bilhin niya ay hindi dapat hanapan ng butas. Sarili niyang pera at hindi pera ng bayan ang kaniyang ginagastos. Pinagpapaguran ni Kris ang mga materyal na bagay na isinusuot niya.

Kahit pa sabay-sabay niyang isuot ang mga pares ng kaniyang Christian Louboutin shoes ay hindi pa rin dapat pagtalunan. Bulsa niya ang nabutas sa pagbili noon at hindi naman bulsa ng ibang tao, may karapatan lang makialam ang iba kung ang ipinambili ng granatsa ni Kris ay nakaaapekto na sa buhay ng kaniyang kapuwa.

Kung minsan, ang galit ay kakambal ng inggit. Idinadaan na lang sa galit ang mga bigong pangarap, ang mga kagustuhang magkaroon din ng mayroon si Kris, pero hindi kayang bilhin ng kanilang bulsa.

Napakadali ng solusyon. Di magtrabaho rin sila nang araw at gabi, magsalita rin sila nang magsalita sa harap ng mga camera na parang wala nang susunod na umaga. Magsipag din sila para kahit isa man lang o dalawa ay magkaroon sila nang sangrekwang branded shoes ni Kris Aquino.

Kathryn Bernardo – Mabait at hindi mayabang kahit super sikat

Marami kaming naririnig na papuri tungkol kay Kathryn Bernardo, ang kapareha ni Daniel Padilla sa mga programa ng Dos, iba-ibang kuwentong positibo tungkol sa dalaga ang nakararating sa amin.

Minsan ay nakita siya ng mga anak ng kaibigan namin sa airport, lumapit sa kaniya ang mga ito para magparetrato, agad daw na ibinigay ni Kathryn ang kaniyang bag sa PA niya para maakbayan niya ang magkakapatid.

Ang tanging nasabi ng mga anak ng aming kaibigan, “We love her na, she’s so nice, she’s so simple but beautiful.”

Ang isang komento naman ay mula sa nanood ng taping nila ni Daniel, may mga naglapitan din sa kaniya para magparetrato, pinagbigyan din ni Kathryn ang mga ito at tinanong pa kung saan sila nanggaling.

Maging sa Canada ay pinupuri siya ng mga kaibigan namin, wala raw kaartehan si Kathryn at magiliw sa mga fans, siya pa ang lumalapit sa mga tagahangang nahihiyang magpa-picture taking.

Sa dami ng mga kuwento ng kamalditahan ngayon ng mga kabataang artistang hindi pa nga sumisikat ay maitatangi ang pagiging mabait at simple ni Kathryn Bernardo.

Sikat na ay hindi lumalaki ang ulo. May maipagmamalaki na ay nakatanim pa rin ang magkabilang paa sa lupa. Sana’y tularan si Kathryn Bernardo ng kaniyang mga kapuwa youngstars na nangangarap pa lang pero nauuna na ang kamalditahan.

Judy Ann Santos – Panalo sa pag-aasikaso sa kaniyang pamilya

Madalas makita ng aming mga kaibigan si Judy Ann Santos na namimili sa isang tiyangge-palengke sa Makati. Kasama ni Juday ang kaniyang mga anak, may dala na silang trolley, dahil kung mamili raw ng mga pagkain si Juday ay parang laging may rebolusyon sa dami.

“Early morning pa lang, e, nasa Legaspi na si Juday. Ang sarap-sarap nilang tingnan ng mga anak niya, talagang kahit gaano siya ka-busy, napaka-hands on niya sa pag-aalaga kay Ryan (Agoncillo) at sa mga anak nila.

“Siya mismo ang namimili ng mga lulutuin niya, pati mga gulay, siya ang pumipili, pambahay talaga si Juday. Siya mismo ang nag-aasikaso sa mga kailangan nila sa house, hindi niya iyon iniaasa lang sa mga kasambahay nila,” papuri ng aming kaibigan.

Sa lahat ng parte ng kanilang bahay ay mas madalas si Judy Ann sa kanilang kusina, tapos siya ng culinary, kaya siguradong ang mga pinamimili niyang sangkap sa pagluluto ay kailangang kumpleto.

Kahit noong magkaroon siya ng restaurant ay personal niyang pinamamahalaan ang pagluluto basta mayroon siyang panahon, chef na chef na si Juday noon pa man, hilig niya talaga ang pagluluto.

Pagdating sa pagmamahal at pag-aalaga sa kaniyang pamilya ay panalong-panalo ang magaling na aktres.

Ai Ai Delas Alas – Ayaw tigilan ng bashers dahil sa batang boyfriend

Mabuti na lang at sa pagdadaan ng panahon ay natutuhan nang hawakan ni Ai-Ai delas Alas ang kaniyang emosyon. Naaapektuhan pa rin siya ng mga komentong ipinupukol sa kaniya ng mga kababayan natin pero hindi na siya tulad nang dati na balat-sibuyas sa mga ganoong senaryo.

Masarap pukulin ngayon para sa kaniyang mga bashers ang Comedy Concert Queen dahil sa bagets niyang karelasyon. Beinte anyos lang kasi si Gerald Sibayan, malaki ang agwat ng kanilang edad, iyon ang aspetong kinokontra ng mga taong hindi masaya sa kaligayahan ngayon ni Ai-Ai.

Pera lang daw niya ang habol ng bagets. May mga nagpaparatang naman na binili lang ng komedyana ang pagmamahal ng lalaki. Kung pinalalampas na lang ni Ai-Ai ang ganoon ngayon ay hindi naman matanggap ng kaniyang panganay na anak ang mga pambabatong personal sa kaniyang ina.

Si Sancho Vito ang sumasagot sa mga bashers ng kaniyang nanay, nagpapaliwanag ito, hindi kayang tanggapin nang paupo lang ng panganay ni Ai-Ai ang mga ipinakakaing salita sa kaniya ng mga taong walang magawa sa buhay kaya ang personal niyang buhay ang pinaglalaanan ng panahon ng mga ito.

Kung hindi artista si Ai-Ai ay mga kapitbahay lang ang magpipista sa kaniyang lovelife. Pero artista nga kasi siya, at sikat pa, kaya ang pakikipagrelasyon niya sa beinte anyos na si Gerald ay isang malaking isyu.

Komento ng mga kumokontra sa bagets niyang boyfriend, kung sa mga nasa wastong edad na nga raw ay sumasablay pa ang Comedy Concert Queen, paano pa ngayon sa halos anak na lang niyang si Gerald?

Sabi ni Ai-Ai noong minsang kaming magkausap, “Mahirap kasing turuan ang puso. Mahirap ding kontrahin. Basta mararamdaman mo na lang kasi na kakaiba ang dating sa iyo ng isang tao.

“Gusto kong sabihin na sa dinami-dami na ng hindi kagandahang pinagdaanan ko sa pakikipagrelasyon, bigyan naman natin ng chance na patunayan ni bagets (Gerald) ang kaniyang intensiyon.

“Madaling husgahan ang isang beinte anyos na tulad niya, di ba? Sa age pa lang, marami nang magsasabing siguradong pera lang ang habol niya sa babae. Pero paano kung hindi naman pala?” nagpapaunawang pahayag ni Ai-Ai.

Paninindigan naman ng isang nakausap namin ay ano ang masama kung halos anak na lang niya ang karelasyon ngayon ni Ai-Ai? May batas bang nagbabawal sa isang bagets na umibig sa mas may edad kesa sa kaniya?

Di ba’t ang batas lang namang sinusunod ng mga nagmamahal ay kung saan ka masaya ay dumoon ka? At kung hindi ka na maligaya ay lumabas ka na, dahil mas mabuti nang malungkot ka nang nag-iisa ka lang, kesa sa dalawa nga kayo pero malungkot ka pa rin.

Puso naman ni Ai-Ai delas Alas ang dumudugo kapag tumataya siya sa maling relasyon, siya naman ang humahagulgol, wala naman tayong donasyong luha sa kaniyang pagkabigo sa pag-ibig.

Derek Ramsay – Masaya at tahimik na sa pagtatapos ng taon

Pinakamaligayang Pasko raw niya ang sa taong ito, pag-amin ni Derek Ramsay, dahil makakasama niya ang kaniyang anak na si Austin Gabriel.

Naging mabait din daw sa kaniya ang 2014 dahil sa magagandang oportunidad na dumating sa kaniya, hindi kinapos ng suporta sa kaniya ang TV5, may mga pelikula rin siyang ginawa na naging maganda ang marka sa takilya.

“And before the year ends, natapos ang mga problema ko. It was a challenging moment, napakagulo, pero sa wakas, natapos din,” sinserong sabi ng hunk actor.

Gusto niyang pasalamatan ang kaniyang mga magulang. Alam daw niya kung gaano siya kasuportado ng kaniyang ama’t ina sa mga pinapasukan niyang desisyon, pero nang magkaroon siya ng personal na problema, doon niya napatunayan na anuman ang mangyari ay hinding-hindi siya iiwan ng kaniyang pamilya.

“Thanking them is not enough. Umaga pa lang, tumatawag na ang mommy ko to ask if I’m okay. Ang dad ko, he’ll always tell me na problems come, but definitely, there’s always a solution.

“Ang sarap-sarap sa pakiramdam na you’re so loved by your parents. I can’t thank them enough. I’m so blessed,” sabi pa ng host ng The Amazing Race Philippines Season 2 ng TV5.

Dati na siyang makisig, pero noong huli naming makabalitaan si Derek Ramsay ay nakita namin ang larawan ng isang lalaking bruskung-brusko ang paninindigan, gusto niyang tapusin ang problema pero taas-noo pa rin ang kaniyang ulo pagkatapos ng laban.

“And everytime Austin calls me dad, parang nananaginip pa rin ako. I’ve never felt this way, it’s so cool, napakasarap pakinggan,” sinsero niyang reaksiyon.

Mommy Dionisia – “PacMom” at literal na stage mom

Hindi gaanong nakapaglamyerda sa Macau si Mommy Dionisia Pacquiao. Ibang-iba raw kapag sa Amerika ang laban ng Pambansang Kamao, dahil nakapag-iikot pa siya sa pagsa-shopping, pero sa Macau ay madalian ang kanilang pag-uwi.

Pero walang dapat ipag-alala si Mommy D. Bibigyan naman siya ng pang-shopping ng kaniyang anak na si Pacman, iyon ang kaniyang balato at talent fee na rin sa ginawa niyang pagmimistulang round girl pagkatapos ng laban kung saan inikot niya ang buong ring habang iwinawagayway ang kaniyang hawak na rosaryo.

Nakakaaliw ang dakilang ina ni Congressman Manny Pacquiao. Nang tanungin siya ng isang reporter kung bakit hindi siya mukhang sisenta’y singko ay napakabilis ng kaniyang sagot, “Dahil sa pagmamahal. Kapag ikaw ay minamahal at nagmamahal, kulay pink ang mundo mo, palagi kang masaya.

“Hindi ka napapagod, hindi ka naiinip sa buhay, positive ang lahat para sa iyo. iyon ang dahilan kung bakit mukha pa akong bumabata ngayon,” seryosong tugon ni PacMom.

Ang tinutukoy niyang nagpapabata sa kaniya ay si Michael Yamson na kasama niya ngayon kahit saan. Ito ang tagabitbit ng kaniyang branded bag habang nagpapa-picture taking siya pagkatapos ng matagumpay na laban ng kaniyang anak.

Marami na kaming nakilalang stage mothers, pero walang kahit sinong kakabog kay Mommy Dionisia, mismong sa stage kasi siya nakikipag-agawan ng eksena sa sikat niyang anak.

Literal siyang stage mom.

Jose Manalo – PMPC awardee ang komediante ng Eat…Bulaga!

Kung pagkokomedya ang pag-uusapan ay angat na angat para sa amin ang talento ni Jose Manalo. Napakanatural niya, kaswal na kaswal, hindi na niya kailangan pang lukut-lukutin ang kaniyang mukha para humalakhak ang manonood.

Mahalagang bahagi si Jose Manalo ng Eat…Bulaga, ang pagbabatuhan nila ng komedya ni Wally Bayola ay masarap na sahog sa pananghalian, gamot sa isang makulimlim na araw ang talento sa pagpapatawa ni Jose.

Maligaya kaming malaman na ang magaling na payaso ay pinarangalan ng PMPC bilang pinakamahusay na aktor (Best Single Performance By An Actor) sa kaniyang pagganap sa pang-Mahal Na Araw na pagtatanghal ng noontime show.

Naalala namin ang pumanaw na Comedy King, walang kuwestiyon ang kaniyang pagkokomedya pero napakagaling ding aktor sa drama ni Tito Dolphy sa Ang Tatay Kong Nanay, sumunod sa kaniyang yapak si Jose Manalo.

Malaki talaga ang bentahe ng personalidad na nagpapahalaga sa kaniyang trabaho, kahit pa may mga personal na problemang bumabagabag sa kaniya, pansamantala niyang kinalilimutan iyon para makapagsabog ng kasiyahan sa kaniyang manonood.

Iyon si Jose Manalo. Sa kasagsagan ng paninira sa kaniya ay patuloy pa rin siya sa pagpapatawa, kundi mo nga nasusubaybayan ang mga nangyayari sa kaniyang buhay ay hindi mo aakalaing problemado pala ang mayhawak ng mikropono, ganoon kapropesyonal ang komedyanteng ito.

Sana’y maraming oportunidad pa ang maibigay sa kaniya, sana’y mas maging mabait pa sa kaniya ang kapalaran, poste ng komedya ngayon si Jose Manalo.

Have a comment on this article? Send us your feedback

Disyembre 16 – 31, 2014


	Marian Rivera

	Aiza Seguerra & Liza Diño Photo: mb.com.ph

	Isabelle Daza

	Ai AI delas Alas & Gerald Sibayan

	Ai Ai Delas Alas at kaniyang mga anak, Nicolo, Sofia & Sancho

	Sharon Cuneta

	Senator Bong Revilla

	Charice - noon

	Charice - ngayon

Marian Rivera – Malaki ang utang na loob sa Eat…Bulaga

Binigyan ng wedding shower ng Eat Bulaga si Marian Rivera noong Sabado (Dec. 6). Masang-masa ang selebrasyon, sa kalye iyon ginanap, sa Juan For All, All For Juan.

Laging interesante ang segment na iyon ng noontime show, magaling magdala sina Jose Manalo, Wally Bayola at Paolo Ballesteros, sa Brgy. UP Campus ginanap ang wedding shower ni Marian.

Simple pero makabuluhan ang ihinandang regalo ng Eat Bulaga para sa nalalapit na pagpapakasal nina Dingdong Dantes at Marian Rivera – mga baby pictures nila ang nasa kambal na kuwadro, mayroon pa ngang orinola na ayon sa kulturang Pinoy ay nagdadala ng suwerte para sa mga bagong kasal.

Ang pinakaemosyonal na bahagi ng wedding shower ay nang pasalamatan ni Marian ang Eat Bulaga. Ayon sa aktres ay napakalaki ng naitulong sa kaniya ng noontime show dahil parang hinugasan ng programa ang hindi kagandahang imahe niya noon, ngayon daw ay marami nang nakaka-appreciate sa kaniya.

Totoo ang sinabi ni Marian. Inilapit siya ng Eat Bulaga sa masa, hindi siya sa studio itinoka kundi sa labas kung saan siya nakakasalamuha ng ating mga kababayan.

Ang imahe niyang maldita at suplada ay binura ng Eat Bulaga. Nakikipagbungguang-siko siya sa mga ordinaryo nating kababayan, nakikipagbiruan sa mga tindera, napakalaki naman talaga ng nagawa ng noontime show para sa kaniyang imahe.

Ang dating niya noon na mahirap abutin at may pader na nakaharang sa pagitan niya at ng publiko ay tinibag ng Eat Bulaga, abot na abot na ngayon si Marian Rivera, milagro ang ginawa sa kaniya ng pangtanghaling programa sa maigsing panahon lang.

Ang kaniyang pangako, pagkatapos ng kanilang honeymoon ni Dingdong ay babalik siya uli sa Eat Bulaga, ang programang itinuturing na niyang bahagi ng kaniyang karera.

Aiza Seguerra – Pamilyado na ang Little Miss Philippines

Idinuduyan din ngayon sa kaligayahan sina Aiza Seguerra at Liza Diño dahil sa katatapos lang nilang pagpapakasal sa Amerika. Ang kampeon ng Little Miss Philippines ng Eat Bulaga ay pamilyado na, nangangarap pang magkaanak, at maligayang-maligaya ngayon sa kaniyang reyna.

Pero kakambal ng kanilang kaligayahan ang patuloy na paghusga ng marami sa kanilang pagmamahalan.

Wala silang pamimilian kundi ang tanggapin nang papikit ang mga paghusga dahil sila’y mga Pilipino, hindi pa handang tanggapin sa ating kultura ang pagpapakasal ng magkauri ang kasarian, lalong hindi pa tanggap ng ating batas at ng simbahan ang kanilang pagsusumpaan.

Sa pagpaplano pa lang sa kanilang pagpapakasal ay naramdaman na nila iyon, may mga nilapitan silang kukunin sanang ninong at ninang sa kanilang pag-iisang-dibdib, pero tumanggi.

Hindi pa pinapayagan sa ating kultura ang pagpapakasal ng babae sa kapuwa babae o lalaki sa kapuwa lalaki. Hindi pa iyon ginagawang legal, hindi papayag ang batas ng simbahan, kaya ang mga kababayan nating gustong dumaan sa ganoong proseso ay sa ibang bansa nagpapalitan ng “I do’s.”

Malaya nang tinatanggap ng ating mga kababayan ang pagmamahalan ng lalaki sa kapuwa lalaki at babae sa kanilang kauri, pero hanggang doon lang, sarado pa ang ating isip sa pagtanggap sa kanilang pagpapakasal.

Pero sabi nga ay hinahamak ng pag-ibig ang lahat, walang tenga at mata ang pag-ibig para sa mga paghusga at pintas, ang pinakamahalaga para sa mga nagmamahalan ay ang kaligayahang sila lamang ang makapagbibigay sa isa’t isa.

Magagasgas ang mga daliri ng mga bashers kina Aiza at Liza, mangangawit ang dila ng mga nanghihimasok sa kanilang paniniwala at pinagdesisyunan, pero hinding-hindi noon matitinag ang kanilang pagmamahalan.

Tanong ng isang kaibigan, bakit daw parang napakahirap bitiwan ng salitang “best wishes” para sa mga nagpapakasal na may magkaparehong kasarian? Parang hindi pa nga naman tayo handa sa mga ganoong kalakaran.

Iba ang batas kesa sa sinusunod na pamatayan ng pakikipagrelasyon. Sa batas ng pag-ibig, kung saan ka masaya ay dumoon ka, kung sino ang nagpapaligaya sa iyo ay ipaglaban mo.

Isabelle Daza – Mukhang malapit sa intriga

Hindi pa man nag-iinit ang puwet sa upuan ni Isabelle Daza sa paglipat sa ABS-CBN ay mukhang bobombahin na siya ng mga intriga dahil sa kaniyang kataklesan.

Siya ang bumibida sa isang blind item na tumutukoy sa isang kalilipat lang na personalidad sa isang malaking istasyon na nagsabing baduy raw ang isang actress-TV host ng nasabing network.

Dagdag na clue pa sa blind item ay kadugo siya ng isang babaeng personalidad na taklesa rin at prangkang magsalita, iniwan niya ang programang nagbigay ng magandang oportunidad sa kaniya. Si Isabelle Daza lang ang naiisip ng mas nakararami na tumutukoy sa pahulaang aytem.

At sa pagpa-plus-minus ng mga miron ay isa lang ang naisip ng mga ito na tinutukoy ni Isabelle Daza, si Toni Gonzaga, ito raw ang sinasabi niyang baduy na aktres-TV host sa istasyong nilipatan niya.

Madulas pala ang dila ng dalagang ito kung ganoon. Plano kaya niyang kalabanin ang mas madulas na dila ni Kris Aquino sa kaniyang paglipat sa Dos? Ang pagkakaiba lang nila ni Kris ay may pangalan kung makialam ng buhay ng may buhay si Kris at hindi iyon idinadaan sa blind item.

At kung totoo namang si Toni Gonzaga ang kaniyang tinutukoy na baduy ay parang hindi kami sang-ayon. Magandang magdala ng damit ang aktres-TV host, maganda rin itong damitan, dahil maliit ang kaniyang katawan.

Kahit ano ang ipasuot mo kay Toni, ke local iyon o imported, ay kayang-kaya nitong dalhin. Lahat ng klase ng tabas ay bagay kay Toni dahil hindi rin namimili ng disenyo ang kaniyang napakaliit na kurbada.

Si Isabelle Daza ang kailangang mag-ingat sa pananamit dahil may posibilidad ang kaniyang pagtaba. Lagi rin siyang maikukumpara sa kaniyang ina na hinirang na pinakamagandang babae sa balat ng lupa noong kaniyang kapanahunan. Magdurusa sa pagkukumpara si Isabelle sa kaniyang mommy.

Mommy Dionisia – Hindi komportable sa mansion sa Forbes Park

Nakakaaliw talaga si Mommy Dionisia Pacquiao. Siya na talaga, siya lang talaga, at wala nang iba. Nireregaluhan siya ng mamahaling bag ng mag-asawang Pacman at Jinkee, pero ayaw niya namang gamitin, mas gusto niyang ginagamit ang mga bag na siya mismo ang bumibili at pumipili.

Ang kaniyang dahilan, “Ang mga bag kasing branded, walang mga bulsa! Eh, saan ko ilalagay ang mga abubot ko, may oil ako na nasa bag ko lang palagi, para kapag sumakit ang tiyan ko, nand’yan lang!

“Mas gusto ko ang mumurahing bag, maraming bulsa, marami akong lalagyan ng mga dala-dala kong gamot, oil, bimpo at kung anu-ano pa!” pagpapakatotoo ng ina ng Pambansang Kamao.

Natutuwa siya dahil mansiyon ang bahay ng kaniyang anak sa Forbes Park, may sariling kuwarto rin siya doon, pero mas gusto niyang namamalagi sa kaniyang bahay sa GenSan.

May kalakihan din ang kaniyang bahay sa probinsiya, marami ring kuwarto, pero nagkakakitaan daw sila ng mga kasambahay niya. Mas kumportable siya doon kesa sa Forbes Park.

“Ayoko ba iyong bahay na akala mo bukid sa sobrang lawak! Ayoko ba noong sisigaw pa ako nang malakas para lang ako marinig ng kasama ko sa bahay!

“Mas gusto ko iyong pagdungaw ko sa second floor, kita ko na ang buong kabahayan. Nagkikita-kita kami ng mga kasambahay ko, hindi ako naliligaw, dahil tamang-tama lang ang laki!

“Eh, sa Forbes, aysus! Para akong nilalamon ng laki ng bahay! Para akong nahihilo! Ayoko ng mga intercom-intercom na ‘yan para lang magkausap kami ng kasama ko sa bahay!” nakakaaliw na kuwento ni Mommy Dionisia.

Pero sa pangkalahatan ay napakaligaya niya para sa kaniyang anak, alam daw kasi ng Panginoon na maganda ang puso ng Pambansang Kamao, kaya sinuwerte ito.

“Kapag ikinuwento ko sa inyo ang pinagdaanang buhay ni Manny, sasabihin ninyo, kaya naman pala. Mabait siya, matulungin, hindi siya mayabang kahit ganyan na ang buhay niya.

“Lahat na yata ng puwedeng itinda sa kalye, ibinenta na niya noong bata pa siya. Nangangahoy siya sa bundok, ibinebenta niya sa palengke, ibinibigay niya sa akin ang kinikita niya.

“Saka itong mga mayroon siya ngayon, dugo at pawis ang puhunan niya. Nabubugbog ang katawan niya at nababasag ang mukha niya! Pinagpala siya ng Panginoon dahil mabuti ang puso ni Manny,” litanya pa ng ina ni Pacman.

Ai Ai Delas Alas – Nakatagpo na ng totoong pagmamahal

Maganda ang ginawang desisyon ni Ai-Ai delas Alas na bumitiw na sa social media. Wala na siyang Twitter, FB, IG at kung anu-ano pang paraan ng pampublikong komunikasyon.

Para sa isang tulad niya ay positibo ang kauuwian ng pagbaklas niya sa social media dahil anuman ang gawin niya ay sinisilipan pa rin ng butas ng mga taong hindi nagkakagusto sa kaniya.

At tama ang kaniyang katwiran na hindi natin dapat ipamando ang ating buhay sa mga taong hindi naman natin kilala. Lalong walang karapatan ang mga taong ni hindi nga nagpakahirap sa ating pagiging tao na makialam sa ating buhay. Bakit kailangang ang gusto nila ang masunod?

Takaw-kontrobersiya pa naman ang Comedy Concert Queen. Pinanghihimasukan ng mga bashers pati ang kaniyang kaligayahan. Kaya tama lang ang ginawa niyang pagbaklas na sa social media.

Napakaigsing mensahe, pero may kurot sa puso, napakapositibo. Ganoon ang personal naming naramdaman nang mabasa namin ang mensahe ng Comedy Concert Queen na si Ai-Ai delas Alas para sa kaniyang boyfriend na si Gerald Sibayan na nagdiwang ng kaniyang ikadalawampu’t isang kaarawan kamakailan.

“They just know your name, but not your story,” pa-birthday na mensahe ni Ai-Ai kay Gerald. Alam niyang nasasaktan ang kaniyang karelasyon sa mga naririnig at nababasa nito. Pero ang kaniyang payo, hinga lang nang malalim dahil pangalan lang naman nito ang alam ng publiko pero hindi ang kung sino at ano ito sa totoong buhay.

May nakausap kaming kamag-anak ng isang kaibigan-kasamahan sa badminton ni Gerald Sibayan, ang makasaysayang beinte uno anyos na karelasyon ni Ai-Ai delas Alas, nakatalisod kami ng mga pribadong kuwentong magpapahaba sa buhok ng Comedy Concert Queen.

May halong pagtatanggol sa binata ang mga sinabi ng aming kakuwentuhan. Sobra raw kasing makapanghusga ang ibang tao, ang akala raw yata ng mga ito ay basta dinampot lang sa pusali ang komedyana si Gerald Sibayan.

“Maykaya ang family ni Gerald, hindi naman siguro siya makapag-aral sa isang pangmayamang school kung wala sila. Mabait lang talaga siya, hindi pumapatol sa mga nangmamaliit sa kaniya, walang kayabang-yabang si Gerald,” unang paglilinaw ng aming source.

Para raw sa tropa ni Gerald ay hindi isyu ang kanilang edad ni Ai-Ai. Ang mga tunay na magkakaibigan kasi ay nagkakaintindihan, kung saan maligaya ang kanilang kasama ay walang kuwestiyon sa kanila.

“Pero noong minsan, eh, may nagtanong kay Gerald kung bakit si Ai-Ai ang minahal niya. Simple lang ang sagot ni Gerald, ‘And why not?’ Kumpleto agad ang sagot niya, wala nang explanation na kailangan, buung-buo na.

Sharon Cuneta – Kailangang ilabas ang emosyon sa pangungulila

Makatutulong kay Sharon Cuneta ang ginagawa niyang pagpo-post ng mga mensahe para sa namayapa niyang ina. Isa iyon sa mga ipinapayo ng mga doktor, maglabas nang maglabas ng emosyon, para gumaan ang pakiramdam ng naiwan.

Puwede rin niyang palibutan ng mga larawan ni Mommy Elaine ang kaniyang kuwarto. Kailangang araw-araw niyang nakikita kahit sa mga retrato lang ang yumao niyang ina, malaking tulong din iyon para sa isang naulila.

Naibigay na ni Sharon ang lahat-lahat para kay Mommy Elaine. Kung tutuusin ay wala na siyang pagsisisihan, pero ewan nga ba kung bakit kapag iniwan tayo ng ating mahal sa buhay ay mas naiisip natin ang mga kakulangan kesa sa ating mga nagawa.

Aminadong daddy’s girl si Shawie, pero nang tumanda na ang kaniyang ina ay nawala ang ganoong pakiramdam, pantay na ang pagmamahal niya sa kaniyang mga magulang.

Ipagpatuloy lang ni Sharon ang pagpapadala ng mensahe kay Mommy Elaine, malaki ang maitutulong noon sa kaniyang kalungkutan. Isang magandang therapy iyon para kahit paano’y maibsan ang matindi niyang pangungulila sa kaniyang ina.

Sen. Bong Revilla – Huwag naman sanang ilipat sa Bicutan

Kung dati’y kumpleto ang pamilya Revilla tuwing Linggo nang tanghali sa PNP Custodial Center, ngayon ay nandoon na sila araw-araw. Alam nila kung gaano kalungkot ngayon si Senador Bong Revilla dahil sa pagkakabasura ng hiling niyang pagpipiyansa.

Maaga pa lang ay nasa Crame na ang asawa at mga anak ni Senador Bong. Nandoon na rin ang kaniyang mga kapatid at pamangkin. Sama-sama silang nakikinig sa mga makabuluhang salita ng Diyos mula sa naiimbitahang pastor.

Ayon kina Rowena, Princess at Andeng ay nagpapasalamat na rin sila dahil nang dumating ang ganitong pagkabigo sa kanilang kapatid ay matibay na ang pananampalataya ng senador.

“Parang ihinanda na siya, masakit man, para bang naging magaan na para sa kaniya ang pagtanggap, dahil prepared na siya spiritually,” sabi ni Rowena.

Ipinaliwanag nila sa kanilang ama na mas mapapadalas sila ngayon sa Crame kesa sa Imus. Kailangan nilang bigyan ng lakas ng loob si Senador Bong. Hindi biro ang mga nangyayari sa kaniya, pati ang staff ni Senador Bong sa Senado ay madalas ding nasa PNP Custodial Center ngayon.

Nandoon si Jodie Santamaria noong Linggo, napakapayat ng aktres, hindi namin ito nakilala kundi pa inginuso sa amin ni Vice-Governor Jolo Revilla na nababawasan na rin nang malaki ang timbang ngayon.

Patuloy ang pagkalat ng balita na ililipat daw sa Bicutan si Senador Bong. Sana nga ay walang basehan at katotohanan ang kuwento dahil sobra-sobra na iyon kung tutuusin para sa isang taong pinagbibintangan pa lang ay pinarurusahan na.

Charice – Sana’y hindi na nagbago ng porma

Komento ng isang nakakuwentuhan namin ay hindi nakatulong kay Charice Pempengco ang pag-aanyong-lalaki niya. Marami raw namang ladlad na tibo na hindi nagbago ng porma, mahaba pa rin ang buhok, hindi masyadong pa-macho ang hitsura.

Sundot ng aming kausap, “Si ____(pangalan ng isang sikat at magandang aktres), tibo rin siya, may karelasyon siyang girl, pero hindi naman siya TH na pumormang lalaking-lalaki siya.

“Walang pagbabago sa physical appearance niya, nagiging leading lady pa rin siya, gumaganap na nanay sa mga serye, pero sa tunay na buhay, eh, tibo siya!” pagkukumpara ng aming kausap.

Paboritong singers ni Charice sina Celine Dion, Mariah Carey, Whitney Houston at iba pang banyagang performers, pero parang hindi na raw bagay sa kaniya ang bumirit ngayon na tulad ng kaniyang mga idolo, dahil lalaking-lalaki na ang kaniyang porma.

Sayang, sabi ng aming kausap, kung sana’y naglantad na lang ng kasarian si Charice at hindi na niya binago ang kaniyang dating.

“Kakanta siya ng pinasikat na song ni Celine o ni Mariah, bibirit siya nang todo tulad ng dati kung saan siya nakilala, pero kapag tiningnan mo naman si Charice, eh, si Bruno Mars o si Justin Bieber ang bubulaga sa iyo?

“Hindi bagay sa kaniya, kung bakit naman kasi binagu-bago pa niya ang physical appearance niya, eh, kaayus-ayos na niya dati!” naiinis pang komento ng aming kakuwentuhan.

Have a comment on this article? Send us your feedback

Enero 1 – 15, 2014


	Matteo Guidicelli & Sarah Geronimo

	Robin Padilla bilang Andres Bonifacio

	Jennylyn Mercado & Derek Ramsay

	Marian Rivera & Dingdong Dantes

	Alyssa Quijano & Charice

	Kris Aquino

	Vic Sotto & Pauleen Luna

	Phillip Salvador

Bagong Taon – Sana’y masuwerte ang 2015 para sa ating lahat!

Tapos na ang Pasko. Harinawa sanang maging mas mabait at masuwerte ang ating 2015 kaysa sa nakaraang taon.

At sana’y tapos na rin ang nakayayamot na trapik kahit saan, lalo na sa EDSA, na nakatulog ka na’t nagising ay nasa gitna ka pa rin ng giyera sa pagbubuhul-buhol ng mga sasakyan na kung saan-saan nagsipanggaling ay tanging kalsada lang ang nakakaalam. Ang mga malls daw sa EDSA ang dahilan.

Markado at makabuluhan ang opinyong ipinadala sa amin ni SOS, ang kaniyang sabi, “Ang sabi po sa news, eh, overmalled daw sa EDSA kaya matrapik. Kalokohan po iyon! Ang isa po sa mga dahilan nang matinding trapik, eh, dahil nagkakatusak na ang sasakyan ngayon.

“Napakaraming nabibigyan ng car loan, sa bank na lang po kung saan ako nagwo-work, eh, ang dami-daming inire-release na car loans everyday. Sa bank pa lang po namin iyon, ha?

“Eh, ang dami-daming banks sa Pilipinas, di ba? Paano pa iyong mga bumibili ng sasakyan nang cash, kaya kalokohan ang sinasabi nila na matrapik lang dahil sa Christmas rush.

“Ang totoo, kaya po ganiyan na katindi ang trapik, eh, dahil sa napakarami na talagang private cars ngayon sa lansangan! Napakadali kasing makakuha ng car loan!” may katwirang punto ni SOS.

Sarah Geronimo – OK na sa magulang ang relasyon kay Matteo

Ito na nga siguro ang pinakamaligayang Pasko ni Sarah Geronimo. Puwedeng nagmahal na rin noon ang sikat at magaling na singer-actress pero iba ang hatid na kaligayahan sa kaniya ng lantad nilang relasyon ni Matteo Guidicelli.

Ngayon lang pinayagan si Sarah ng kaniyang mga magulang na makipagrelasyon na alam ng publiko. Nakadadalaw nang malaya sa kanila ang binatang actor – kahit pa sabihin na kapag nandoon sa kanilang bahay si Matteo ay nagpaparamdam si Mommy Divine na gabing-gabi na at kailangan nang magpahinga ang kaniyang dalaga.

Ang isang tulad ni Sarah na dakilang anak at kapatid ay kailangang pinepremyuhan ng kaligayahan. Hindi birong pumasan ng isang pamilya. Hindi madaling obligasyon ang iahon ang kaniyang mga magulang at kapatid sa kakapusan, hindi makasarili ang iniidolong actress-singer na ito.

Dahil sa kaniyang kasipagan at propesyonalismo ay naibigay na ni Sarah ang lahat ng kaginhawahan sa kaniyang pamilya. Sa London pa nag-aaral ang tinutustusan niyang kapatid. Marami na ring negosyo ngayon ang kaniyang ama at ina.

Robin Padilla – Makabuluhang pelikula ang lahok sa MMFF

Pinakyaw ng pelikulang pinagbibidahan ni Robin Padilla ang mga parangal ng MMFF. Hindi man siya ang tinanghal na pinakamahusay na aktor, para sa isang tulad niya na naglakas-loob na magprodyus ng isang proyektong markado, ang mga tinanggap na awards ni Bonifacio: Ang Unang Pangulo sa labanan ay sapat na para magpaligaya sa kaniya.

At nagpakatotoo si Robin sa kaniyang acceptance speech nang tanggapin niya ang parangal para sa pelikula, “Nakaka-ten million pa lang po kami.” Makabawi man sa kanilang puhunan o hindi ay panalung-panalo pa rin si Robin.

Kasali na siya ngayon sa listahan ng mga personalidad na nakagawa ng makabuluhang pelikula. Hindi lahat ng artista ay nabibigyan ng ganoong pagkakataong magbida sa isang proyektong markado, habambuhay na maipagmamalaki ni Robin ang kaniyang obra.

Nakapuntos si Robin Padilla sa pelikulang ito, sabi nga ni Professor Danton Remoto, ang pelikula ni Robin ay hindi lang pang-MMFF dahil puwede ring ipalabas iyon sa mga eskuwelahan bilang bahagi ng ating kasaysayan.

Derek Ramsay – Tuwang-tuwa sa Best Actor award sa MMFF

Ni katiting na pag-asa ay walang-wala sa isip ni Derek Ramsay na siya ang mananalong best actor ng MMFF. Kahit minsan lang ay hindi pumasok sa kaniyang isip na siya ang tatanghaling pinakamagaling na aktor ng taunang pestibal.

Ito ang unang major award na tinanggap ni Derek. Humabol ang parangal na ito sa pagtatapos ng 2014 na ayon sa marami ay hindi niya taon dahil sa mga problemang nakaengkuwentro niya, kaya ganoon na lang ang kaniyang kaligayahan.

Pero maraming kaibigan namin ang nakapanood ng English Only, Please ang nagkuwento sa amin na feel-good ang kanilang romantic-comedy. Ang gagaling daw nina Derek at Jennylyn Mercado, wish din ng mga ito na sila ang manalo na nangyari naman.

Marian at Dingdong – Ikinasal na!

Dumating na ang dakilang araw para sa relasyon nina Dingdong Dantes at Marian Rivera.

Marespeto ang ipinadala nilang imbitasyon. Alam mong sina Dingdong at Marian ang pumili ng kulay, ng disenyo at ng kabuuang pakete ng paanyaya sa kanilang pag-iisang dibdib ngayong hapon.

Sa paloob na pabalat ng imbistasyon ay nakasulat, “This is a story of a girl born ni Madrid and a boy who hails from Manila.”

Dalawang taong-gulang si Marian nang maghiwalay ang kaniyang mga magulang. Purong Espanyol ang kaniyang amang si Francisco Javier Gracia at tubong-Cavite naman ang kaniyang inang si Amalia delos Santos.

Lumaki at nagkaisip si Marian sa pagkandili ng kaniyang lola sa ina. Ito na ang tumayo niyang magulang, kaya naman sa bawat pagsasalita ng aktres ay napakaespesyal ng pagbanggit niya sa kadakilaan ng kaniyang lola.

Aminado sina Dingdong at Marian na regalo sila ng Diyos sa bawat isa. Lumalim ang kanilang relasyon noong panahong kaliwa’t kanan ang mga negatibong pagpunang ibinabato laban kay Marian. Si Dingdong ang kaniyang naging sumbungan.

Ang unang ibinato noon sa dalaga ay ang kahinaan niya sa pagsasalita ng Ingles. Isang napakababaw na pamimintas kung tutuusin dahil Pilipino si Marian, may dugo lang siyang banyaga, pero lumaki siya at nagkaisip sa Pilipinas.

Tama at wasto ang kaniyang katwiran na porke ba hindi marunong magsalita ng Ingles ang isang tao ay masama na siya? Porke ba mahinang mag-Ingles ang tao ay masama na siyang anak, apo at kaibigan?

“Mas gugustuhin ko nang maging mahina sa English kaysa naman sa magaling nga ako, pero hindi naman ako mabuting anak at kinakalimutan ko ang mga kaibigan ko. Okey na sa akin iyon! Ang mahalaga, eh, kung sino ako bilang tao,” may paninindigang diin ni Marian.

Maligayang bati sa mga bagong kasal!

Daniel Padilla – Pinagpapala dahil sa pagmamahal sa pamilya

Kapag binabalikan ni Karla Estrada ang nakaraan nilang buhay na mag-iina ay parang nananaginip pa rin siya hanggang ngayon sa napakalaking pagbabago ng estado ng kanilang kabuhayan dahil sa kaniyang panganay na si Daniel Padilla.

Komedyana si Karla. Nakatira lang daw sila dati sa ilalim ng tulay. Pero nang sumikat ang kaniyang si DJ ay nakatira na sila sa isang malaking bahay.

Napakabilis ng mga pangyayari. Sumikat si Daniel at biniyayaan ng mga shows na milyon ang halaga ng talent fee. Ang unang proyektong pinagdesisyunan ng mag-ina ay ang makapagpatayo sila ng sariling bahay.

Maraming salamat dahil nagkaroon si Daniel ng nanay na hindi bulagsak sa pera, hindi mapagsamantala. Bawat sentimong kinikita ng pinakasikat na heartthrob ngayon ay napupunta sa mga makabuluhang dahilan.

Pero hindi niya pinagdadamutan si Daniel. Sasakyan ang hilig ng batang aktor, pero hindi bilang panggranatsa kundi kumportableng sasakyan para sa kaniyang taping at shooting at malalayong biyahe.

Sabi ni Karla, “Alam ni DJ kung saan-saan napupunta ang kinikita niya. I want him to know and feel na napakalaki ng tulong na ibinibigay niya sa amin ng mga kapatid niya. Kapag sinasabi ko iyon, magko-comedy lang siya para siguro maiwasan niyang mapaluha, ‘Para sa iyo ‘yan, donya.’

“Tinatanong ko siyang madalas, ‘Mayroon ka bang gustong bilhin?’ Siya siyempre ang nagtatrabaho, kaya dapat lang niyang bigyan ng premyo ang sarili niya.

“Pero wala raw, unahin ko na raw muna ang mga needs ng family namin, saka na lang daw siya. May bagong phone lang siya, napakasaya na niya. Mababaw ang kaligayahan ng anak ko,” nagmamalaking kuwento pa ni Karla Estrada.

Harinawang magpatuloy ang magandang takbo ng career ni Daniel Padilla sa darating na 2015. Ang anak na malingap sa kaniyang magulang ay laging pinagpapala. Tulad ni Daniel Padilla.

Charice – Wala raw sa bokabularyo niya ang pagpapakasal

Dahil sa sinabi ni Charice Pempengco na wala sa kaniyang bokabularyo ang pagpapakasal ay may mga hindi nakaintindi sa kaniya. Pinariringgan daw ba niya ang kaniyang kapuwa tibo na si Aiza Seguerra?

Marami agad ang nagkomento na kung ayaw raw niyang sundan ang yapak ni Aiza na nagpakasal sa Amerika sa karelasyon nitong si Liza Diño ay manahimik na lang sana siya.

Pero katwiran naman ni Charice ay tinatanong lang siya, pinagkokomento sa ginawang pagpapakasal nina Aiza at Liza, kaya nagbigay siya ng kaniyang opinyon.

Sinabi niya naman na masaya siya para kina Aiza at Liza, kaya nga lang ay wala siyang planong pakasalan ang kaniyang girlfriend na si Alyssa Quijano, dahil iyon ang kaniyang pananaw sa buhay.

Tinatanong siya, nagbigay siya ng sagot. Iyon ang kaniyang paninindigan at paniniwala at para lang iyon sa kaniya at wala siyang pinipilit na kahit sino para sumang-ayon sa kaniya.

Kris Aquino – Sagad sa trabaho kaya bumibigay ang katawan

Iisa lang ang ating katawan. Walang pamalit, walang mabibili sa kahit saan, kaya dapat lang nating alagaan. Matalino si Kris Aquino para hindi niya malaman ang katotohanan ng buhay.

May panahon ng paggawa at may panahon din ng paniningil. Ganoon ang nangyayari ngayon kay Kris dahil nagiging masasakitin siya. Laging umaatake ang kaniyang allergy, stress ang dahilan noon, masyado naman kasing masipag ang aktres-TV host na ito.

Sunud-sunod ang kaniyang trabaho kundi man sabay-sabay, sa punto ng propesyonalismo ay walang problema kay Kris. Ang tanong nga lang ay kaya pa ba iyon ng iisa lang naman niyang katawan?

Humihina ang kaniyang naturalesa. Mabilis na siyang tinatablan ng sakit, natapos niya nga ang kaniyang mga trabaho pero ang katawan niya naman ang nagsasakripisyo.

Sabi ng isang nakausap namin, “Ano pa ba naman ang kailangan ni Kris? Nakahiga na siya sa salapi, pero parang wala pa rin siyang contentment? Magkano ba talaga ang halagang makapagpapaligaya sa kaniya?”

Maraming hindi nakaiintindi sa passion. Natutuhan nang mahalin ni Kris ang kaniyang trabaho. Iyon na ang kaniyang mundo, kaya kahit pagod na pagod siya ay patuloy pa rin niyang tinutupad ang kaniyang mga kompromiso.

Kung minsan nga ay hindi na ang kikitain, mas nakalalamang na ang pagmamahal sa kaniyang ginagawa. Doon maligaya si Kris Aquino kaya kailangan na lang niyang magtiis sa buwelta sa kaniya ng panahon dahil sa sobra-sobrang pagpapagod.

Mabangung-mabango naman si James Yap sa paningin ni Kris ngayon. Panay-panay ang pagmamalaki ng aktres-TV host sa kaniyang mga accounts kung gaano ka-supportive ang basketbolista sa kanilang anak na si Bimby.

Magandang balita ito kung tutuusin kumpara sa maasim na relasyon noon ng mga magulang ni Bimby, pero hinahanapan ito ng butas ng mga sumusubaybay sa kanilang relasyon, napakagaling daw talaga tumayming ni Kris.

“Si Kris, alam niya kung kailan siya magmamabait at kung kailan siya magmamaasim. Napakahusay niyang tumayming, walang tatalo sa kaniya sa anggulong iyon.

“Kapag personal na niyang kapakanan ang nakataya, she can befriend even her enemies, kasi nga, kailangan niyang magkaroon ng magandang image.

“Pero pagkatapos noon, e, deadma na uli siya, wala na siyang pakialam sa taong nagamit niya, ganoon lang iyon,” pag-oopinyon ng aming source.

Kung babalikan nga naman kasi ang mga naganap noon sa pagitan nila ni James Yap nang maghiwalay sila ay parang kabaligtaran iyon ng mga nangyayari ngayon, parang panaginip lang ang lahat, dahil pinupuri na ni Kris ang ama ng kaniyang anak na halos isumpa-sumpa na niya noon.

Pero siya na rin naman ang nagsabi, basta para sa kapakanan ng anak, kailangang kalimutan na ng mga magulang ang nangyari sa kanila noon.

Iyon lang daw ang ginagawa niya ngayon, nila ni James Yap, para kay Baby James.

Pauleen at Bossing Vic – Ayaw tantanan ng bashers ang relasyon

Wala talagang patawad ang mga bashers, pati mga taong hindi naman nila kilala mula ulo hanggang paa, nakakaya nilang igawa ng istorya para palabasing nega.

Biktima ng mga taong walang magawa si Pauleen Luna. Ang pinalalabas ng mga hindi nagkakagusto sa kaniya para kay Bossing Vic Sotto ay peperahan lang daw niya ang aktor-TV host at pagkatapos ay iiwan din niya ang kaniyang boyfriend.

May karapatan kaming ipakilala si Pauleen Luna sa kaniyang mga bashers dahil maliit pa siya ay malapit na kami sa kaniyang pamilya. Ang lola niya sa ama, si Tita Lita Luna, ay kaibigang karnal namin.

Nasubaybayan namin ang kaniyang paglaki, tubong-Valenzuela ang pamilya ng kaniyang amang si Eugene, ipinanganak na may gintong kutsara sa bibig si Pauleen.

Matatag ang negosyo ng kaniyang pamilya, kanila ang hilera ng mga townhouses sa Tandang Sora, tumira pa nang matagal sa kanila si Rufa Mae Quinto bago ito nagkaroon ng sariling bahay.

Sa North Greenhills naninirahan ang pamilya ng kaniyang daddy, may gasolinahan sila sa Valenzuela, malawak ang lupain ng mga Luna sa Isla at silang magkakapatid ang tagapagmana ng mga ari-ariang iyon.

Huwag naman sanang palabasin ng mga bashers ni Pauleen na giginhawa lang ang kaniyang buhay kapag napangasawa iya si Bossing Vic. Isang bangungot iyon.

At huwag sabihin ng mga naninira na winelkam agad ng pamilya ni Pauleen si Bossing Vic. Isang malaking kuwento ng hindi pagkakaunawaan muna ang namagitan sa kaniyang lola at mga magulang, kinailangan pa naming kausapin si Tita Lita para lang maintindihan nito ang damdamin ng kaniyang apo, bago malayang nakabisita sa bahay nina Pauleen si Bossing Vic.

Ang kung anumang mga materyal na bagay na mayroon si Bossing Vic ay mayroon din ang pamilya ni Pauleen. Ang wala lang ang pamilya ni Pauleen ay ang puso ni Vic Sotto na nagbibigay sa kaniya ng pagmamahal at inspirasyon ngayon sa lahat ng pagkakataon.

Sa huli naming pag-uusap ni Tita Lita ay sinabi nito, “Ginawa na namin ang lahat para mapigilan si Pauleen sa pakikipagrelasyon kay Vic, pero wala ka pala talagang magagawa kapag puso na ang umiiral.

“Mahal niya si Vic at nakikita naman namin ang pagmamahal at pagrespeto ni Vic sa kaniya, kaya suko na kaming lahat, mahal na rin namin ang mahal niya,” sinserong pahayag ni Tita Lita Luna.

Philip Salvador – Kahit sa totoong buhay ay “action star” din

Personal naming nakakuwentuhan si Phillip Salvador sa PNP Custodial Center. Gusto sana naming kunin sa kaniya ang mga detalye ng naganap na pakikipagsagupaan niya sa isang Norwegian national pero ayaw na niyang magkuwento.

Pero may tinawagan kaming source na nandoon din sa restaurant nang komprontahin ni Kuya Ipe ang banyaga, sa mismong harapan ng table nito nangyari ang insidente, malapit lang sa food counter.

Narito ang kaniyang sinabi, “Noong pumasok si Phillip Salvador, natural, maraming kumaway agad sa kaniya. Magkatalikuran naman kami ng table.

“Maangas kasi iyong foreigner, binastos talaga niya iyong waitress dahil nilagyan ng cheese ang inorder niyang food. Sabi niya, ‘You’re such an idiot! Did I tell you to put cheese in my food?’

“Natural, nagulat iyong waitress, hindi naman kasi siya sinabihan noong pagkalaki-laking foreigner na huwag lagyan ng cheese ang inorder niya, talagang may cheese kasi iyon kapag isine-serve.

“Nag-sorry na lang iyong waitress para tapos na ang problema, papalitan na lang sana, pero nagsalita uli iyong foreigner, ‘All of you, you’re a bunch of idiots here!’

“Mabilis ang pangyayari, nakita na lang namin na tumayo si Phillip, hinampas niya nang malakas sa balikat ang foreigner. Ang sabi niya, ‘You don’t do that to a woman, you have no right in any way to call her an idiot, you don’t do that in our country!’

“Malakas ang hampas niya, lalaban talaga si Phillip kahit pa napakalaki ng katawan at napakatangkad noong lalaki. Ang sabi noong lalaki sa kaniya, ‘And who the f–k are you?’

“Ang sagot naman ni Phillip, ‘This is the f–king guy who will kick you’re a– if you don’t apologize to the woman. She’s been saying sorry to you, and yet, you still continue calling her an idiot?!’

“Lalaban din iyong lalaki, humawak ng silya, pasugod naman nang pasugod sa kaniya si Phillip. Pero ang paghawak noong lalaki sa silya, parang nagbubugaw lang siya ng kung ano palayo sa kaniya, hindi niya naman maihampas-hampas sa kalaban niya ang silya!

“Napakalaki niyang tao, pero duwag naman pala! Puro dakdak lang siya, kaya ang sabi ni Phillip sa kaniya, ‘You’re such a coward! You can only fight with women, because you don’t bring with you your balls everytime you leave your house!’

“Nagdatingan na ang mga security ng mall, nagtanong iyong foreigner sa isang guard, sino raw ba ang kabalan niya? Sagot ng tinanong, ‘He’s a famous action star here!’

“Pinalabas siya ng guards, ‘Why me? Why me?’ Dati, paboritong action star ko lang si Phillip Salvador, pero ngayon, idol ko na rin siya bilang tao.

“Pasalamat nang pasalamat sa kaniya ang mga staff ng restaurant, pati ang mga kumakain, saludo sa ginawa niya. Talaga palang kakasa siya kapag kinakawawa na ang mga kababayan natin!

“Sabi pa nga niya noong palabas na ang foreigner, ‘We respect your country, do the same to us!’ Hindi lang pala siya matapang sa pelikula, kahit sa tunay na buhay, napakatapang din niya!” detalyadong kuwento ng aming kaibigan.

Ikaw na! Ikaw na talaga, Kuya Ipe!

Sharon Cuneta – Sana ay maka-move on na si Mega

Nakakuwentuhan namin sang isang malapit na kaibigan ni Sharon Cuneta. Kinumusta namin sa kaniya ang Megastar, unti-unti na bang nakahahakbang nang pasulong ngayon ang aktres? Natanggap na ba niya ang pinakamasarap na konsolasyon sa pagkawala ni Mommy Elaine na mas maayos na ang kalagayan ngayon ng kaniyang ina sa kabilang buhay?

“Tanggap na niyang hindi na nahihirapan si Mommy Elaine, nakita niya kasi ang mga sakripisyo ng mommy niya, pero hindi pa rin natin maiaalis kay Shawie ang malungkot dahil iyon na iyon, hindi na sila magkakasama pa uli.

“Kami, alam naming mahihirapan siya sa pagkawala ng mommy niya dahil sa mga kuwentuhan pa nga lang namin noong buhay pa si Mommy Elaine, eh, bumibigay na siya.

“Kapag may ini-interview nga lang siya, eh, apektado na siya, mas una pa siyang umiiyak sa guest niya, ito pa kayang mommy na niya ang involved sa kuwento?

“Matatagalan pa bago siya maka-move-on, expected na namin iyon, kilalang-kilala namin siya at ang pagiging emotional niya,” kuwento ng kaibigan ni Mega.

Kailangang abalahin ni Sharon Cuneta ang kaniyang sarili sa pagpasok ng 2015, kailangang linlangin niya ang kaniyang damdamin, para kahit paano’y gumaan-gaan ang pangungulilang umookupa sa kaniyang puso at isip ngayon.

Nakaraang Pasko – Ako’y nagbalik-tanaw sa masayang nakaraan

Ilang taon na kaming diretsong nagdiriwang ng Pasko sa aming munting nayon sa Nueva Ecija. Galing kami sa isang baryo na apat na kilometro ang layo mula sa bayan.

Hindi nabubura sa aming alaala ang mabato-maputik na daang tinatalunton namin mula sa baryo hanggang bayan para lang kami makapagtapos ng high school.

Bitbit ang mumurahing sapatos para hindi maputikan, nakikihugas kami ng mga paa sa unang bahay sa kabayanan, doon na kami nagsusuot ng medyas at sapatos at nagpapahinga sandali bago pumasok sa eskuwela.

Napakasaya ng aming kabataan. Mahilig magpaaral ang mga magulang sa aming nayon, kaya para kaming nagpuprusisyon sa dami tuwing umaga at hapon. Ang pagod ay nawawala dahil sa mga kuwentuhan naming magkakamag-aral.

Suwerte namin kapag sa aming pag-uwi ay may mga biyaherong dumadaan. Namamakyaw ng mga gulay sa aming nayon ang mga truck, sabay-sabay kaming sisigaw ng “Paangkas po!” at pasalampak na kaming mag-uupuan sa truck, mistula kaming boteng pagulung-gulong sa biyahe na punumpuno ng halakhakan.

Makulay, masaya at makabuluhan ang aming kabataan. Lahat ay nangangarap, lahat ay nakikiusap para sa isang magandang kinabukasan, at halos lahat naman ay nabiyayaan.

Sa pagdaraan ng panahon ay umunlad na ang aming nayon. Sementado na ang dating mabato-maputik na kalsada papunta sa bayan. Pati ang mga kalye sa aming nayon ay sementado na rin at marami nang bahayan at tindahan.

Tanong ng aming anak na si Rebo, “Ito pong layo na ito, nilalakad n’yo lang noon para makapag-aral kayo?”Ayaw niyang maniwala, lalo na kapag ikinukuwento namin sa kanilang magkakapatid na ang baon lang namin sa tanghalian ay kamatis at nilagang itlog, wala kaming pambili ng meryenda kaya gutom at pagod kaming umuuwi sa baryo.

Marami kaming kamag-aral na lumuwas ng Maynila para mag-aral, ang iba nama’y namalagi sa aming nayon para ipagpatuloy ang pagsasaka, may mga nakalusot sa labanan at mayroon ding mga napag-iwanan.

Pero wala nang mas sasarap pa sa pagbabalik sa iyong pinagmulan. Sariwang hangin, amoy ng namumulaklak na palay, sariwang gatas ng kalabaw sa umaga at mga gulay na walang halong kemikal.

Numipis na ang bilang ng matatandang iniwan namin nang magkolehiyo kami sa Maynila, pero umusbong naman ang mga bagong mukha ng mga batang ipinanganak habang wala kami sa nayon. Para pa ring musika sa magkabila naming tenga ang pagtawag sa amin ng “Tenggol” ng aming mga kababaryo.

Magkakasama kaming magpipinsan kapag umuuwi kami, nagpupunta kami sa tumana (bukid), namimitas ng mga gulay at kapag nagkayayaan ay nagpupunta kami sa Dingalan at sa Baguio pa nga kapag nagkakabiglaan.

Nitong nakaraang Pasko, nagbalik-alaala sa aming kabataan na kung sino ang unang magmamano kay Inang (nanay ng aming tatay) ay bibigyan ng isang kabang palay.

At mas tumitining ang pag-alala sa aming mga magulang, sina tatay at nanay na tuwing pagmamanuhan mo ay magsasabi ng “Kaawaan ka ng Diyos,” sabay yakap sa iyo nang mahigpit na parang hindi ka na planong bitiwan.

May mga apo na kami, palagi namin silang isinasama sa baryo. Gusto naming iparamdam sa kanila na ang kahirapan kailanman ay hindi makahaharang sa masarap na pangangarap.

Walang matrikula ang pagsasabi ng mga sana-sana sa buhay, libre ang pangangarap para sa lahat. Ang biyaya ay hindi lumalapit sa mga hindi naghahanap at hindi marunong magpasalamat sa kanilang ugat.

Sana po’y naging maligaya ang inyong Pasko at pagsalubong sa Bagong Taon!

Have a comment on this article? Send us your feedback

Enero 16 – 31, 2015


	Piolo Pascual & Iñigo

	KC Concepcion & Paulo-Avelino

	Dingdong Dantes, Marian Rivera at kaniyang ama

	Xian Lim

	Ai Ai delas Alas & Kris Aquino

	Charice

	Alex Gonzaga

	Angelica Panganiban

	Nora Aunor

	Bimby Aquino Yap

Manny Pacquiao – Inimbitahan ni Prince Harry sa Buckingham Palace

Ngayon pa lang pinaghahandaan na ng Pambansang Kamao ang pakikipagharap niya kay Prince Harry sa January 22 sa Buckingham Palace sa London. Naimbitahan si Congressman Manny Pacquiao para makipag-dinner sa prinsipe ng Inglatera.

Mapagbiro talaga ang kapalaran. Sino nga ba ang mag-aakala na ang payak na anak ng GenSan ay makapapasok pala sa Buckingham Palace sa pamamagitan ng isang imbitasyon? Ang mga turista ay hanggang sa labas lang, kinukunan lang ng retrato ang mga palace guards, pero si Pacman ay makaiikot sa palasyo na ang tour guide pa ay si Prince Harry? At magdi-dinner pa siya sa palasyo ng Inglatera kasama ang bunsong anak ni Prince Charles at ng namayapang si Princess Diana.

Parang wala lang na kuwento ni Pacman, “Magdi-dinner lang ako sa England kasama si Prince Harry, tapos, mag-iikot lang kami sa Buckingham Palace.”

Ang Golden Gate sa San Franciso ay sa takip ng notebook lang niya nakikita noon. Ang Buckingham Palace ay sa telebisyon lang niya napagmamasdan ang hitsura, pero dahil sa kaniyang pagsikat sa buong mundo bilang isang kampeong boksingero ay kinakabog pa niya ngayon kahit ang mga tagapamuno ng iba’t ibang bansa.

Makikipag-Inglisan si Pacman kay Prince Harry. Siguradong mamumulaklak ang kaniyang linyang “You know” sa kanilang kuwentuhan, at siguradong alam ni Prince Harry na si Pacman ang Pilipinong boksingerong nagpatumba sa kanilang manok na si Ricky Hatton sa ikawalang round lang.

Napakasuwerte talaga ni Manny Pacquiao.

Piolo at Iñigo – Pinagpipistahan pa rin ng publiko ang mag-ama

Hindi pa malamlam ang career ni Piolo Pascual. Umabante lang nang konti sa kaniya ang iba niyang kakontemporaryo pero ramdam na ramdam pa rin ang presensiya ni Piolo.

Isa sa mga palatandaan na interesado pa rin sa kaniya ang publiko ay ang kuwentong pinagpipistahan ngayon tungkol sa kaniyang anak na si Iñigo.

Ang kuwento ay hindi raw naman anak ni Piolo ang bagets. Anak daw ito ng isa niyang kapatid na babae, ipinaangkin lang daw sa kaniya bilang anak si Iñigo.

Siguro ay isa kami sa puwedeng magpatunay na anak talaga ni Piolo si Iñigo kay Dona, isang kasamahan niya sa choir noong mga bata pa sila, matagal na panahong hindi nagkita ang mag-ama.

Sumailalim sa paternity test sina Piolo at Iñigo, ang resulta ay positibo. Mula noon ay naging regular na ang kanilang pagsasama hanggang sa pag-aralin na ng aktor ang kaniyang anak sa Amerika.

Kalokohan ang naunang kuwentong anak daw si Iñigo ng isang kapatid ni Piolo, para ano pa’t dumaan sila sa paternity test, para lang lokohin ang kanilang mga sarili at ang publiko?

Kahit ayaw ni Piolo ay nasunod pa rin ang gusto ng kaniyang anak. Wala nang makapipigil pa ngayon kay Iñigo sa pag-aartista, nakaisang pelikula na ito at masusundan pa at nakatakda na ring gumawa ng album ang bagets.

Iyon nga lang, kailangang pansamantalang pagdaanan ni Iñigo ang pagkukumpara sa kanilang mag-ama. Iyon ang karaniwang nangyayari kapag nag-aartista na rin ang anak ng isang sikat na artista.

KC at Paulo – Malagihay ang fans sa love team na ito

Niluluto nang husto ang diumano’y romansang namamagitan ngayon kina Paulo Avelino at KC Concepcion. Palaging laman iyon ng mga pahayagan, maraming press release tungkol sa kanila. Pero sa kabila noon ay malagihay pa rin ang pagtanggap ng publiko sa sinasabing relasyon nila.

Walang iniwan iyon sa tambalang Xian Lim at Kim Chiu na halos ipagduldulan na sa ilong ng mga kababayan natin, pero hanggang ngayo’y pinagtataasan pa rin iyon ng kilay ng mas nakararami, walang naniniwala sa kanilang relasyon daw.

Hard sell ang pagbebenta sa pag-uugnay kina KC at Paulo. Parang pilit na pilit, kahit pa sabihing palaging nandiyan lang ang aktor sa lahat ng mga nangyayari sa buhay ng dalaga.

Sa totoo lang, in fairness, mabuti pa nga ang nakaraang relasyon nina KC at Piolo Pascual at kinagat ng publiko. Sabihin nang kuwestiyonable ang gender ni Piolo pero kumpara kay Paulo ay mas sinakyan pa nga ng ating mga kababayan ang relasyon nila ni KC.

Pakiramdam kasi ng mas nakararami ay parang ginagawa lang na tungtungan ni Paulo si KC, parang kailangan lang idikit ang kaniyang pangalan sa dalaga ng Megastar, para siya makilala.

Guwapo, pero matamlay ang presensiya ni Paulo Avelino. Idagdag pa ang mga hindi kagandahang kuwentong personal noon na naugnay sa kanila ni LJ at ng kanilang anak.

Kumbaga sa prutas ay pilit na pilit ang ginagawang pagpapahinog sa relasyon nina Paulo at KC, at kapag pilit at kinalburo, mapakla iyon sa panlasan ng publiko.

Dingdong at Marian – May bashers pa rin ang mga bagong kasal

Nagpista ang mga balikbayan naming kaibigan sa pagpaparetrato sa Boracay sa mga bagong kasal na sina Dingdong Dantes at Marian Rivera. Nagkakaisa sila sa pagsasabi na may make-up o wala ay napakaganda talaga ng aktres.

“Saka si Dingdong pala, grabe ang PR! Nakikipagkuwentuhan talaga siya sa mga nakikilala niya, hindi siya iyong hanggang hi and hello lang, he really spends time talking to people.

“Tatanungin ka niya kung saan kayo naninirahan sa States, mayroon din siyang input about the place, kabisado niya ang America. Mabait si Dingdong, he can be an effective public servant, may magandang PR siya at alam mong mabait at sincere siya,” papuri sa aktor ng aming kaibigan mula sa Chino Hills, California.

Kasama nilang nagbakasyon sa Boracay ang ama ni Marian, si Mr. Francisco Javier Gracia, na isang matagumpay na negosyante sa Madrid, Spain.

“Palaging nakayakap si Marian sa daddy niya, sinasamantala lang daw niya ang pagkakataon sabi niya, dahil uuwi rin agad sa Spain ang daddy niya. Kaya naman pala napakaganda ni Marian, Kastilaloy pala ang dugo niya,” komento uli ng aming kaibigan.

Pero nakakatikim ngayon ng hagupit mula sa mga netizens ang mga bagong kasal. Kahit pa totoo namang parang prinsesa habang lumalakad sa altar si Marian at parang prinsipe naman ang nag-aabang na groom ay mayroon at mayroon pa ring kokontra sa kanila.

May isang nagkomento, “Royal wedding? E, ni hindi nga marunong magsalita ng English ang bride?” Napakasakit naman noon. Para namang lumalabas na kapag hindi marunong mag-Ingles ang isang tao ay puwede nang burahin ang iba pang magagandang katangian niya.

At para bang pinalalabas ng iba na kapag hindi marunong gumamit ng lengguwahe ni Uncle Sam ang tao ay malaking kapintasan na iyon. Kung sana’y nagpapanggap si Marian, kung sana’y hindi siya Pilipino. Kung sana’y malaking krimen na ang hindi pag-Ingles.

At ang pinakahuli, ang pagpo-post sa Instagram ng kanilang mga loyalista sa halaga ng Rolex watch na iniregalo ni Marian kay Dingdong bago sila ikinasal, mahigit na isang milyong piso ang presyo ng relo.

Kung anu-anong pintas na naman ang inabot ng mag-asawa, na para bang sila ang nagmayabang na i-post iyon, samantalang wala nga silang kaalam-alam tungkol sa paglabas ng presyo ng mamahaling relo?

Totoong hindi napapanahon ang paglalabas ng presyo ng relo. Maraming kababayan natin ang nagdarahop ngayon lalo na ang mga naging biktima ng bagyo, pero sina Dingdong at Marian ba ang kailangang pupugin ng iba tungkol doon?

Hindi naman sila ang naglabas ng presyo, walang kahit anino lang ng pagyayabang mula sa mga bagong kasal, pero bakit sila ang pinag-iinitan ngayon?

Nakakalungkot naman.

Xian Lim – Bano daw sa acting at sa hosting

Parang hindi naman kapani-paniwala ang mga umiikot na kuwento tungkol sa kabanuang umarte ni Xian Lim. Gaano ba talaga kahinang umarte ang makisig pa namang aktor na ito para mapabalita na sa isang eksena lang sa ginagawa niyang serye ay inabot siya nang tatlumpu’t anim na takes?

Iyon daw ang dahilan kung bakit siya pinalitan sa proyekto. Nainis na raw kasi ang kanilang direktor at ang kaniyang mga kapwa artista, ang dahilan kung bakit tinapik daw siya ng isang aktor at nagsabing, “If you don’t value your time, we do.”

Lutung-luto naman sa workshop si Xian, di nga ba’t maraming nagpapatotoo na sa kaniyang taping at shooting ay may nakabantay pa siyang acting coach, anyare?

Ang hanggang siyam na takes ay kapani-paniwala pa, pero ang 36 takes, para namang wala man lang siyang natutunang kahit ano sa kaniyang pagwo-workshop?

“Mag-host na lang kasi siya, huwag na siyang mag-ilusyong magpakaaktor, dahil wala talaga siyang alam sa pag-arte!” komento ng isang basher ng binata.

May sumagot naman agad sa nagkomentong mag-host na lang siya, “Anong mag-host na lang si Xian? E, noon ngang mag-host siya sa isang beauty pageant, pagkatapos magsalita ng contestant, e, paulit-ulit niyang sinasabi ang ‘Very well, thank you so much!’

“Anong very well? Isang salita na lang, e, ipinagdamot pa niya? Mahirap bang bitiwan ang ‘Very well said’? Acting or hosting, wala siyang future!” nagmamaasim pang sabi ng isang walang kagustu-gusto kay Xian Lim.

Ai Ai Delas Alas – Seloso ang bagets na boy friend

Ang tunay na BFF ni Ai-Ai delas Alas na si Arnell Ignacio ang nagbuking kung gaano kaseloso ang kaniyang boyfriend na si Gerald Sibayan.

Masayang kuwento ni Arnelli na nakakuwentuhan namin ni Richard Pinlac sa Cristy Fer Minute, “Naku, napakahaba ng buhok ngayon ni Eileen (Ai Ai)! Mawala lang siya sandali sa paningin ni Gerald, hinahanap na siya!

“Seloso ang bagets! May makakuwentuhan lang siyang iba sa kabilang table, nakatingin na sa kaniya, parang nagseselos na! Kaya naman tingnan n’yo ang aura ngayon ni Ai Ai, maaliwalas ang mukha ni delas Alas!” pambubuking ni Arnelli sa kaniyang bestfriend.

Gumaan na talaga ang dibdib ngayon ni Ai Ai. Sa aminin at sa hindi ng Comedy Concert Queen ay masyado niyang ininda ang hindi nila pagkakaintindihan nang matagal na panahon ni Kris Aquino.

Kumpleto na ang kaniyang kaligayahan ngayon dahil bukod sa pagbabati nila ni Kris ay kulay rosas ang kaniyang paligid. Bagets na naturingan pero nagkakasundo sila ng kaniyang boyfriend. Masayang-masaya si Ai-Ai dahil kasundo ng tatlo niyang anak si Gerald, nirerespeto ito nina Sancho, Nicolo, at Budang.

“Mahirap makipagrelasyon kapag marami kang pinapakipanimbangan, magaan kapag lahat ng mahal mo sa buhay, e, mahal din ang mahal mo,” makahulugan pang sabi ng Comedy Concert Queen.

Charice – Sabik daw si Mommy Raquel para sa apo

Isang maagang tawag ang tinanggap namin mula sa isang naiiritang kaibigan kahapon. Tungkol kay Aling Raquel na mommy ni Charice Pempengco ang kaniyang sentimyento.

Unang komento ng aming kausap, “Ano ba naman ‘yang nanay ni Charice? OA na siyang masyado! Tama nang tinanggap na lang niya ang gender ng anak niya, okey na iyon, pero tigilan na niya ang pagsasabing sabik na sabik na siyang magkaapo sa tomboy niyang anak!

“Ano ba naman iyon? Naghahanap ba ng milagro ang nanay ni Charice? Mano ngang tantanan na niya ang pagiging OA!” inis na komento ng aming kaibigan.

Kung matatandaan ay matagal na hindi nag-usap ang mag-ina dahil sa pag-a-out ni Charice tungkol sa kaniyang tunay na kasarian. Galit na galit noon si Aling Raquel sa kaniyang anak at kay Alyssa Quijano na karelasyon ng international performer.

“Magtigil nga ang nanay na ‘yan ni Charice! Para lang makaeksena siya, e, kung anu-ano na lang ang mga pinagsasasabi niya! Napakahilig kasi sa publicity ng babaeng iyon!

“Kung ang Mommy Caring na ni Aiza Seguerra, e, hindi nagsasalita ng ganoon. Nagpakasal na’t lahat ang anak niya, pero umeeksena ba si Mommy Caring sa pagsasabing gusto na niyang magkaapo?

“Tumigil na nga ang Aling Raquel na ‘yan, paano siya magkakaapo sa mga pompyang?” nagmamaasim pang komento ng iritado naming kaibigan.

Alex Gonzaga – Pinanggigigilan ng fans ni Maricel Soriano

Maraming tagahanga ni Maricel Soriano ang gigil na gigil ngayon kay Alex Gonzaga. Wala raw originality ang patpating aktres, dinidikitan daw niya ang acting ng Diamond Star, bakit daw hindi gumawa ng sarili niyang paraan si Alex para siya makilala nang hindi lang niya ginagaya si Marya?

Magaling na komedyana si Alex Gonzaga, mayroon iyang timing na kailangang-kailangan sa pagpapatawa, kahit sa normal lang niyang pagsasalita ay may sense of humor na siya.

Kung tutuusin ay mas magaling pa siya kesa kay Toni Gonzaga, kung minsan kasi ay pilit ang pagkokomedya ng kaniyang ate, samantalang ang pagpapatawa ni Alex ay walang ka-eport-eport.

Hindi puwedeng pagbintangan si Alex na nanggagaya lang dahil iyon na talaga siya, matagal namin siyang nakasama sa TV5, kapag nagkukuwento kasi si Alex ay nauuna na ang paghalakhak niya bago pa niya mabuo ang istorya.

Nakakaaliw siyang magkuwento lalo na kapag tungkol sa kaniyang ate, “panga” kung tawagin niya si Toni, “Ewan ko nga ba sa pangang iyon kung bakit siya ganoon?”

Hindi na kailangang lukutin ni Alex ang kaniyang mukha sa pagkokomedya, normal lang niyang kilos at pagsasalita ay sapat na, kaya huwag naman sana siyang husgahang nanggagaya lang para siya makilala.

At saka ang pagkokomedya, saanmang paraan daanin, ay pagkokomedya pa rin.

Robin, Rommel at BB Gandanghari – Magkakasama sa isang sitcom

Marami nang nag-aabang sa sitcom na pagbibidahan ng magkakapatid na Padilla. Nagte-taping na sina Robin, Rommel at BB Gandanghari para sa 2 And A Half Daddies ng TV5.

Kuwento ni Robin ay ibang-iba ang takbo ng kuwento ng kanilang palabas, ayaw niyang magkuwento tungkol sa kaniyang role, ang papel na ginagampanan ni BB Gandanghari ang palagi niyang pinapasadahan.

“May kissing scene siya dito. At hulaan n’yo kung kanino? Kay Alice Dixson!” ewan kung biro lang ang sinasabi ni Robin o totoong bahagi iyon ng kanilang sitcom.

Dapat sana’y babalik na sa Amerika si BB dahil mayroon pa itong tatapusing trabaho pero dahil sa gagawin nilang sitcom nina Robin at Rommel ay humaba ang kaniyang pamamalagi dito.

Nasilip na namin ang kuwento ng 2 And A Half Daddies, hindi lang iyon basta sitcom, kundi mapusong palabas na siguradong ikatutuwa ng manonood.

Ito ang unang proyekto ni BB Gandanghari mula nang maglantad ito ng kaniyang gender. At kung dati’y nagkaroon ng hindi pagkakaunawaan sina BB at Robin dahil sa isyu ay nakikita naman ngayon ng kanilang mga katrabaho ang pagmamahalan ng mag-utol.

“Mabait talagang kapatid si Robin. Alagang-alaga niya sina Rustom at Rommel sa set. Malambing si Robin, may malasakit siya sa mga utol niya. Instead na siya ang alagaan dahil bunso siya, e, si Binoe pa ang maasikaso sa mga kapatid niya,” kuwento ng kanilang staff.

Maraming bagong programa ang TV5 ngayong 2015, karamihan ay puro komedya, dahil ayon na rin sa teaser ng network ay goodbye na muna sila sa drama.

Happy network nga ang TV5.

Gawad Tanghal – Pararangalan sina Bimby Aquino Yap at Nora Aunor

Inilabas na ng pamunuan ng Gawad Tanglaw (Gawad Tagapuring Mga Akademisyan Ng Aninong Gumagalaw) ang mga pangalan ng kanilang mga pararangalan sa kanilang ika-13 taon. Gaganapin ang okasyon sa February 19, alas kuwatro nang hapon, sa University of Perpetual Help salas Piñas City.

Naging panauhin namin Cristy Fer Minute (AKSYON TV-41, 92.3 News FM) ang pangulo ng Gawad Tanglaw na si G. Norman Llaguno.

Isa-isa niyang sinagot nang diretso ang mga tanong ng bayan tungkol sa naging resulta ng botohan para sa mga pararangalan nilang artista sa February 19.

Ang pagta-tie nina Nora Aunor at Angelica Panganiban bilang Best Actress na sobrang ikinaliligaya ng young actress pero kinukuwestiyon naman ng mga tagahanga ng Superstar.

“Naggugol kami nang sapat na panahon para panoorin ang mga pelikulang Dementia at That Thing Called Tadhana. Pati ang ibang lahok, binantayan din namin ang pangganap. Dalawang beses na pinagdiskusyunan ang acting nina Nora at Angelica, pero sa bandang huli, tie pa rin ang score nila,” madiing pahayag ni Mr. Llaguno.

Detalyado at malinaw ang kaniyang tugon sa isyung lumulutang ngayon na binili raw ni Kris Aquino ang espesyal na parangal para kay Bimby Aquino Yap.

Ang kaniyang hatol, “Wala kaming kuneksiyon kay Kris Aquino, hindi kami magkakilala. Ang special award para kay Bimby ay personal kong pinili. Bawat isa sa amin, may kalayaang pumili ng isang personalidad na sa palagay namin ay karapat-dapat at nakauungos sa kaniyang hanay.

“Si Bimby Aquino Yap ang napili kong gawaran ng Natatanging Bata (Bibo, Aktibo at Talentadong Anak ng Sining) award. Noong nakaraang taon, bininyagan siya sa My Little Bossings, lumikha siya ng ingay.

“Sa pagtatapos ng 2014, isinarado niya ang taon sa mahusay niyang pagganap sa Private Benjamin. Ito lang ang kaisa-isang parangal na ako ang pumili, hindi ko iririsko ang aking posisyon at pangalan sa maling pagpili ng pararangalan.

“Basta ang pinag-uusapan sa award, isang karapat-dapat na batang anak ng sining, ngayon pa lang ay pinili ko nang ibigay ang parangal kay Bimby dahil isang araw, hindi na siya bata.

“Noong nakaraang taon, si Ryzza Mae Dizon naman ang pinarangalan namin. Walang kinalaman si Kris Aquino sa parangal kay Bimby. Bibigyan siya ng award hindi dahil sa anak siya ni Kris, kundi dahil karapat-dapat siya at iyon ay dahil sa sarili niyang merito bilang child actor,” malinaw na paliwanag ng pangulo ng Gawad Tanglaw.

Matindi ang kaganapan kapag panahon na ng kanilang deliberasyon. Kani-kaniyang depensa ang mga opisyales at miyembro ng Gawad Tanglaw para sa mga nominado at kung sino ang karapat-dapat bigyan ng parangal.

“Kung minsan ay may nagkakatampuhan, may mga pagkakaibigang medyo tumatamlay, pero sa dakong huli, ang pinakakarapat-dapat pa rin ang tinatanghal na panalo,” pagtatapos ni G. Norman Llaguno.

Sasamantalahin na namin ang oportunidad na ito para personal na pasalamatan ang Gawad Tanglaw sa pagkakatiwala sa amin ng parangal sa mundo ng panulat sa apat na sunud-sunod na taon.

Maraming-maraming salamat dahil ang ganitong parangal ay nagsisilbing inspirasyon para sa mga tulad naming kolumnista na malayang nakapagpapahayag ng aming mga opinyon at pananaw sa aming mga pitak.

Ang pangulo ng Gawad Tanglaw ay si G. Norman Llaguno, binubuo ito ng mga propesor at guro mula sa iba’t ibang kolehiyo at paaralan sa buong Pilipinas.

Editor’s Note: Binabati ng Pilipino Express News Magazine si Tita Cristy Fermin, ang aming Entertainment columnist – na pararangalan ng Gawad Tanglaw bilang – Best Entertainment Columnist (Filipino, female) – (Bandera, Bulgar, Pilipino Star Ngayon) kasama si Alwyn Ignacio (Filipino, male) (Abante Tonite) sa February 19th.

Have a comment on this article? Send us your feedback

Pebrero 1 – 15, 2015


	Jinkee, Manny Paccquiao & Prince Harry (Instagram ni Manny)

	Manny Pacquiao & Floyd Mayweather

	Jinkee Pacquiao

	Paul Soriano & Toni Gonzaga

	Wynwyn Marquez

	German Moreno

Pangulong PNoy – Naghihinanakit ang buong bansa sa pangulo

Matagal-tagal na panahon na rin kaming hindi lumuluha-humihikbi dahil sa pagkamatay ng mga Pilipinong hindi namin direktang kadugo. Ni isang patak ay wala, pero ang lungkot at pakikidalamhati ay sagad hanggang sa buto. Pinakamatigas mang puso ay hindi maaaring hindi lumambot habang marespetong ipinaparada ang mahigit na apatnapung bangkay ng mga minasaker na pulis kamakailan sa Maguindanao.

Pero ang pakikisimpatya ay nahaluan ng galit. Habang sinasaluduhan kasi ng mga opisyal ng ating pamahalaan at pamartsang buhat-buhat ng mga pulis ang mga namatay nilang kahanay ay lumantad ang balita na ang Pangulong Noynoy Aquino ay nasa Sta. Rosa lang pala na hindi kalayuan sa Villamor Air Base, dumalo sa paglulunsad ng mga bagong produkto ng isang car factory.

Napakainsensitibong senaryo. Ang itinuturing na tatay ng mga namatay na pulis, mas inuna pa ang pakikipagbungguang-siko sa mga kapitalista kesa sa magpakita ng simbolikong pakikiramay sa kalunus-lunos na inabot ng mga miyembro ng PNP-SAF.

Buong hapon ng Huwebes (Enero 29) ay naglabas ng saloobin sa social media ang ating mga kababayan. Masasakit na salita ang ipinakain ng mga Pinoy kay P-Noy. Tinawag siyang pangulong walang backbone at anak na nangwasak sa magandang kasaysayang iniwanan ng kaniyang ama.

Para balansehin siguro ang nagngingitngit na kalooban ng ating mga kababayan, lalo na ng mga pamilyang iniwan ng mga pumanaw na miyembro ng PNP-SAF, ay dumalaw si Kris Aquino sa Camp Bagong-Diwa kung saan nakalagak ang mga bangkay ng mga pulis na nilipol sa Maguindanao kamakailan.

Pero mukhang hindi pa nakaganda ang pagdalaw at pagmamagandang-loob ng aktres-TV host. Lalong nag-umigting ang emosyon ng ating mga kababayan kay P-Noy. Wala raw puso ang ating pangulo at siya mismo ang nangwasak sa magandang kasaysayang iniwanan ng kaniyang ama sa ating bayan.

Paano naman maglulubag ang kalooban ng ating mga kababayan at naulila sa ginawa ni Kris? Huwebes nang tanghali, nang lumapag ang tatlong C-130 mula sa Maguindanao na lulan ang mga bangkay ng mga nasawing sundalo, ay hindi man lang sumilip ang ating pangulo sa Villamor Air Base?

Nandoon si Vice-President Jejomar Binay na noong mga oras na iyon ay binibitbit ang kaniyang anak para ikulong sa Senado – pero nagawa pa rin nitong magbigay-pugay sa mga yumaong pulis. Pero nasaan ang pangulo ng ating bayan?

Nandoon din si DILG Secretary Mar Roxas, nandoon ang mga tagapamuno ng kapulisan pero nasaan ang pangulo na dapat sana’y nagbibigay ng simbolikong presentasyon para sa mga bayani nating pulis?

Ipinakita si P-Noy na parang batang paslit na tuwang-tuwang pinagmamasdan ang mga vintage cars sa isang kumpanya ng mga sasakyan. Mas inuna pa niyang bigyan ng importansiya ang mga kotse kesa sa mga labi ng mga pulis na parang manok na pinakawalan sa teritoryo ng mga rebelde.

Ang galit ay mas nadagdagan pa nang buong-ningning na sabihin ng tagapagsalita ng Malacañang na wala raw naman talaga sa schedule ng pangulo ang pagpunta sa Villamor Air Base para magbigay-pugay sa mga namatay na pulis.

Susmaryosep! Ama ng bayan ang pinag-uusapan! Ang itinuturing na tatay ng mga nasawing pulis – pero pinanindigan pa ng mga taga-Palasyo na wala pala talaga siyang intensiyong salubungin ang mga bangkay ng mga pulis na nalipol habang ipinagtatanggol ang seguridad ng ating bayan?

Sinong naulila ang hindi magagalit sa kawalan ng pakialam ng pangulo ng ating bayan sa kaniyang mga nasasakupan? Sinong Pilipino ang hindi maglalabas ng kaniyang saloobin sa ipinakitang kawalan ng respeto at malasakit ng pangulo ng mga yumaong pulis?

Habang nasa Villamor Air Base ang mga bangkay ay nasa Sta. Rosa lang si P-Noy. Wala pang kalahating oras ay mararating niya ang kampo. At dahil pangulo siya ay mas maigsing oras lang ang kailangang gugulin para masaglitan niya ang pagsalubong-pagbibigay-respeto sa mga bangkay.

Napakasakit noon sa kalooban ng mga inulila ng mga miyembro ng SAF.

Malaking problema ngayon kung paano mapipigilan ng Palasyo ang paglalantad ng saloobin ng ating mga kababayan.

Marami pang ibang porma ng paghihiganti ang makikita ngayon sa social media. Mag-isprey man ng pinakamahal na pabango si Pangulong Noynoy ay hindi iyon sasapat para mapawi ang hindi magandang amoy ng kaniyang pangalan ngayon. Hinahanap ng buong bayan ang kaniyang sinseridad at malasakit at ang ipinagkakabanduhan niyang tuwid na daan.

Manny Pacquiao – Inihain ang pangangailangan ng Leyte kay Prince Harry

Nakabando na sa buong mundo sa pamamagitan ng social media ang pakikipag-dinner ng mag-asawang Congressman Manny Pacquiao at Jinkee kay Prince Harry ng London kamakailan. Natural, sa Buckingham Palace sila nagkita at kumain, isang oportunidad na hindi nangyayari kahit sa ibang tagapamuno ng mga bansa.

Manghang-mangha siyempre ang mag-asawa sa tahanan ng mga hari, reyna at prinsipe. Hindi nga naman nila sukat-akalain na mapapasok nila ang Palasyo, kundi sa pagiging sikat na boksingero ni Pacman ay ni hindi nga naman nila malalapitan kahit ang bakod lang ng Buckingham Palace.

Nakakatuwang malaman na naimbitahan lang kung tutuusin ang Pambansang Kamao sa Buckingham Palace pero ang kinauwian ng kanilang pagkukuwentuhan ni Prince Harryay magiging kapaki-pakinabang para sa ating mga kababayan sa Leyte.

Nasundan pala ng prinsipe ang mga balitang lumabas noon sa CNN. Masyado itong naapektuhan sa kaniyang mga nakitang pananalanta ng bagyong Yolanda. Kaya naman nang bumisita sa London si Congressman Manny Pacquiao ay naging sentro ng kanilang usapan ang tulong na maaaring ibigay ni Prince Harry at ng Royal Family sa mga kababayan nating sinalanta ng bagyo.

Tuwang-tuwa siyempre siPacman dahil hindi na kailangan pang manawagan ng ating gobyerno sa iba’t ibang bansa. Sa isang pagbisita lang ng Pambansang Kamao ay malaking tulong na agad ang kaniyang nakalap, pinakamahusay na amabassador si Pacman.

Mula sa London ay lumipad ang mag-asawa papuntang Florida. Isa ang Pambansang Kamao sa mga naging hurado sa Miss Universe pageant na ginanap doon, pinagkaguluhan din si Manny sa eroplano pa lang.

Pero kuwento ng mga kababayan nating nakasabay nila sa flight, “Malapit na silang maiwan ng eroplano, late sila. Akala siguro nila, e, Philippine Air Lines ang eroplano nila.”

Ilang beses na kasing nale-late si Pacman sa pagtse-check-in, may ilang beses na siyang malapit maiwanan ng eroplano, pasalamat na lang siya dahil PAL ang kaniyang airline dahil binibigyan siya ng kunsiderasyon.

“Ang nakakatuwa lang, noong makita siya ng mga pasahero, sa halip na mainis, e, nangatuwa pa! Kani-kaniyang pa-picture na sila kay Pacman. Iba na nga naman ang sikat sa buong mundo!” bawi ng aming source.

Pacman at Floyd Mayweather – Malapit na ang pinakahihintay ng lahat!

Ramdam ng mga kababayan nating tutok sa mundo ng boksing na ang pagkikita kamakailan nina Manny Pacquiao at Floyd Mayweather sa Florida ay bahagi na ng pagpapaingay sa nakatakda nilang salpukan sa lona ilang buwan pa mula ngayon.

Sabi ng isang sports writer na nakakuwentuhan namin, “Hindi lang magaling na promoter si Bob Arum, he’s a very good PR man! Magaling siyang gumawa ng mga senaryo para mapag-usapan ang mga alaga niya!”

Ibig sabihi’y hindi naman pala nagkabulagaan lang sina Pacman at Boy Daldal, planado pala iyon, kaya pala pagkatapos ng Miss Universe ay hindi siya agad umuwi ng Pilipinas.

“Magbilang na lang tayo ng mga linggo at buwan, makikita n’yo, ikakasa na ang salpukang Pacquiao-Mayweather. Pinaiinit lang ‘yan ni Bob Arum dahil history iyon sa mundo ng boxing!” madiin pang komento ng aming kausap.

Jinkee Pacquiao – Mahilig mag-display ang kaniyang mga branded stuff

Maraming pumapansin sa ginagawang pagpo-post ni Mrs. Jinkee Pacquiao sa kaniyang mga branded stuff. Maraming hindi nagagandahan sa kaniyang ginagawa dahil inilalabas iyon ng misis ni Pacman sa isang panahong maraming kababayan natin ang nagugutom dahil sa sunud-sunod na kalamidad.

Kaligayahan na nga sigurong maituturing para kay Jinkee ang ilabas ang kaniyang mga kagamitang milyon ang halaga. Bakit nga naman hindi? Wala naman siyang inaabalang ibang tao sa kaniyang mga kapritso dahil perang pinaghihirapan ng kaniyang asawang boksingero ang ipinambibili niya noon.

Bags, sapatos, relo, mga damit, magsabi kayo ng brand na milyon ang halaga at mayroon noon ang misis ni Pacman. Siya ang paksa noong minsan sa birthday party ng isang negosyanteng bukod na pinagpala.

Kilala ito sa lipunan pero low key, hindi nito ipinagmamalaki ang kung anumang mayroon ang kaniyang pamilya, tahimik lang ang mga ito tungkol sa kanilang pagkabilyonaryo.

Komento ng isang mukhang donyang nasa party, “It only shows one thing. Ngayon lang siya nagkaroon ng mga branded stuff, kaya siya ganyan.”

Dati nga naman kasi ay walang pambili noon ang misis ni Pacman kaya ngayong umaapaw na ang kanilang kayamanan ay sinasamantala lang niya ang pagkakataon.

Maraming nagkokomento na may tamang panahon ang bawat bagay. Hindi masamang ipagmalaki ang ating kaginhawahan pero sana’y itiyempo iyon sa panahong walang masasabi ang iba dahil laganap ang kahirapan sa ating bayan.

Toni Gonzaga at Direk Paul – Nasa tamang edad na para magpakasal

Hindi na malaking isyu kung tutuusin kung totoo mang namanhikan na ang pamilya ni Direk Paul Soriano para hingin ang mga kamay ni Toni Gonzaga sa kaniyang mga magulang.

July ng taong 2007 pa sila naging magkarelasyon, pitong taon at kalahati na silang nagmamahalan, mahabang panahon na iyon para malaman nila kung para nga sila sa isa’t isa.

Hindi na rin bumabata si Toni. Siguradong pinag-uusapan na nila ni Direk Paul kung ilan ang gusto nilang maging anak, kaya kung hindi pa sila magpapakasal sa mga panahong ito at ilang taon pa mula ngayon ay baka mapag-iwanan na sila.

May nakarating na kuwento sa amin na noon pa gustong magpakasal ng dalawa, pero kumontra ang mga magulang ni Toni, dahil marami pa siyang pangakong kailangang tuparin para sa kaniyang pamilya.

Marunong humawak ng pananalapi ang mga magulang nila ni Alex, may building na silang naipatayo at maraming lote na rin sa kanilang subdivision sa Taytay ang nabili nila, iyon siguro ang dahilan kung bakit ayaw pa siyang pag-asawahin ng kanilang mga magulang.

Pero nasa tamang edad na ang singer-actress. Panahon na para magkaroon na siya ng sariling pamilya. Hindi naman puwedeng habampanahon na ang obligasyon niya sa kaniyang pamilya ang palagi niyang prayoridad.

Kayang-kaya siyang buhayin ni Direk Paul, puwede silang magkatulungan, kaya hinog na ang panahon para bumuo sila ng sarili nilang mundo.

BB Gandanghari – Hayaan na, nagpapakatotoo lang

Napanood namin ang unang sultada ng bagong show ng magkakapatid na Padilla sa TV5 noong Sabado nang gabi. Nakakaaliw ang 2 ½ Daddies, sa unang pagkakataon ay masarap panoorin ang magkakapatid na Rommel, BB Gandanghari at Robin Padilla sa isang sitcom. Napapahalakhak kami habang pinanonood sina Robin at Rommel na pigil na pigil ang pagtawa habang nagdadrama si BB.

Bagong putahe ito, maganda ang takbo ng kuwento, tututukan namin ang 2 ½ Daddies tuwing Sabado nang gabi. Manghang-mangha pa rin kami kay BB Gandanghari hanggang ngayon.

Tanggap na ng kaniyang pamilya ang pagbabagong-anyo ng dating si Rustom Padilla, pero parang hindi pa rin kami makapaniwala hanggang ngayon kapag napapanood namin si BB, si Rustom pa rin ang naglalaro sa aming kamalayan.

Pero saludo kami sa kaniya. Hindi madali ang kaniyang ginawang paglalantad sa tunay niyang kasarian, pero pinanindigan niya. Hindi namin inaasahang magpaka-BB Gandanghari rin ang ibang aktor, pero para sa ikatatahimik ng kanilang kalooban, manghingi sila ng payo sa matapang na Padillang ito.

Brusko at lalaking-lalaki si Robin Padilla, pero kapag paninindigan na ang pinag-usapan, itinuturing naming mas matapang si BB Gandanghari na para sa ikatitiwasay ng kaniyang personal na damdamin ay nagbuyangyang ng tunay niyang kasarian.

Sa mga unang pakikipag-usap namin kay BB noong kababalik pa lang niya sa Pilipinas sa bago na niyang anyo ay naaalala pa naming sinabi niya, “Ang hirap-hirap kayang magtago. Iyong alam mong lalaki ang tingin sa iyo ng iba, pero alam mo naman sa sarili mo na hindi ka ganoon.

“Napakaigsi ng buhay, bakit ko pa pahihirapan ang sarili ko and most importantly, bakit ko lolokohin ang ibang tao? Napakahirap kumilos, napakahirap mag-pretend, nagpakatotoo lang ako,” sabi niya na nagpapanunawa.

At sino naman ang hindi makaiintindi sa isang taong nagpapakatotoo lang? Hindi naman tayo dinisenyong perpekto, may mga labis at kulang sa ating buhay, at mismong ang Santo Papa na nga ang nagbitiw ng salitang “Who am I to judge”?

Kris Aquino – Pinatulan na ang mga bashers ni Bimby

Napuno ang dakilang nanay! Madaling unawain kung bakit humulagpos ang bitbit na pasensiya ni Kris Aquino noong isang araw. Malapit siya sa mga becki, marami siyang kaibigang bading, pero nang may tumawag ng “toyab” sa kaniyang bunsong si Bimby na binaligtad na spelling ng bayot o bakla ay nagwala si Kris.

Hindi na iyon usapin ng pagiging bading. Ang mas nangibabaw sa aktres-TV host ay ang pagtatanggol sa walang kalaban-laban niyang anak, pitong taon pa lang kasi si Bimby pero pati ba naman ang child actor ay binabastos na rin sa social media?

Kaya ang hamon ni Kris – kung may gustong mambastos sa kaniyang anak ay gawin iyon nang harap-harapan at hindi sa paraang duwag, nagtatago lang sa likod ng pagiging basher.

Wala na ngang ligtas ngayon sa social media, kahit ano na lang ay puwede nang panghimasukan at pakialaman ng kahit sino, nakikipaglaban ang mga kilalang personalidad sa mga taong ni hindi naman nila kilala nang personal.

Komento ng isang kaibigan namin tungkol sa ikinagalit ni Kris, “Mali iyon, talagang mali ang ginawang kabastusan ng basher kay Bimby dahil walang kalaban-laban ang bata sa panglalait sa kaniya.

“But this should also serve as a reminder to Kris na hindi lahat-lahat ng tungkol sa buhay nilang mag-iina, e, isine-share niya sa publiko. Masyado kasi siyang open, lahat na lang, alam na ng mga tao, wala nang naiiwanan para sa kaniya,” makahulugang komento ng aming kausap.

Pero tama naman ang depensa ni Kris. Kundi niya iyon papansinin ay mawiwili naman ang mga taong walang magawa sa buhay na basta na lang nilalait-lait ang mga personalidad. Isa pa’y walang kapasidad ang kaniyang bunso na ipagtanggol ang sarili sa edad nitong pitong taon lang.

Sa maraming pagkakataon ay hindi namin nahahanapan ng katwiran ang mga ginagawa ni Kris lalo na kapag ang kaniyang lovelife na ang sangkot pero sa ginawa niyang pagtatanggol sa kaniyang anak ay sinesegundahan namin ang kaniyang emosyon.

Pati ba naman isang batang walang kalaban-laban ay ibu-bully? Hindi na nakunsensiya ang basher na iyon, dapat lang itong manghingi ng dispensa, dahil sobrang taliwas na sa kagandahang-asal ang ginawa nito sa anak ni Kris.

Wynwyn Marquez – Pang-beauty pageant ang anak ni Joey at Alma

Ngayon pa lang ay marami nang nag-aabang sa kahihinatnan ng magandang anak nina Mayor Joey Marquez at Alma Moreno sa Bb. Pilipinas. Minamanok na ngayon ng ating mga kababayan si Wynwyn Marquez.

Bata pa si Wynwyn ay marami nang nagpapayo sa kaniya na alagaan ang kaniyang katawan, huwag daw siyang magpapabaya sa kaniyang legs, dahil pang-beauty queen ang kaniyang tindig at itsura.

Nagkaroon ng saysay iyon nang maging teenager na si Wynwyn. Ang ganda-ganda niya, hindi niya nakuha ang itsura ni Ness, pero maganda ang resulta ng kumbinasyon nila ni Mayor Joey kay Wynwyn.

Dalagang-dalaga na ngayon si Wynwyn, puwede nang pakawalan sa rampa, bukod sa kaniyang ganda ay kapansin-pansin din ang kaniyang talino.

May pagmamanahan si Wynwyn dahil ang kaniyang Tita Melanie Marquez ay tinanghal na Miss International, napakagaling din nitong modelo, idagdag pa si Ate Via Hoffman na pang-beauty queen din ang dating.

Palaging sinasabi ni Melanie noon sa kaniyang mga tinuturuang rumampa na lalaban sa international beauty pageant, “Kapag lahat ng mga contestants, e, wine ang hinihingi, ask for milk.” Para raw mapansin ang kalahok, para raw makapang-agaw ng atensiyon ng mga judges, kailangan daw mapaiba ang contestant sa kaniyang mga kasabayan.

Malaki ang inaasahan ng mga nag-aabang kay Wynwyn Marquez, pangalan pa lang niya ay panalung-panalo na, lahat ng katangian ng isang lulutang sa labanan ay hawak ni Wynwyn.

Erik Santos & Angeline Quinto – kung saan sila maligaya, doon sila

Nagbabasa kaya ng mga tabloids sina Erik Santos at Angeline Quinto? Hindi kaya sila naaapektuhan ng mga nasusulat tungkol sa sinasabing pagkakamabutihan nila?

Sa bawat sampung tinatanong namin kung naniniwala ba silang may relasyon sina Erik at Angeline ay isa lang ang maliligaw na naniniwala sa kuwento.

Ang lima ay nagtataas lang ng kilay sa 20th floor, ang apat pang natitira ay nagbabalik ng komento, “Ano ba? Ano bang kalokohan ‘yan? Tantanan na nga nila ang pagpapanggap!”

Ito naman kasing si Angeline Quinto, umaastang parang mauubusan na ng lalaki sa mundo, hawakan lang siya sa kamay ni Erik Santos ay ipinagmamakaingay na niya?

Hinawakan lang siya sa kamay, nakuryente na siya, agad-agad na niyang ikinuwento iyon at ipino-post pa sa social media?

At ito namang si Kris Aquino, sinusulsulan pa ng gas ang nagdidingas nang apoy, huwag daw munang magse-sex sina Erik at Angeline para hindi sila magkaproblema.

Ang pinakamagandang magagawa nina Erik at Angeline para hindi nabibigyan ng ibang kulay at pakahulugan ang sinasabing pagkakamabutihan nila ay magmahalan na lang sila nang tahimik.

Iyong silang dalawa na lang ang nagkakaalaman, iyong hindi na nila ibinabahagi pa sa publiko, para hindi sila nahuhusgahang nagpapanggap lang.

Ngayon, kung totoo ngang magkarelasyon na sila, ano ba ang pakialam ng ibang tao sa itinitibok ng kanilang puso? Eh, ano ngayon kung pinagdududahan ang kasarian ni Erik? Maibibigay ba ng ibang tao ang kaligayahang ibinibigay sa singer ni Angeline?

“Eh, ano rin kung pinagbibintangang tibo si Angeline, may ibang lalaki bang makapagbibigay sa kaniya ng kilig at kaligayahang naibibigay sa kaniya ni Erik?

Dalawang puso lang ang nagkakaunawaan sa larangan ng pakikipagmahalan, dalawang puso lang ang nag-uusap, hindi kasali ang puso at damdamin ng mga miron.

At kung totoo ngang magkarelasyon na ngayon sina Erik Santos at Angeline Quinto, di ibigay na lang natin ang kanilang kalayaan!

Kuya Germs – Dapat umiwas sa stress si Master Showman

Nakakatuwang malaman na maayos na ang kalagayan ngayon ni Kuya Germs. Ito ang unang matinding pagkakasakit ng Master Showman, paniningil ang tawag ng marami sa sitwasyon, dahil sobra-sobrang magtrabaho si German Moreno.

Sa kaniyang edad ngayon, kung ang kaniyang anak na si Federico ang masusunod, ay gusto na nitong magpahinga sa pagtatrabaho ang kaniyang ama.

Wala nang kailangang patunayan pa si Kuya Germs. Markadong bahagi na siya ng mundo ng pelikula at telebisyon. Maraming sikat nang artista ngayon ang ipinanganak sa kaniyang mga programa at sa kaniya nagsimula.

Kaya lang ay pinoproblema rin ni Federico ang lungkot na mararamdaman ni Kuya Germs kapag nagpahinga siya sa pagtatrabaho. Hahanap-hanapin niya ang nakasanayan na niya, siguradong malulungkot siya kapag inilayo siya sa mundong mahal na mahal niya.

Stress ang matinding pinaiiwasan ngayon kay Kuya Germs ng mga taong nagmamahal at nagmamalasakit sa kaniya. Hanggang maaari ay ayaw nilang may intindihin ang TV host. Makasasama iyon sa kaniyang agarang pagpapagaling, na naiintindihan naman ng kanilang mga kaibigan.

Ilaan na lang sana ni Kuya Germs ang panahong ito para sa kaniyang sarili, sobra-sobrang tulong na ang nagagawa niya para sa ibang tao, hinog na hinog na ang panahon para ang kaniyang sarili naman ang unahin niya ngayon. (CSF)

Have a comment on this article? Send us your feedback

Pebrero 16 – 28, 2015


	Kris Aquino

	Ai Ai Delas Alas

	Heart Evangelista

	Cesar Montano & Sunshine Cruz

	Sharon Cuneta

	Ronnel Wolfe

Kris Aquino – Napingasan na ang karisma sa publiko

Sa mga panahong ito ay siguradong andap (read: maingat, takot, guwardiyado) na si Kris Aquino sa pagsasalita-pagkilos dahil napatunayan niya na napingasan na ang kaniyang karisma sa publiko.

Kung dati’y kayang-kaya niyang lusutan ang kaniyang mga kalokahan, ngayon ay kailangan na niyang mag-isip nang libong beses bago siya magdesisyon, dahil nakaabang na sa kaniya ang buong bayan.

Sa isang umpukan ng mga shala, ng mga katulad niyang ipinanganak na may gintong kutsara sa bibig at bukod-na-pinagpala, ay mas masahol pa sa mga nababasa nating komento sa social media laban kay Kris at sa kaniyang kapatid na pangulo ang maririnig.

Doon mo mararamdaman na marami na talagang hindi nagkakagusto sa kanila. Lumutang pa nga sa usapan ang pangalan ni Pangulong-Mayor Joseph Estrada, sana raw ay si Erap na lang ang nanalo noong nakaraang halalan at hindi si P-Noy.

Ito kasi ang matapang na nagpalutang noon ng all out war laban sa MNLF, pulbusin ang mga rebelde, dahil sobra na ang ginagawang kaguluhan ng mga ito sa ating bayan.

May isang napakasosyal pang may edad na babae na nagsabing mas gugustuhin daw nitong si Pangulong-Mayor Joseph Estrada na lang uli ang maupo sa Malacañang. Nagsisisi pa nga ang babae kung bakit ito nakiayon sa pagpapabagsak kay Erap noong 2001, “Wrong move,” sabi mismo ng milyonaryang nag-oopinyon.

Siyempre’y ayaw nila kay Kris Aquino, bigay na bigay na iyon sa kanilang mga komento. Si Kris na ang akala raw sa kaniyang sarili ay sakdal-linis siya para pakialaman ang buhay ng may buhay sa kaniyang mga programa.

“Napahiya siya kay Judy Ann Santos, nakipagbati siya hindi dahil gusto na niyang makipagkasundo kay Juday kundi para iyon sa sarili niya. It’s for her own good, she knows how to play her cards well, alam niya kung kailan siya nananalo at natatalo,” komento pa ng isang nasa umpukan.

Totoong-totoo. Mabentang produkto sa merkado ngayon ang magkapatid na Aquino. Sa grocery, sa palengke, sa mga opisina, sa kahit saan, sila ang pinagpipistahan at ginagawang pulutan.

Matitigil lang ang ganito kapag nalinawan na ni Marya at ni Juan kung sino talaga ang dapat managot sa pagkamatay ng SAF-44. Nagsimula na ang imbestigasyon sa Senado tungkol sa Maguindanao Massacre.

Isa-isa nang titilarin ang mga senaryo. Kung sino ang totoong nagplano sa pagpasok ng mga miyembro ng PNP sa balwarte ng mga rebelde, harinawang managot ang kumabyos sa operasyong ito na kinailangang magsakripisyo nang apatnapu’t apat na buhay ng kapulisan.

Sa pamumuno ni Senador Grace Poe ay masagot sana ang mga tanong ng bayan. Hanggang hindi natutugunan ang kanilang mga tanong ay mananatiling nakataas ang banderang pula ng ating mga kababayan laban sa mga Aquino.

Harinawa.

Ai Ai Delas Alas – Biktima ng pekeng producer

Magpainterbyu man nang maghapon at magdamag ngayon si Jacob Fernandez, ang prodyuser ng kinanselang pre-Valentine concert ni Ai Ai Delas Alas, ay wala nang maniniwala pa sa kaniya.

Naglalabasan na ang mga ebidensiya tungkol sa kaniyang kapabayaan, sa mga salita pa lang ng kampo ni Richard Yap na nag back-out sa show ay tupok na tupok na ang prodyuser. Paano pa kapag nagsalita na ang may-ari ng mga nirentahang equipment para sa concert na ni downpayment lang ay wala rin palang naibayad si Jacob?

Napakalaking kahihiyan ng nangyaring ito para kay Ai Ai. Naturingan siyang Comedy Concert Queen na nagpapaapaw sa mga venue na pinagtatanghalan niya, pagkatapos ay nakansela ang kaniyang palabas nang wala naman siyang kasalanan?

Galit na galit ang mga nakabili na ng tickets para sa concert. Tawag daw sila nang tawag sa numerong ibinigay ng produksiyon para sa refund ng kanilang pera, ring lang nang ring ang phone.

Kailangang panagutan ngayon ni Jacob at ng kaniyang partner na si Faith Cuneta ang lahat ng mga naghahabol. Nasa kanila ang pera at wala kay Ai Ai. Sila ang kailangang magbalik ng pera ng mga ticket buyers na naunsiyami sa hindi pagkakatuloy ng concert.

May mga kinausap pang kolumnista si Jacob noong mismong gabi ng kanselasyon ng show, ayon sa prodyuser ay hiyang-hiya raw ito kay Ai Ai, pero kasabay rin naman iyon ng kaniyang mga dispalinghadong katwiran. Ipinakita pa niya sa mga manunulat ang hawak niyang listahan kuno ng ticket sales para sa palabas.

Ang numerong nasa listahan niya ay 56 lang, isang malaking kalokohan, dahil sa mga kakilala at kaibigan pa lang namin ay milyunan na ang kailangang i-refund nina Jacob at Faith.

Harapin na lang kasi ang totoo na naging iresponsable siya, na nalustay niya ang benta ng concert tickets, na wala naman talaga siyang puhunan at iaasa lang niya ang pambayad sa produksiyon mula sa kaniyang hawak na benta ng tickets.

Inilublob na nga niya sa kumunoy ng kahihiyan si Ai Ai ay mas pinatitindi pa niya ang sama ng loob noong tao sa pangmemenos niya sa kapasidad ng Comedy Concert Queen. Pinalalabas pa niya na ang totoong dahilan ng kanselasyon ay ang mabagal na bentahan ng tickets at hindi ang kaniyang kairesponsablehan.

Kuwento ng isang balikbayan naming kaibigan na mahigit na dalawandaang libong piso ang kailangang makubra mula kay Jacob dahil sa biniling tickets ng kaniyang grupo, “May ibinigay siyang number ng opisina niya for refund, pero wala namang sumasagot. Noong minsang may sumagot, ang sabi naman, e, hindi raw siya si Jacob Fernandez!”

Malinaw na pinagtataguan na ngayon ng prodyuser ang mga nagpapa-refund ng tickets, zero na ang kredibilidad ng prodyuser na ito, palagi po nating tatandaan na ang kaniyang pangalan ay Jacob Fernandez.

Heart Evangelista – Hurt na hurt si Heart

Sa kabila ng napakalaking ngiti sa mga labi ni Heart Evangelista habang naglalakad patungo sa altar ay hindi maikakaila ang matinding kalungkutan ng kaniyang puso.

Iba ang sinasabi ng kaniyang puso kesa sa kilos na ibinibigay ng kaniyang bibig. Pangarap ng bawat bride ang ihatid siya sa altar ng kaniyang mga magulang, isang hiling na hindi niya naranasan nang magpakasal sila ni Senador Chiz Escudero.

Napakatindi nga siguro ng dahilan, sobrang lalim nga siguro ng rason, kung bakit natiis si Heart ng kaniyang mga magulang sa isang napakadakilang araw sa kaniyang buhay bilang babae.

Sa hinaba-haba ng pagbiyahe ni Heart sa pakikipagrelasyon ay sino nga ba ang mag-aakala na isang pulitiko pala ang kaniyang mapapangasawa? Isang mambabatas na may kambal pang anak na itinuturing na rin ngayong supling ng aktres. Mapaglaro talaga ang kapalaran. Si Heart man ay nagugulat pa rin hanggang ngayon sa kinauwian ng kaniyang buhay-pag-ibig.

Paboloso ang paghahanda. Parang reyna ang aktres sa kaniyang gayak. Nakangiti siya habang naglalakad pero kung kukumustahin natin ang kaniyang puso ay siguradong nagdurugo iyon sa sobrang kalungkutan.

Hindi kinaya ng pakiusap ng kanilang mga kaibigan ang mga magulang ni Heart. Hindi pinakinggan ng mag-asawang Ongpauco ang katwiran na minsan lang naman ikakasal ang kanilang anak, naging bingi sa mga paliwanag ang parientes ni Heart Evangelista.

Sabi ng kausap naming dumaan din sa ganoong sitwasyon, “Kapag nagkaanak na si Heart, siguradong lalambot na ang puso ng parents niya. Iba ang milagrong nagagawa ng apo, walang nagagawa ang mga lolo at lolang nagmamatigas kapag nakita na nila ang napakasarap na ngiti ng isang inosenteng sanggol na galing sa sinapupunan ng anak nila.”

Sigurado ang pagmamahal kay Heart ng kaniyang mga magulang. Pride na lang ang umiiral ngayon sa mga ito. Pero kapag nand’yan na ang kanilang apo ay siguradong buburahin na nila ang salitang pride sa kanilang diksiyunaryo.

Sabi, ang mahalaga raw ay nagkatuluyan na sila ng lalaking pinakamamahal niya, iyon na raw ang kukumpleto sa kaligayahan ni Heart. Pero sa kasaysayan ng bawat babaeng nagpapakasal ay may malaking kulang pa rin kapag hindi kasama ng bride ang kaniyang mga magulang sa paglalakad papunta sa altar.

Hurt na hurt pa rin si Heart.

Sunshine at Cesar – Karimarimarim na akusasyon

Sinusulat namin ang paksang ito ay gumagapang ang kilabot sa aming katawan. Imahinasyon pa lang ang gumagana sa amin, hindi pa aktuwal, pero parang gusto na naming tumakbo sa pinakamalapit na banyo para dumuwal nang dumuwal.

Nakaririmarim. Hindi para sa atin ang humusga dahil hindi naman natin nakakasama ang pamilya nang beinte kuwatro oras sa araw-araw, pero nawindang ang publiko sa bagong kasong kailangang harapin ng actor, ayon kay Sunshine Cruz ay nagpaparaos si Cesar Montano sa harapan mismo ng kanilang mga babaeng anak.

Sa dinami-dami ng mga kontrobersiyal na isyu na kinapapalooban ng mga artistang nag-aaway ay pinakamatindi na ang isang ito. Ang lalaki, inaakusahan ng kaniyang misis na gumagawa ng aktong seksuwal sa mismong harapan ng kanilang mga anak, may mas titindi pa ba naman doon?

Dapat lang sumubo ang dugo ng aktor sa pinakabagong akusasyong ibinibintang sa kaniya. Ito na kasi ang ultimo. Wala nang mas sasahol pa sa bintang na ito. Hindi namin alam kung paano tatanggapin ni Cesar ang ginawang ito sa kaniya ni Sunshine.

Pero mas nababagabag kami para sa kanilang mga anak, puro babae pa naman ang magkakapatid na nagsisipag-aral na. Bakit kailangang makaladkad ang pangalan ng mga ito sa bangayang namamagitan sa kanilang mga magulang?

Wala man lang bang nakapagpayo kay Sunshine na sa usaping ito ay ang kanilang mga anak ang masesentro sa kontrobersiya? Iisa lang ang mukha ng tao, hindi tayo nakikipag-usap nang nakatalikod. Wala man lang nagpayo kay Sunshine na sa kagustuhan nitong sirain ang imahe ng kaniyang nakahiwalay na mister ay ang kanilang mga anak ang malalagay sa kahiya-hiyang posisyon.

Wala kaming karapatan para humusga kung totoo ba o imbento lang ang senaryong sinasabi ni Sunshine. Sa magiging epekto lang sa kanilang mga anak ang maaari naming panghimasukan.

Hindi kami malapit kay Cesar Montano, pero sa pagkakilala namin sa aktor ay kumokontra ang aming isip sa ibinibintang sa kaniya ni Sunshine. Malayung-malayo ang kuwento sa nakilala naming imahe ni Cesar Montano.

Sana’y hindi maapektuhan nang todo ang mga bata, sana’y kayanin ng mga ito ang problemang pinagtatalunan ng kanilang mga magulang, pero sila ang nasasakripisyo.

Sana’y binigyan man lang ng kunsiderasyon sa senaryong ito ang mga bata na kailanman ay hindi mabibigyan ng pagkakataong makapamili ng kanilang mga magulang.

Sharon Cuneta – Pumapayat na si Megastar

Isang kasamahan ang nagpasilip sa amin ng mga retrato ni Sharon Cuneta sa kaniyang cellphone. Ipinadala iyon sa kaniya ng isa ring kaibigang madalas na nakakasama ngayon ni Megastar.

Totoo ang mga kuwento ng pagbagsak ng timbang ni Sharon dahil sa mga nakita naming retrato habang nakatayo siya, nakaupo, nagsusulat ng mga cards at nagtatanggal ng mga Christmas décor ay kitang-kita ang malaking ipinayat niya.

Naligaw pa nga kami sa isang retrato. Akala nami’y hindi si Sharon ang kumakaway, pero nang i-zoom-in ng aming kaibigan ang larawan ay napakalinaw ng ebidensiya na ang Megastar nga ang nangayayat!

Humpak na ang kaniyang mga pisngi, may leeg na ang Megastar, ang nagagawa nga naman ng disiplina. At maganda ang kaniyang pagpayat, hindi siya mukhang nagkasakit, blooming na blooming ang Megastar ng bayan.

Ronnel Wolfe – Ex-That’s Entertainment member nakakulong

Bago kami nagpunta sa Primos Cuisine & Lounge para panoorin sina Attorney Ferdie Topacio (na ngayon lang namin nadiskubreng mahusay rin palang jazz singer), Richard Merck, ang Inner Voices at ang idolo naming si Ms. Annie Brazil ay nanood muna kami ng Startalk.

Nainterbyu ng talk show si Ronnel Wolfe, dating miyembro ng That’s Entertainment. May kuneksiyon sa usapin ng droga ang pagkakulong niya sa Pasig City Jail noong taong 2013 pa.

Hindi naman siniraan ni Ronnel ang kaniyang pamilya pero doble ang talim ng kaniyang linyang akala raw kasi ng kaniyang magulang at mga kapatid ay hindi siya matagumpay. Sa pananaw raw ng Panginoon na nakilala na niya ngayon ay hindi siya failure.

Sabi ni Richard Merck, “Limang beses ko na siyang ipina-rehab, pero palagi niya kaming binibigo, bumabalik pa rin siya sa bisyo niya. Magkano ang pagpapa-rehab, daang libo, magastos, pero wala siyang kadala-dala.

“Mangangako siyang magpapakatino na, pero bumabalik pa rin siya sa drugs. Nakakapagod na. Kailangan na niyang matuto ng leksiyon,” nangingilid ang luhang komento ng magaling na musikero.

Napanood ni Annie Brazil ang panayam kay Ronnel ng Startalk. Napapailing siya sa kaniyang mga narinig, ramdam namin ang kaniyang lungkot sa inabot ng kaniyang bunso. Pero ayon kay Ms. Brazil ay tayo ang pumipili at gumuguhit ng ating kapalaran at kinabukasan.

“It’s not true. We gave him all the chances, but he chose this kind of life. We can only give and take so much, he should help himself, it should start from him,” malungkot niyang sabi.

Naalala pa ni Richard, “Noong time na nagkahiwalay kami ni Guy (Nora Aunor), broke na broke ako noon. Umuwi ako sa bahay ng mommy ko, madalas akong paringgan ni Ronnel. Ang sakit-sakit, ‘Mommy, bakit ba hindi mo pa paalisin dito ‘yan, wala namang ginagawa? Pabigat lang sa atin ‘yan!’

“Noong makabangon ako, wala siyang narinig sa akin, ipina-rehab ko siya, kami ni Rachel, nagtulong kaming magkapatid para maisalba siya.

“Awang-awa na kami kay Mommy, nakakaawa na rin si Rachelle na padala nang padala ng panggastos sa rehab niya, but he didn’t learn,” napapailing na kuwento ni Richard.

Sa kaniyang edad ngayon na otsenta’y uno ay humahawak pa rin ng mikropono si Ms. Annie Brazil. Patuloy na nakikipaglaban sa mga paghamon ng buhay. Idinadaan na lang siguro niya sa maemosyong pagkanta ang kabiguan niya kay Ronnel Wolfe bilang nanay.

Have a comment on this article? Send us your feedback

Marso 1 – 15, 2015


	Kris Aquino

	Cesar Montano & Sunshine Cruz

	Julia Barretto

	Gretchen Barretto
	Manny Pacquiao

	Nora Aunor

	Gawad Tanglaw awardees, l-r: Ricky Gallardo, Alwyn Ignacio, Cristy Fermin and Dindo Balares

	Cristy Fermin & Dean Romeo Flaviano

	Xian Lim

Kris Aquino – Hindi na ba bitter kay Mayor Bistek?

Talaga lang, ha? Napakasuwerte naman pala ni Kris Aquino kung totoo ngang niyaya siyang magpakasal noon ni Mayor Herbert Bautista. Pagod na pagod na raw kasi ang aktor-pulitiko sa estado ng kaniyang buhay na nakikipagrelasyon na lang palagi pero wala namang kinauuwiang kasalan.

Ang suwerte-suwerte naman ni Kris kung ganoon dahil may mga anak ang mayor ng Kyusi sa dalawang babae, tatlo pa nga raw sabi ng aming impormante, pero ni paramdam lang ng pagpapakasal ay hindi natikman ng mga ito.

May isang source kaming nakausap na nagsabing parang takot sa kasal ang aktor-pulitiko. Mahilig lang daw itong makipag-flirt-an, pero hanggang doon lang ang lahat.

Pero dahil sa rebelasyon ni Kris na nag-propose sa kaniya ng kasal si Mayor Herbert noong nakaraang taon ay parang pinasinungalingan nito ang kapaniwalaan ng marami na hanggang pakikipagrelasyon lang naman na walang kasalan ang alam ng mayor ng Kyusi.

Ano kaya ang masasabi nina Mayora Tates Gana at Eloisa Matias sa rebelasyon ni Kris? May mga anak sa kanila si Mayor Herbert, pero kahit pabulong lang yata ay hindi naman sila inoperan ng kasal ng ama ng kanilang mga anak, masakit iyon sa pandinig.

Bagay na bagay na scoring sa pagtatapat ni Kris ang piyesang Isang Linggong Pag-ibig ni Imelda Papin, dahil Biyernes nang alukin siya ng kasal ng mayor ng Kyusi, pero pagdating ng Martes ay hiniwalayan na siya ng aktor-pulitiko.

Ayon kay Kris ay ngayon lang daw niya naisipang ipagtapat sa publiko ang kuwento ng pag-iibigan nila ni Mayor Herbert dahil wala na siyang bitterness sa kaniyang puso. Tanggap na raw niya nang buong-luwalhati ang ginawang pangangako ng kasal sa kaniya ng minahal niyang mayor, pero para naman sa mga kababayan natin ay iba ang naging dating ng pagtatapat ni Kris.

Ang tanong, panindigan naman kaya ng aktor-pulitiko ang kuwento ni Kris? Hindi kaya isang araw ay pabulaanan iyon ng mayor ng Kyusi? At pagsimulan na naman iyon ng hindi nila pagkakaunawaan ngayong ipinagmamalaki pa naman ni Kris na magkaibigan pa rin sila ni Mayor Bistek?

Aabangan namin ang kuwentong ito.

Pangulong Noynoy – Pati mga kakampi ni Tita Cory ay kalaban na

Kaliwa’t kanan na ang pagsasama-sama ng iba’t ibang grupo para sa pagbaba sa Malacañang ni Pangulong Noynoy Aquino. Pati ang mga alagad ng simbahan na dating kapanalig ng kaniyang dakilang pangulong ina ay sumisigaw na rin ngayon para sa kaniyang pagbibitiw.

Maaaring walang positibong kauwian ang mga sigaw, pero tanggapin natin ang katotohanan na nakaaalarma ito para sa pamilya Aquino, ni sa panaginip siguro ay hindi inasahan ng magkakapatid na may haharapin pala silang ganitong problema.

Makabuluhan ang kanilang ugat. Bahagi ng kasaysayan ng ating bayan ang kanilang mga magulang. Sino nga ba ang mag-aakala na ang mismong produkto ng kasaysayang iyon ay pinabababa na sa pedestal ngayon?

Siguradong hindi na alam ni Kris Aquino ang gagawin ngayon. Ayaw na rin siguro niyang napapanood ang pag-aalsa ng maraming grupo laban sa kaniyang kuya. Sa kanilang magkakapatid ay ang aktres-TV host ang pinakaapektado ng senaryong ito dahil siya ang pinakamaingay.

Sa pananaw ng mas nakararami nating kababayan ay si Kris ang naging palalo. Siya ang pinakamayabang sa kanilang pamilya, kahit pa sabihing nagpapakatotoo lang naman si Kris.

Nakakalungkot.

Cesar Montano – Masyadong matindi ang bintang ni Sunshine

Windang na windang ang mga nakausap naming empleyado ng isang malaking kumpanya tungkol sa isyung pinagtatalunan ngayon sa husgado ng nagkahiwalay na mag-asawang Cesar Montano at Sunshine Cruz.

Sanay na sanay na raw sila sa mga kuwentong-showbiz, pero itong kina Buboy at Shine ang itinuturing nilang pinakamatindi, dahil pati ang kanilang mga anak ay kaladkad sa matinding kontrobersiya.

Tanong ng isang kausap namin, “Hindi muna kaya nag-isip si Sunshine bago niya kinasuhan si Cesar ng ganoon katindi? Imagine, napakalakas lang ng loob ng isang babaeng makagagawa ng ganoong bintang sa mister niya!

“Sa isang tulad ko na hindi naman nila kasama 24 hours a day, e, hindi ko paniniwalaan ang mga accusation ni Sunshine, mas paniniwalaan kong hindi kayang gawin ni Cesar ang ibinibintang niya, pero who knows,” sabi nito.

Madiing bintang ni Sunshine ay nagsumbong ang mga babae nilang anak ni Cesar sa kaniya na nagpaparaos ang aktor sa mismong tabi ng kanilang mga anak.

Matindi ang pagtanggi ng aktor sa isinampal na kaso sa kaniya ng aktres, ni sa hinagap daw ay hindi niya kayang gawin ang ibinibintang ni Sunshine, hinding-hindi.

Nabaligtad na ang mga baraha ngayong nagsalita na si Cesar. Lumalabas sa kaniyang mga pahayag na may pinag-uugatan ang usaping ito. Masakit lang sa pandinig pero ang direksiyon ng akusasyon ng aktres ay tungkol sa mga ari-ariang dapat nilang paghatian.

Hindi na ito usapin ng kung sino ang nagpakahirap para sila makapagpundar. Sa legalidad ay conjugal properties ang anumang mayroon sila ngayon. Tinumbok ni Cesar nang sapul na sapul kung bakit siya inakusahan ni Sunshine ng isang bagay na sumusumpa siyang hinding-hindi niya magagawa.

Pinakamataas na antas na kasi ng kahayupan ang bintang na ibinato ni Sunshine laban kay Cesar, ang pagpaparaos sa harapan mismo ng kanilang mga anak na babae pa naman, isang aksiyon na kung gustong gawin ng lalaki ay nagsasarado pa siya ng kuwarto o CR para walang sinumang makakita.

Kung sana’y may imahe ng pagiging exhibitionist si Cesar Montano, sa ganoong senaryo ay hindi na kailangan pang kasuhan ni Sunshine ang kaniyang asawa, sa husgado pa lang ng bayan ay talo na si Cesar.

Pero kahit sa balitang pambababae ni Cesar ay hindi siya maingay. Wala siyang kinukumpirma sa publiko dahil hindi siya madaldal. Kaya malayo sa katotohanan para sa mas nakararami ang akusasyon ng aktres na sa mismong harapan ng mga anak nilang babae ay nagpaparaos ang kanilang tatay.

Ayon kay Cesar ay ibinibigay na niya ang lahat-lahat ng mga ari-ariang gustong makuha ni Sunshine. Hindi na sila magtutuntunan kung sino ang nagpakahirap para maipundar nila ang kanilang mga paghahatian, pero sana’y hindi na kinaladkad pa ni Sunshine ang mga inosente nilang anak sa labang ito.

Habang dinidinig ang kaso ay nagdurusa ang mga bata, pinagpipistahan ang kanilang bubot pang buhay. Pati silang magkakapatid ay hindi nasalba sa sukdulang sigalutan ng kanilang mga magulang.

Napakatindi ng magiging epekto noon sa kanilang mga anak na babae. Magbabago ang sukat ng kanilang mga damit at sapatos, magdadalaga sila at magsisipag-asawa, pero hinding-hindi mabubura sa kasaysayan ng kanilang pagiging bata ang sukdulang kahayupang ibinato ng kanilang ina laban sa kanilang tatay.

Julia Barretto – Kailangang isalba ang career

Palaging may hatid na saya ang pagkakasundo ng mga personalidad na hindi nagkakaintindihan. Iba ang dating noon, sa wakas ay natapos na rin ang kanilang problema, napakaliit pa naman ng mundo ng showbiz na iniikutan nila.

Ang pinagpistahang problema ng mag-amang Dennis Padilla at Julia Barretto ang pinag-uusapan ngayon dahil sa retratong ipinost ng batang aktres na senyal ng pagkakasundo nilang mag-ama.

Masarap sa pandinig iyon, lalo na’t magkadugo pa naman sila. Sino ba naman ang hindi matutuwa sa pagbabati ng mga taong may direktang kaugnayan sa bawat isa?

Pero dahil mga kilalang personalidad ang sangkot sa magandang balitang ito ay natural lang na mahati ang opinyon ng mga kababayan nating nakatanaw nang malayuan sa mag-ama. May nabuo na agad na opinyon tungkol sa kanilang pagkakasundo na ang pilantik ng pagpuna ay nakay Julia.

Sa kanilang pananaw ay walang ibang pamimilian ngayon ang anak kundi ang makipagkasundo sa kaniyang tatay. Ramdam na kasi ni Julia ang matinding epekto ng kawalan niya ng respeto kay Dennis, magiging mailap para sa dalaga ang inaasinta niyang magandang pangarap at karera.

“Magde-debut pa siya, may gagawin pang birthday special niya ang ABS-CBN, kaya kailangan niyang makipagkasundo sa tatay niya para maging makinis ang atake nilang mag-ina.

“Sa ayaw at sa gusto nina Marjorie at Julia, kailangang may participation si Dennis sa debut ng anak nila, or else!” pahimakas ng kaibigan naming propesor.

May mga kompromiso ang buhay. Kahit pa tinatanggihan ng ating sikmura ang isang desisyon na kailangan nating gawin ay sukol na sukol tayo sa pader sa ngalan ng imahe, sa ngalan ng mga pangarap na ating inasinta.

At may kasikatang sinusungkit si Julia Barretto. Paano mapapasakaniya ang popularidad kung ang naglalaro sa utak ng ating mga kababayan ay isang anak siyang walang respeto sa kaniyang magulang?

Sa bansang ito pa naman, napakahalaga para sa atin ng paggalang ng anak sa mga taong naging dahilan kung bakit siya isinipot sa mundo. Kapos man ang tatay o nanay sa mga katangian ng pagiging magulang ay hindi tayo napapagod sa pagpalakpak para sa mga anak na marespeto at marunong magpahalaga at magbigay-galang sa kaniyang mga magulang.

Gretchen Barretto – Sa London na nakatira, malayo sa intriga

Matagal-tagal din kaming nagkakuwentuhan ni Gretchen Barretto noong gabi ng parangal ng Gawad Tanglaw. Napakasimple niya, isang asul na palda lang ang kaniyang suot, tinernuhan niya iyon ng berdeng blouse.

Pinatunayan lang ni Gretchen na ang sopistikadang babaeng tulad niya, pagsuutin mo man ng basahan ay maganda pa rin, magmumukhang branded pa rin ang suot.

Halos wala siyang make-up, pero ang kagandahan ni Gretchen ay lutang na luting. Palagi raw siyang bumibiyahe papuntang London kaya haggard pa siya nang lagay na iyon.

Kumukuha ng kursong fashion design ang kaniyang anak na si Dominique. Hindi niya kayang malayo sa kaniya ang dalaga, kaya tatlong linggo siyang namamalagi sa London at dalawang linggo naman siyang nandito sa Pilipinas.

“Tony stays in London na rin, magkakasama na kami doon, nandito lang ako kapag may project na hindi ko matanggihan dahil gusto ko ang role,” kuwento ni Gretch.

Wala silang bahay sa London, sa hotel lang sila naninirahan, magastos pero mas maganda pa rin daw ang ganoon.

“Una, sobrang mahal ng bahay sa London. Tapos, ano ang gagawin namin sa house kapag natapos na sa studies niya si Dominique? So, sa hotel na lang kami,” walang kayabang-yabang na komento ng magandang aktres.

Natural lang na hindi namin mapalalampas ang tanong tungkol sa pinagpipistahan nang kuwento ng away nila ng kaniyang kapatid na si Marjorie. Isang malakas na tawa agad ang isinagot niya sa amin.

Sa kaniyang estado raw ngayon ay puro positibong bagay na lang ang binibigyan niya ng halaga. Aminado si Gretchen na hindi na siya bumabata, kaya umiiwas na siya sa mga negatibong senaryo.

Wala raw iyong tungkol sa kanila ni Marjorie, petty lang ang dahilan noon na puwede nang palampasin. Ayaw na niyang magsalita pa tungkol doon dahil napakababaw lang ng kung anumang hindi nila pinagkakasunduang magkapatid ngayon.

“Basta ako, inalis ko na ang lahat ng galit sa puso ko. Kahit kanino, kahit sa mga taong nanakit nang matindi sa akin noon, life is too short para bigyan ko pa ng space ang anger sa puso ko.

“Positive lang ako palagi, puro magaganda lang, para magaganda rin ang mangyayari sa buhay ko. When you stop chasing the wrong things, you give the right things to chase and catch you,” makahulugan pang sabi ni Gretchen.

At nakikita naman iyon sa kaniyang aura. Bukod sa napakaganda na niya ay maaliwalas pa ang kaniyang dating. Noong paakyat na siya sa entablado para tanggapin ang parangal sa kaniya ng Gawad Tanglaw ay kitang-kita ang pagsunod ng tingin sa kaniya ng lahat ng mga nadadaanan nya, mapang-agaw ng atensiyon ang kaniyang presensiya.

At bago siya umalis ay matindi ang kaniyang bilin, “Let’s text. Ituloy natin ang kuwentuhan, gusto kong magkita tayo bago ako bumalik sa London.

“Tawanan natin ang nakaraan,” sabi pa ng magandang aktres kasunod ang markadong halakhak na kaniyang-kaniya lang.

Pacman vs. Mayweather – Natupad din ang hiling ng mga fans

Sa mismong kolum na ito, noong mga nakaraang linggo pa, ay sinulat na naming tuloy na tuloy ang salpukang Manny Pacquiao vs. Floyd Mayweather, Jr. sa May 2 salas Vegas.

Habang deny nang deny pa noon ang magkabilang kampo tungkol sa nakatakda nilang laban ay nakatanggap na kami ng impormasyon mula sa aming kaibigang matagal nang naninirahan sa Amerika na kumpirmado na ang engkuwentro sa ring nina Pacman at Boy Daldal.

Ang kaniyang kuwento, noon pa lang ay nakikipagtransaksiyon na ang produksiyon ni Bob Arum, ang kanilang promoter, tungkol sa presyo ng ads para sa pinakahihintay na laban nina Pacman at Mayweather.

Tuloy na tuloy na ang upakan, pagdidiin pa ng aming kaibigan, dahil presyuhan na ng ads ang pinag-uusapan doon. At heto na nga, noong isang araw ay kinumpirma na nina Pacman at Mayweather ang kanilang pagtutunggali sa lona sa MGM Grand Hotel salas Vegas sa darating na May 2. Wala nang urungan ito.

Napakatagal na panahon nang pinaplano ang kanilang laban pero maraming kaartehan si Mayweather, marami itong hinihingi, kaya pati si Pacman ay naiinis na rin.

Pagyayabang pa ni Mayweather ay nakatakda na raw ang pagpapatumba nito sa ika-apatnapu’t walong boksingerong makakatunggali sa gitna ng lona. Asang-asa ang madaldal na boksingero na basta-basta na lang nito mapatutumba ang Pambansang Kamao, pero maganda ang pagtanggap ni Pacman sa pagkahambog nito.

“The Lord will deliver him into my hands,” simpleng sabi lang ni Pacman, sabay ngiti.

Nora Aunor – Sumulpot sa Gawad Tanglaw awards

Hindi na pala inaasahan ng mga tagapamuno ng Gawad Tanglaw ang pagdating ni Nora Aunor na tinanghal na pinakamahusay na aktres para sa pelikulang Dementia.

Iyon pala ang dahilan kung bakit mayroon nang tumanggap ng kaniyang award sa mga unang bahagi ng programa. Pero biglang dumating ang Superstar, nagkagulatan ang mga nandoon, dahil ang alam ng mga ito ay hindi na siya darating.

Ang unang ibinigay na dahilan ng kampo ni Nora ay masyado raw mabilisan ang imbitasyon. Hindi raw puwede sa aktres ang mga ora-oradang pasabi. Isang malaking kalokohan dahil Disyembre pa lang noong nakaraang taon ay inilabas na ng pamunuan ng Gawad Tanglaw ang mga katangi-tanging personalidad at proyektong pararangalan nila.

Mayroon ding ibinigay na dahilan ang kampo ng Superstar na hindi siya makadadalo dahil nagdedelikado ang kaniyang buhay. Mayroon daw nagtatangkang pumatay sa kaniya, kundi man ipapapapatay siya, kaya dobleng pag-iingat ang ginagawa niya ngayon para sa kaniyang seguridad.

Pero dumating si Nora Aunor sa Gawad Tanglaw. Umakyat siya sa entablado para pasalamatan ang mga akademisyan na bumubuo sa organisasyong nagbibigay ng mga parangal, matagal pa nga siyang nagsalita sa entablado.

Sayang daw dahil wala siyang boses, kakantahan daw sana niya ang mga nandoon kung kaya pa niyang kumanta, ayon pa sa Superstar.

Gawad Tanglaw – Successful ang gabi ng awards

Sa lahat ng mga award-giving bodies ay pinupuri namin ang kasimplehan, pero napakaayos na pagbibigay-parangal ng Gawad Tanglaw.

Ito ang grupong kinabibilangan ng mga akademisyan, mga propesor at guro mula sa iba-ibang kolehiyo, pero may hawak silang karapatang humusga sa mga katangi-tanging artista dahil tumututok sila sa pagrerebyu-panonood ng lahat ng mga lahok sa proyekto-pelikula-serye sa telebisyon.

Noong nakaraang February 19 ay ginanap ang pamamahagi ng parangal ng Gawad Tanglaw sa University of Perpetual Help. Nasa ika-13 taon na sila sa pagbibigay-halaga sa mga napipisil nilang proyekto-personalidad. Naging maayos ang selebrasyon tulad nang dati.

At halos isandaang porsiyento nilang naparating ang mga binigyan nila ng parangal. Malalaking artista ang nagpahalaga sa Gawad Tanglaw. Nakita namin sina Gretchen Barretto, Piolo Pascual, Coco Martin, Richard Gomez (kasama ang napakaganda niyang misis na si Cong. Lucy Torres-Gomez), Nora Aunor, Julia Montes, Keempee de Leon, Angelica Panganiban, Allen Dizon, Martin Escudero, Angel Locsin at marami pang ibang maniningning na bituin.

At nais din naming pasalamatan ang Gawad Tanglaw sa ikaapat na pagkakataon na nilang pagpapahalaga sa aming propesyon bilang manunulat sa wikang Pilipino.

Xian Lim – Suplado, maldito, maangas, takleso

Pati si Kim Chiu na wala namang kinalaman sa ginawang pagmaldito ni Xian Lim sa Albay ay nakakatikim ngayon ng pagkastigo ng ating mga kababayan sa social media.

Ang sabi kasi ni Kim, na karelasyon daw ni Xian kahit wala namang naniniwala, ay hindi raw dapat agad-agad na humuhusga ang mga taong wala naman sa mismong pangyayari.

Natural lang na idepensa ni Kim si Xian dahil sa kanilang loveteam. Alangan namang ito pa ang magdiin sa supladong aktor, di lalong tumimbuwang sa kaniyang upuan ang hunk actor na ginagawa nang pulutan ngayon sa social media?

Tustado na si Xian sa social media. Kung nakamamatay ang masasakit na salita ay pinaglalamayan na ngayon ang aktor-aktorang ito. Wala siyang pinipiling lugar at panahon sa kamaldituhan. Iyan ang napala niya, ang pakainin siya ngayon ng apdo ng mga Bicolano.

Suplado, maldito, maangas, takleso. Ganoon ang imahe ni Xian. Paulit-ulit na lang siyang laman ng mga kuwento tungkol sa kaniyang kamaldituhan. Noong minsan nga ay nakita siya ng anak ng aming kaibigan sa NAIA. Noong makita niyang papalapit sa kaniya ang dalagita na inakala siguro niyang magpaparetrato sa tabi niya, bigla siyang nagtulug-tulugan.

Nagtangkang isalba ng kaniyang network si Xian. Isang magandang hakbang iyon, pero talung-talo si Xian sa pag-oopinyon ng mas nakararami dahil hindi lang naman ito ang unang pagkakataong nagpalutang ng hindi kagandahang ugali ang binata.

Matagal nang kuwento ang kaniyang kaangasan, ilang beses na ba siyang nauupakan dahil sa pagsusuplado niyang wala sa lugar. Kaya labhan man nang labhan ng kaniyang istasyon ang imahe ni Xian ay para lang silang nagsalita sa mga bingi.

Dahil sa senaryong ito ay kailangan nang magnilay-nilay ng aktor na sa totoo lang ay wala pa namang napatutunayan sa pag-arte, kaniyang-kaniya na nga ang proyekto ay umaalpas pa, dahil magiging malaking cause of delay lang siya sa trabaho.

Paminsan-minsan ay maganda ang ganito na nabubulgar ang lantad at tagong ugali ng mga artista. Malaki ang utang na loob nila sa publiko, sa mga tagahangang makapagparetrato lang sa tabi nila ay maligaya na, ang kaginhawahang natitikman nila ngayon ay mula sa suportang ibinibigay sa kanila ng taumbayan.

Milyon ang kanilang kinikita. Kasali sa deskripsiyon ng kanilang trabaho ang pagiging magiliw sa publiko, iyon ang presyong kailangan nilang ibalik sa mga sumusuporta sa kanilang karera.

Have a comment on this article? Send us your feedback


	Norman Aceron Garcia

UPAA-MB elects new board members

By Nikki Mailom, UPAA-MB

The University of the Philippines Alumni and Associates in Manitoba, Inc. (UPAA-MB) recently elected its new board members. They are: Chairperson Norman Aceron Garcia; Secretary Lourdes Casañares; Treasurer Jeremy Malana; Membership committee head Mervin Maramag; Fundraising committee head Mei Villafania; Social Responsibility committee head Pauline Meier; and Information and Communication head Nikki Mailom.

The new officers will continue to lead the association’s fundraising and social events, seminars, and volunteer work from 2015 until the end of 2016. For the past four years, UPAA-MB’s projects have reflected the importance that the association places on higher learning and giving back to the Manitoban community, fellow Filipinos in Winnipeg and the Philippines. This year, the board of directors will also focus on empowering its members and strengthening the familial ties within the association.

UPAA-MB has also recently awarded honorary membership to University of the Philippines graduates in Winnipeg who have rendered outstanding service and support to the University of the Philippines, UPAA-MB and the Filipino community in Manitoba.

The awardees:


Flor Marcelino	Orlando Marcelino	Perla Javate	Emmie Joaquin

Minister Flor Marcelino – The first woman of colour and first female of Filipino descent elected to the Manitoba Legislative Assembly in 2007. She was Minister for Culture, Heritage and Tourism in 2009, re-elected as MLA for Logan on October 4, 2011, and is currently the provincial Minister for Multiculturalism and Literacy. She was taking a communications graduate program at University of the Philippines before her family immigrated to Winnipeg in 1982. Flor supported a UPAA-MB’s fundraising project in 2014 that funded the bursary sent to UPV-Tacloban students directly affected by the Typhoon Haiyan, locally known as Typhoon Yolanda.

Mr. Orlando Marcelino – Currently serves as the Honorary Consul General of Philippine Consulate General. Orlando “Orli” Marcelino also supported UPAA-MB’s fundraiser in 2014. Orli earned his degree of Bachelor of Fine Arts, Major in Visual Communication at the University of the Philippines (Diliman). Orli is known for his selfless dedication and commitment to providing consular services to Filipino immigrants, permanent residents, and citizens in Manitoba.

Ms Perla Javate – President of the Philippine Heritage Council of Manitoba, Inc. (PHCM), which will again lead the weeklong festivities of Philippine Heritage Week in June 2015. Perla is the Community Liaison Officer at Winnipeg School Division and also a volunteer at the Mount Carmel Clinic and the Sexuality Education Resource Centre. She was a recipient of the Queen’s Diamond Jubilee Medal and Queen’s Golden Jubilee Medal for her support to the community. She also graduated from the University of the Philippines (Diliman) with a degree in Social Work. Perla supported UPAA-MB’s fundraiser in 2014.

Ms Emmie Joaquin – President and Editor-in-Chief of The Pilipino Express news magazine and an advisor with the The Wealth Planning Group. She earned her Bachelor of Arts degree in Broadcast Communication fromthe University of the Philippines (Diliman). Emmie was also a recipient of the Governor General’s Queen Jubilee Medal in 2002 and the Queen’s Diamond Jubilee Medal in 2012 for her community service. She pioneered the Filipino programming on the ethnic radio station CKJS in 1989, and produced and hosted radio shows until 2003. Emmie has consistently supported the UPAA-MB and its projects since the association’s early years.

Have a comment on this article? Send us your feedback.

Marso 16 – 31, 2015


	Kris Aquino

	Cesar Montano

	Manny Pacquiao

	Vilma Santos

	Nora Aunor

	Willie Revillame

	Lea Salonga

	Claudine Barretto

	Marjorie Barretto

	Gretchen Barretto

Kris Aquino – Pinayuhang itikom muna ang bibig for damage control

Mukhang nagkaroon ng sabunan kamakailan kaya tahimik ang mundo ngayon ni Kris Aquino. Kung paniniwalaan ang mga impormanteng nagkukuwento ay mukhang iniupo ng isang grupo ang bunsong kapatid ng pangulo para huwag na munang makisawsaw sa matinding indultong pinagdadaanan ng kaniyang kuya ngayon.

Lumalala kasi ang sitwasyon. Naghahari pa ang galit ng sambayanan sa naganap na pagkalagas ng buhay ng SAF 44, kung susulsulan pa iyon ng mga salitang hindi hinihingi ng panahon ay mas magagalit sa kanilang pamilya ang publiko.

Nitong mga huling linggo kasi ay gumagawa ng paraan si Kris para kahit paano’y mabawasan ang galit ng mga kababayan natin kay P-Noy – pero mukhang wala sa timing ang mga atake ni Kris – sa halip na mabawasan ay lalo pa niyang pinag-init ang sitwasyon.

Kahit sa panaginip nga lang siguro ay hindi inasahan ng magkakapatid na ganito ang kauuwian ng termino ni P-Noy sa kaniyang mga huling buwan.

Ang mabango nilang pangalan ay nabahiran ng kakaibang amoy. Ang kasaysayang iniwanan ng kanilang mga magulang ay napingasan, kaya pikon na pikon na sila ngayon.

Pero kung kilala nga natin si Kris Aquino ay hindi siya basta-basta mauupo lang at mananahimik. Gagawa at gagawa siya ng paraan para makatulong sa hindi kagandahang imahe ngayon ng kaniyang kapatid. Peksman-sumpa man.

Siya na mismo ang nagsabi na buung-buo sila at nagmamahalan. Solido ang kanilang samahan, kaya hindi magtatagumpay ang mga sektor ng ating lipunan na nagbabagsak sa kanilang pamilya.

Cesar Montano – Lumiit ang mundo dahil sa bintang ni Sunshine

May mga pagkakataon palang may kailangang puntahan si Cesar Montano na hindi natutuloy. Lalo na kung pampubliko ang lugar, asahan nang hindi siya darating. Sagad hanggang buto pala ang pagkapahiyang inabot ng aktor sa pinakahuling akusasyon laban sa kaniya ni Sunshine Cruz.

Kuwento ng aming source, “May aanakin siya sa binyag, gustung-gusto niyang um-attend, pero nagdadalawang-isip siya. Humihingi na lang siya ng dispensa sa family ng bibinyagan, nagpapadala na lang siya ng regalo, hindi na lang siya nagpupunta.”

Ito na nga naman ang pinakamatinding bintang na maaaring ipukol laban sa isang ama – ang palabasin siyang bastos – walang respeto pati sa kaniyang mga anak para lang maisakatuparan ang kaniyang personal na kaligayahan.

Pero ayon naman kay Sunshine ay hindi nito inimbento lang ang mga kuwento. Mismong mga anak nila ang nagsabing nagparaos siya sa harap ng mga bata. Isang istoryang isinusuka ng magaling na aktor.

Komento pa ng isang malapit kay Cesar, “Awang-awa ako kay Buboy. Para siyang nagtatago ngayon sa kahon. Lumiit ang mundo niya dahil sa ibinibintang sa kaniya ni Sunshine.

“Okey lang siguro kung pagiging babaero niya ang issue, e. Kaya pa niyang palampasin iyon. Pero iyong kuwentong sa harapan mismo ng mga anak niya, e, nagparaos siya? Wala na nga namang mas bababoy pa doon!”

Manny Pacquiao – Gustong bilhin ang bahay ni JLo sa L.A.

Sino nga ba ang mag-aakala na ang dating tindero ng pandesal sa GenSan ay makikipagtawaran pala ngayon sa bahay ng sikat na Hollywood actress-singer na si Jennifer Lopez?

Five hundred fifty million pesos lang naman ang halaga ng bahay na binibili ni Congressman Manny Pacquiao. Mansiyon kung mansiyon, karagdagan lang iyon sa matagal na niyang nabiling bahay sa Hollywood at sa maraming pintuan ng apartment sa Los Angeles, California.

Totoo ang kasabihan na kung saan tayo pinagdamutan ng kapalaran ay doon tayo bumabawi kapag mayroon na tayong kapasidad. Bahay ang tutok ng atensiyon ni Pacman dahil lumaki siya sa isang maliit na bahay.

Sa kaniyang pagkukuwento noon, “Sa dami naming magkakapatid, kahit sa ilalim ng mesa, mayroong natutulog. Bago ka makapunta sa banyo, marami kang hahakbangan, kasi nga, napakaliit ng bahay namin kaya nagsisiksikan kami.”

Ang nabili niyang bahay sa Hollywood ay paboloso, malapit lang iyon sa Griffith Park kung saan siya tumatakbo tuwing umaga kapag sagaran na ang kaniyang training, malapit lang din iyon sa Wild Card Gym na lugar ng kaniyang pag-eensayo.

Mga kamag-anak niya ang nag-aalaga sa bahay nila sa Amerika – mga pinsan ni Mommy Dionisia. Minsan ay makikita na lang nila si Pacman na nakaupo sa pinakamataas na baitang ng mataas na hagdan sa sala.

Kuwento ni Manay Lilia, pinsan ng ina ng Pambansang Kamao, “Doon siya palagi nakaupo. Wala lang, pinagmamasdan lang niya ang buong bahay. Naiisip siguro niya, napakabait sa kaniya ng Diyos, dahil saan ba naman siya nanggaling?

“Areglado ang bahay ni Manny, ayaw niya sa makalat na bahay, lalong ayaw niyang nakikitang basa ang sahig. Malinis siya,” papuri ng tiyahin sa kaniyang pamangking kampeong boksingero.

Iyon ang literal na katas ng kamao. Natupad ang lahat ng kaniyang mga pangarap dahil sa pakikipagdurugan niya ng mukha at katawan sa gitna ng lona.

Vimanians – Hindi kasing-insecure ng mga Noranians

Hindi kailanman kaiinsekyuran ng mga tagahanga ni Governor Vilma Santos ang sunud-sunod na pananalo ng parangal nitong mga huling buwan ng Superstar na si Nora Aunor.

Maluwag sa loob nilang tinatanggap iyon dahil una, hindi naman ang Star For All Seasons ang kalaban ni Nora. At kung maka-grandslam man ang Superstar ay walang-wala pa ring problema iyon sa mga Vilmanians.

Nakakatatlong grandslam na si Governor Vilma. Walang makapaplakado sa parangal na inabot na ng aktres, kaya kung magkaroon man ng ganoong parangal si Nora Aunor ay walang problema sa mga tagasuporta ng Star For All Seasons.

Kani-kaniyang atake lang ang mga tagahanga ng noon pa man ay itinuturing nang magkaribal na aktres. Ang malaking pagkakaiba lang ng dalawang grupo ay propesyonal ang ginagawang pakikipaglaban ng mga Vilmanians sa kanilang idolo.

At hindi rin sila puro kiyaw lang, hindi sila puro kuda-kuda lang, talagang sinusuportahan nila ang mga ginagawang pelikula ng kanilang idolo. Hindi lang awards ang tinatanggap ni Governor Vilma, masarap na marka rin sa takilya, isang katotohanang hindi kayang pagsabayin ng mga Noranians dahil hindi nakikita ang suporta nila kay Nora sa box office.

Ang mga Vilmanians ay nag-iingay rin, pero kasabay ng kilos ng kanilang bibig ang maalab na suporta sa takilya para sa kanilang nag-iisang Ate Vi, hindi pinu-pullout ang pelikula ng kanilang idolo dahil panalung-panalo sa box office.

May kasabihang “Tell me who your idol is and I’ll tell you who you are.” At sa kaso ng mga Vilmanians, kung gaano kapropesyonal ang kanilang idolo ay ganoon din sila. Naipagtatanggol ng mga Vilmanians ang kanilang idolo nang hindi sila namemersonal-nambabastos.

Willie Revillame – Malapit nang bumalik sa TV

Hindi na puwedeng itago sa kahon ang nagbabadyang pagbabalik-telebisyon ni Willie Revillame. Lahat ng mga positibong senyales ay lumulutang na. Magsalita man o hindi si Willie ay mismong taga-GMA-7 na ang kumukumpirmang sa kanilang bakuran muling mapapanood ang programa ng aktor-TV host. Done deal na kung ilarawan iyon ng mga may nalalaman tungkol sa nagaganap na transaksiyon.

Time slot na lang ang pinag-uusapan, pero siguradong-sigurado na ang pagbabalik ni Willie. Ngayon pa lang ay sabik na sabik na sa kaniya ang mga kababayan natin lalo na ang mga lolo at lola dito at sa iba’t ibang bansa man na siya ang itinuturing na gamot sa kalungkutan.

Pero ang pinakamagandang balita sa pagbabalik ng makarismang aktor-TV host ay ang suportang ibinibigay sa kaniya ni Joey de Leon. Isang buhay na patotoo ang senaryong ito sa kasabihan na napakaliit lang ng mundo ng showbiz para mag-away-away pa ang mga personalidad. Ang hindi nagkakasundo noon ay puwede pa ngang maging magkaibigang karnal, tulad ng kuwento nina Willie at Joey de Leon.

Sutil lang si Joey, pero hindi ito maramot, lalong wala sa kaniyang bokabularyo ang insekuridad. Sa kaniyang pagiging henyong komedyante, musikero, pintor, kompositor at manunulat ay ano pa nga ba naman ang kailangang patunayan at kainsekyuran ng isang Joey de Leon?

Kaya sa mga sobrang nakaka-miss na sa linyang “Bigyan ng jacket ‘yan!” at “Ayokong nakikitang nalulungkot kayo, kaya bigyan nang limang libong piso ‘yan!” Ang paghihintay ay sandaling-sandali na lang. Ilang tulog at gising na lang at maraming buhay na naman ng mga kapuspalad nating kababayan ang magbabago. Babalik na si Willie Revillame!

Leah Salonga – Bakit kaya may galit sa mga bumibirit?

Nagiging nega ang dating ngayon ni Leah Salonga sa ating mga kababayan dahil sa walang preno niyang pagpo-post ng kaniyang mga opinyon at saloobin sa social media.

Karapatan naman niyang gawin iyon, pero hindi siya dapat umasa na isandaang porsiyento ng mga kababayan natin ay sasang-ayon sa kaniyang mga sinasabi, tulad na lang ni SOS na may matitinding obserbasyon ngayon sa kababayan nating nagbida sa Miss Saigon.

Opinyon ni SOS, “Sobrang asar lang po kami kay Lea Salonga. Napaka-unprofessional niya sa pagpuna sa mga singers na bumibirit. Palibhasa, eh, hindi niya kayang bumirit! Ano naman po ang masama sa pagbirit, eh, doon naman talaga nasusukat ang kahusayan ng isang singer?

“Si Barbra Streisand po, eh, noong 60’s pa Mega-Superstar dahil sa husay niyang bumirit. Sina Celine Dion, Diana Ross, Mariah Carey, Whitney Houston, Beyonce at marami pang international singers, eh, naging world Superstars din dahil sa galing nilang bumirit!

“Dito sa atin, icon na sa pagbirit sina Regine Velasquez at Lani Misalucha. Ito namang si Sarah Geronimo, parang against din sa pagbirit, porke mahusay bumirit iyong kalaban ng manok niya sa The Voice.

“Eh, hindi naman siya mananalo sa Star For A Night kundi siya bumirit ng To Love You Moreni Celine Dion! Sabi niya, eh, hindi naman daw kasi nakikita ang husay sa pagkanta sa pagbirit lang.

“Iba pa rin po kasi ang pagbirit dahil it’s a skill, a voice technique na hindi kayang gawin ng lahat, lalo na ni Lea Salonga na sobrang bitter dahil hindi niya kayang bumirit!

“Sobrang hirap na hirap na po siyang kantahin ang I Dream The Dream from Les Miserables. Parang any moment, eh, pipiyok na siya! Ang bitter at insekyorang Lea na ‘yan! Eh, hindi nga napuno ng Lea Salonga na ‘yan ang Araneta Coliseum sa first major concert niya kaya hindi na nasundan, unlike ng mga biriterang sina Regine Velasquez at Lani Misalucha na ilang beses nang napuno ang Big Dome!

“Kaya nga hindi naging Superstar si Lea Salonga dahil hindi siya marunong bumirit, ni wala nga siyang ibang project kundi ang natapos nang The Voice, ‘no!” napakaasim pang kabuuang komento ni SOS. Tuldok.

Julia Barretto – Masyado yatang magarbo ang debut

Parang lumalabas na sa laki ng ginastos ni Julia Barretto para sa selebrasyon ng kaniyang debut ay may sponsor ang kaniyang inang si Marjorie.

Ayaw maniwala ng marami na magtatapon nang ganoong milyones ang mag-ina para sa isang gabi lang ng selebrasyon. May gumastos daw para sa dalaga.

May nababanggit pang stepdad daw ni Julia, iyon daw ang naglabas nang milyones para sa kaniyang debut. Mayroon na bang itinuturing na stepdad ang batang aktres?

Mayroon na bang inaming karelasyon si Marjorie pagkatapos nilang maghiwalay ni Dennis Padilla? Sinong stepdad kaya ang pinatatamaan ng mga ayaw maniwalang pera ni Marjorie ang ginastos sa minsan lang namang mangyayaring okasyon sa buhay ng isang dalaga?

Napakapaboloso raw kasi ng debut ni Julia. Sa venue pa lang na isang five-star hotel ay napakamahal na ng kanilang binayaran. Paano pa ang pabolosa niyang gown, ang bayad sa catering at kung anu-ano pang aspeto se debut ni Julia?

Sino nga kaya ang mahiwagang stepdad na tinutukoy sa kuwento? Iyon kaya ang pulitikong matagal nang nauugnay sa pangalan ni Marjorie Barretto na hindi lang niya kinukumpirma?

Barretto sisters – Magkakampi si Marjorie at Claudine laban kay Gretchen

Napakagulo ng sitwasyon dahil parang nagririgodon lang ang mga Barretto sa kanilang hindi pagkakaunawaan. Dati’y magkasama sa bahay sina Marjorie at Claudine, si Gretchen ang kanilang kalaban, pero pagkatapos nang ilang taon ay nagkampihan na sina Marjorie at Gretchen laban kay Claudine.

Pero ang pinakahuling pangyayari ay sina Gretchen at Marjorie na ang magkaaway ngayon. Magkakampi naman sina Marjorie at Claudine. Di ba naman at sa kanilang relasyon pa lang bilang magkakapatid ay napakagulo na nila?

Ayaw pang magsalita ni Gretchen tungkol sa naging hidwaan nila ni Marjorie. Tahimik lang ang aktres na mas madalas na nasa London ngayon. Pero kung susundan ang mga ipino-post nilang mensahe sa social media ay lutang na lutang na may pinagdadaanan silang magkakapatid ngayon.

Isang kaibigan namin ang nagtanong, “Lumaki ba sa pag-aalaga ng parents nila ang magkakapatid na Barretto? Nakakagulat kasi ang sitwasyon nila, isang womb lang ang pinanggalingan nila, pero bangayan sila nang bangayan!

“E, ang mga half brothers and sisters nga, nagkakasundo at nagmamahalan, sila pa ba namang totoong magkakapatid sa isang dugo lang ang magkakaganyan?

“May nakikita akong mali sa upbringing nila, parang nandoon ang mali, paano nga kaya sila pinalaki ng mga magulang nila?” may punto ang tanong-opinyon ng aming kaibigan.

Nasaan nga kaya ang mali? Puwede kaya nating ibintang ito kay General Napeñas ng PNP?

Vice-Gov Jolo Revilla – Nakakahinga na ang mga magulang, pagaling na

Positibo na ang mga kuwentong nakararating sa amin tungkol kay Vice-Governor Jolo Revilla. Ilang araw pa ay maayos na maayos na siya, kaya na uling magtrabaho, walang patlang ang pasasalamat sa Diyos ng kaniyang mga magulang dahil nakaligtas sa kapahamakan ang batambatang aktor-pulitiko.

Kuwento ng isang kaibigan naming kagagaling lang sa PNP Custodial Center, “Malalaman mo na totoo ang mga balita dahil ibang-iba na ang aura ngayon ni Senator Bong Revilla. Nasapul ko kasi iyong time na kasusugod lang kay VG Jolo sa ospital, iyak nang iyak si Senator Bong.

“Hindi siya mapakali, hindi makausap, dahil wala siyang magawa that time. Gusto niyang makita ang anak niya, pero hindi niya naman agad-agad magagawa iyon, mahabang proseso pa ang kailangan niyang pagdaanan.

“Pero ngayon, e, nakangingiti na siya, maganda na ang aura niya, nakita na kasi niya si Jolo at napakabilis ng recuperation ng anak niya,” balita nito sa amin.

Ngayong palakas na nang palakas ang katawan ni VG Jolo ay puwede na niyang harapin ang pag-iimbestiga ng mga pulis sa nangyari sa kaniya. Kung bakit naman kasi tutok na tutok sa kaniya ang mga ito, samantalang aksidente naman ang nangyari, wala naman siyang sinaktang kahit sino.

Ni langaw at lamok nga ay hindi naman nasaktan-nadamay sa aksidente niyang pagkabaril sa kaniyang sarili, pero kung makaarte ang mga kapulisang katok nang katok sa kaniyang hospital room ay akala mo naman kung anong krimen na ang dapat nilang subaybayan, OA na OA ayon sa abogado ng mga Revilla.

Ilang araw pa ay makikita na uli namin sa Crame si Vice-Governor Jolo Revilla, naglilinis na naman sa kuwarto ng kaniyang ama, punong-abala sa pagtanggap sa kanilang mga bisita.

Have a comment on this article? Send us your feedback

Abril 1 – 15, 2015


	Amalia Fuentes

	Liezl & Alyanna

	Manny Pacquiao

	Melissa Mendez

	Nora Aunor

	Kris Aquino

	Randy Santiago & Willie Revillame

Amalia Fuentes – Patay na si Liezl pero sige pa rin ang panunumbat

Hanggang ngayon ay bumubula pa rin ang bibig ni Ms Amalia Fuentes. Napakarami niyang isinisiwalat na rebelasyon tungkol kay Albert Martinez. Nakakawindang ang mga impormasyong inilalabas ng beteranang aktres.

Mismong mga kaibigan na ng veteran actress ang nagsasabi na ganyan talaga siya. Huwag na huwag mo siyang bubulabugin, dahil para siyang kuta ng langgam na kapag nagsimula nang kumilos ay hindi na napipigil.

Wala na raw kahit sinong makapipigil pa sa kaniya ngayon sa paglalabas ng mga pinaggagawa ni Albert bago namayapa ang kaisa-isa niyang anak na si Liezl Sumilang Martinez.

May kuwento pa siyang inilabas tungkol sa panghihingi sa kaniya ni Albert nang sampung milyon, limang milyon, hanggang sa tinext na raw siya ni Romeo Vasquez dahil humihingi raw sa kaniya ang aktor nang 1.2M habang nasa ospital si Liezl.

Sa kaniyang mga rebelasyon ay lumalabas na mukhang pera si Albert, na parang ginawang sangkalan ng aktor ang pagkakasakit ng kaniyang misis para makakuha ng pera sa kaniyang biyenan, kahit pa hindi naman maganda ang kanilang samahan.

Sa lahat ng mga pangyayaring ito ay isa lang ang nakakaalarma, patay na si Liezl, ang tanging nag-uugnay sa kanilang dalawa. Hindi kaya dahil sa kaguluhang ito ay maligalig ngayon ang kaluluwa ng taong pareho nilang mahal?

Tama lang na magbakasyon muna ang iniwang mag-aama ni Liezl Martinez. Kailangan nila ng pahinga. Hindi basta-basta giyera ang sinuong nila mula nang magkasakit ang aktres, kailangan din nilang pansamantalang takasan ang mga kontrobersiyang pinagdadaanan nila ngayon.

Huwag na muna nilang intindihin ang ibang tao, ang kapayapaan ng kanilang kalooban ang pinakamahalaga ngayon, hindi ibang tao ang hahawak at guguhit ng kapalaran nilang mag-aama.

Isang araw ay matatapos din ang mga kuwento, mapapagod din ang mga humuhusga sa kanila, kahit nga ang araw na nagbibigay ng liwanag sa atin sa maghapon ay nagpapahinga rin sa gabi.

Alyanna Martinez – Nakakuha ng katapat ang lola sa apo niyang mataray din

Kung kailan naman kasi wala na si Liezl ay saka pa lumutang ang matinding kaguluhan sa kaniyang pamilya. Nagpapatambisan sa social media ang panganay niyang anak na si Alyanna Martinez at ang kaniyang inang si Amalia Fuentes hanggang sa mauwi na iyon sa matinding sumbatan.

Atrebida at maldita, ganoon kung ilarawan ng ibang nakakausap namin si Alyanna.

Hindi raw kasi nila inasahan na si Alyanna pa ang babangga sa kaniyang Lola Amalia, siya pa ang magpapakawala ng kung anu-anong salita, bilang depensa sa kaniyang mga magulang.

May dalawang milyong pisong ipinababalik ang beteranang aktres sa kaniyang apo, tutal daw naman ay hindi nila ito binigyan ng pagpapahalaga sa eulogy at cremation ni Liezl, ibalik na lang daw nila ang halagang ibinigay nito noong nakaospital pa ang pumanaw na aktres.

Pati ang pagkapanganak kay Alyanna ay isinumbat din ni Ms. Amalia, ito raw ang nagbayad nang apat na libong dolyar sa ospital, gigil na gigil ang lola sa kaniyang apo.

Pero hati ang simpatya at paghusga ng mga kababayan natin. Marami ring nagbibigay ng pang-unawa kay Alyanna. Alam na alam daw niya ang tunay na istorya ng hidwaan ng kaniyang lola at mga magulang kaya siya lang at ang kaniyang mga kapatid ang puwedeng magsabi ng katotohanan.

Komento naman ng isang kaibigan naming propesor na maraming taon nang nakasubaybay sa issue, “Nagagalit lang si Amalia dahil tulad niya, e, very vocal din si Alyanna, nakatagpo siya ng katapat sa mismong apo niya, hindi pala papayag ang apo niya na basta na lang niya husgahan si Albert!”

Maraming tanong ang ating mga kababayan na hindi namin mabigyan ng tamang sagot. Paano raw ngayon ‘yan, namayapa na si Liezl, kanino raw kaya ipamamana ng beteranang aktres na si Amalia Fuentes ang kaniyang kayamanan?

Sa buong pagsasama nina Liezl at Albert Martinez ay hindi sila nagkibuan ng kaniyang manugang. Kontrang-kontra pa rin siya sa aktor, ngayon ay kalaban niya naman pati ang kaniyang apong si Alyanna?

Sa lahat ng mga artistang sumikat noong kanilang kapanahunan ay dalawang artista lang ang sinasabing may matatag na kabuhayan. Si Manang Inday (Susan Roces) at si Ms. Amalia Fuentes.

Kung ayaw pa rin niya kay Albert at itinuturing na rin niyang kalaban ngayon ang kaniyang apo ay kanino ipamamana ng beteranang aktres ang kaniyang mga kayamanan?

Kung kilala nga natin ang bibig ng beteranang aktres, sa tindi ng galit niya ngayon dahil sa sinasabi niyang pambabalewala sa kaniya ni Albert at ng kaniyang mga apo nang mamayapa si Liezl, ay puwede niyang sabihin na hindi mapapakinabangan ng mag-aama ang kaniyang kayamanan.

Pero sa kaniyang puso ay hindi niya magagawa ang ganoon. Ang mga mahal ng kaniyang namayapang anak ay natural lang na mahal na rin niya, hindi man si Albert ay ang kaniyang mga apo.

Ito na nga siguro ang pinakamahabang kasaysayan ng away-showbiz. Tinangkang ayusin ni Liezl ang kaniyang pamilya, pero namatay siyang bigo, walang nangyari sa kaniyang hiling.

Manny Pacquiao – Kailangang ibalik ang pagiging agresibo

Kontrang-kontra pala si Coach Freddie Roach sa litanya ni Manny Pacquiao na “The Lord will deliver his hands to me” kapag tinatanong ang Pambansang Kamao kung kaya ba niyang talunin si Floyd Mayweather, Jr. sa darating nilang salpukan.

Hindi pinanghihimasukan ng trainer-coach ni Pacman ang kaniyang relihiyon, nirerespeto nito ang kaniyang konbiksiyon, pero sana raw naman ay huwag lang iasa ni Manny ang kaniyang kapalaran sa Panginoon.

Suporta ng Diyos at pagpupunyagi ni Pacman ang nakikitang dahilan ni Coach Freddie Roach bilang susi sa kaniyang tagumpay. Naniniwala ito sa tulong ng Diyos pero ayon na rin sa coach ni Pacman, “Do your best and God will do the rest.”

Na totoo naman. Hindi natin puwedeng iasa sa Diyos ang lahat ng bagay, kailangan paghirapan natin ang inaasinta nating tagumpay, napakalaki ng tulong na magagawa ng mga panalangin pero kailangan pa rin nating magbanat ng buto para matupad ang ating pangarap.

Nawala na raw kasi ang pagiging agresibo ni Pacman mula nang bigyan niya nang matinding atensiyon ang relihiyon. Iyon ang kailangang bumalik, ayon kay Coach Freddie Roach, dahil hindi biro ang sasuungin niyang laban sa darating na May 2.

Wala pang talo si Floyd Mayweather, Jr., matagal na panahon ang kanilang hinintay para matuloy ang kanilang duwelo. Tinanggap ni Pacman ang hamon ng madaldal na boksingero kaya kailangan niyang paghandaang mabuti ang kanilang paghaharap sa ring.

Sabi pa ni Coach Freddie Roach sa isang panayam, “Of course, we all believe in the Lord. But nothing will happen if we will not move.”

May katwiran ang katwiran.

Melissa Mendez – Kinasuhan ng "Slander By Deed" ni Pamaran

Kilalang-kilala namin si Melissa Mendez. Nasubaybayan namin ang kaniyang karera. Pati ang istorya ng kaniyang pakikipagrelasyon ay hindi rin maitatago sa amin.

Maaari siyang husgahan sa ibang aspeto ng kaniyang buhay pero ang pagbintangan siyang bastos at walang respeto sa kapwa ay magiging isang kalabisan.

Nakakaladkad ngayon ang pangalan ni Mile (palayaw ng aktres) dahil sa isang komprontasyong naganap sa eroplano kalaban ang dalawang lalaki. Isang nagngangalang Rey Pamaran at ang basagulerong aktor na si Andrew Wolf.

Hindi kilala sa showbiz si Rey Pamaran, pero sa mundo ng basketball ay pamilyar ang kaniyang pangalan, ito ang nakaengkuwentro ni Melissa sa eroplano.

Laganap na ang magkaiba nilang bersiyon sa mga pahayagan at sa social media, nagbakbakan ang magkabilang kampo sa kung sino sa kanila ang nagmalabis.

Nasosobrahan lang kami sa inasal ng dalawang lalaking sangkot sa usapin. Una ay ang paglalabas ni Andrew Wolf sa kaniyang Instagram account ng video. Kung anu-anong mapanghusgang salita rin ang pinakawalan ng aktor-modelo laban kay Melissa.

Ikalawa ay ang naging reaksiyon ni G. Pamaran sa isang sitwasyon na kung tutuusi’y puwede namang pag-usapan nang mahinahon – pero bakit nauwi sa bantang panghahampas ng bag sa mukha ng aktres, kasabay ang pamemersonal tungkol sa mabahong hininga diumano ni Melissa.

Kapos na kapos sa respeto ang dalawang lalaking ito sa mga kababaihan. Mas matatanggap namin kung makikipag-upakan sila sa kapwa nila lalaki, tulad ng pakikipagbasag-ulo noon ni Andrew Wolf sa Boracay, pero ang patulan nila at lait-laitin nang personal ang isang babae ay hindi hinihingi sa isang sibilisado at disenteng lipunan.

Dapat ding silipin ang hindi parehas na pagtingin ng Cebu Pacific sa kanilang mga pasahero. Magkapareho lang ang kulay at halaga ng perang ipinambayad ng ticket nina Rey Pamaran, Anderw Wold at Melissa Mendez, pero bakit ang aktres lang ang iniligwak nila sa biyahe?

Kahit sa buong kasaysayan ng korte ay walang magtatagumpay na kaso kung walang nagrereklamo.

Nag-sorry na si Melissa sa kaniyang social media account, pero hindi iyon tinanggap ni Rey Pamaran. Kinasuhan niya si Melissa Mendez. Slander By Deed ang asunto, tatlong milyong pisong danyos ang hinihingi ni Pamaran kay Melissa, hindi nito tinanggap ang kaniyang pagso-sorry sa Instagram.

On national television daw ito siniraan ni Melissa, kaya iyon din ang gusto nitong panghihingi ng tawad, abangan na lang natin kung babawiin nga ng aktres ang kaniyang mga litanya noong kainitan ng kontrobersiyang ito.

Malu Barry – Nagsalita na ang kasama sa flight ni Melissa

Sa wakas, pagkatapos nang ilang araw, ay nagsalita na rin si Malu Barry tungkol sa insidente. Ayon sa singer ay masyadong OA ang mga kuwentong inilalabas ng “loveteam” nina Rey at Andrew, napakasimple lang daw ng isyu, pero sobrang pinalaki na ng dalawa.

Hindi rin daw totoong nanakit ng flight attendant si Melissa, kung mayroon mang umaray ay hindi iyon sinasadya ng aktres, dahil maraming umaawat sa kanila ni Pamaran habang nagdidiskusyon sila na nauwi na nga sa pananampal ng aktres sa maingay na lalaki.

Awang-awa si Malu sa kaniyang kaibigan, napakarami na raw nasabi ng mga nakalaban nito, samantalang puwede na lang namang pag-usapan ang naganap sa maayos na paraan.

Katabing-katabi niya sa upuan si Pamaran, naging saksi siya sa katigasan ng ulo at kakulitan ng kaniyang kaibigan. Kung magsasalita siya ay parang siya na rin ang magdidiin kay Melissa kahit magkaibigan pa sila.

Natural, ang katotohanan ang sasabihin ni Malu, hindi siya magsisinungaling para lang masagip ang kaniyang kaibigan sa matinding kahihiyan.

Paano kung sang-ayunan niya si Melissa at sabihin niyang hindi nga ito nakainom noong bumiyahe sila, pero mapatutunayan naman pala iyon ng mga CCTV cameras sa airport, di dalawa na silang sinungaling?

Tama lang ang kaniyang komento na hintayin na lang na ilabas ni Pamaran ang mga video, hindi nga naman iyon mapasisinungalingan, kesa sa ipagtanggol pa niya si Melissa sa isang sitwasyong kabaligtaran naman ng kaniyang alam.

Siyam sa bawat sampung nakakausap namin ay hindi paborable sa sobrang kadaldalan nina Pamaran at Andrew. Sa kanilang paglalarawan ay baligtad ang resulta, “Parang silang dalawa pa ang babae sa sobrang kadaldalan nila. Hindi maganda ang kanilang ugali.

“Kahit pa si Melissa na ang mali, babae ang kalaban nila, hindi sila dapat nagpakita ng kawalan ng respeto dahil may nanay at mga kapatid din silang babae,” madiing sabi pa ng isang nakausap namin.

Noranians – Galit na naman kay Kris Aquino

Galit na galit ang mga tagasuporta ni Nora Aunor kay Kris Aquino.

Nakaladkad na naman ang pangalan ng Superstar dahil sa lantaran niyang pagpapahayag na bumaba na sa puwesto ang Pangulong Noynoy Aquino. Hindi raw alam ni P-Noy ang kaniyang mga ginagawa. Tama na, sobra na, bumaba na raw dapat ang pangulo sa kaniyang posisyon at sa Palasyo

Hindi matanggap ng mga Noranian ang sinabi ni Kris na tutuparin pa rin niya ang pangakong pamasahe ng Superstar papuntang Boston pero ang tanong ay kukunin pa raw kaya iyon ng aktres pagkatapos ng lahat?

Delicadeza ang tawag doon. Nangako ng pambili ng airfare si Kris para sa pagpapagamot ni Nora sa Amerika, pero pagkatapos lang nang ilang araw ay sumama na si Nora sa grupong Migrante na sumisigaw ng pagpapababa kay P-Noy sa posisyon, tanggapin pa raw kaya ng aktres ang pangakong pamasahe ni Kris?

Mas wala raw delicadeza si Kris, sabi ng mga Noranian, dahil lahat ng kaniyang mga sinasabi ay hindi niya naman tinutupad. Aalis na raw siya ng bansa at mamumuhay nang tahimik kasama ang kaniyang mga anak, pero bakit nandito pa rin naman si Kris, ganoon daw ba ang may delicadeza?

Nakikipagrelasyon kuno si Kris sa mga lalaking pamilyado na, iyon daw ba ang may delicadeza, wala raw bang malaking salamin sa kaniyang bahay ang aktres-TV host?

Wala raw plano si Nora na tanggapin ang iniaalok na pambili ng ticket ni Kris, kaya raw bumili ng ticket ni Nora, pero ang kawalan ng delicadeza sa maraming aspeto ni Kris Aquino ay hindi na mabubura pa magpakailanman.

Kris Aquino – "Dedmabels" lang sa bashing ng mga Noranians

Kumbaga sa isang boksingero ay marunong mamili si Kris Aquino ng kaniyang kakalabanin. Ayaw niya ng hindi niya kasingbigat, bawal ang mismatch sa kaniya. Pumapatol lang siya sa isyu kapag ka-weight niya ang kalaban.

Ipinagtatanggol ni Kris ang kapatid niyang pangulo. Kung anu-anong damage control na ang kaniyang naiisip gawin, alam kasi ni Kris na ang kalaban na ng kaniyang kuya ay ang sambayanan at ang kapalaran.

Binibigyan iyon ni Kris ng mahalaga niyang panahon, nand’yang dumalo siya sa okasyon ng mga pulis na hindi niya naman dating ginagawa. Lahat ng makapagpapalambot ng puso ng ating mga kababayang galit na galit ngayon sa kaniyang kapatid ay pinapasukan niya sa pag-asang bababaw iyon.

Pero nang tanungin siya tungkol sa pag-aklas ni Nora Aunor laban sa kaniyang kapatid ay parang walang panahon si Kris. Pinabababa na kasi ng Superstar sa trono ang kaniyang kuya. Hindi raw nito alam ang kaniyang mga ginagawa.

Ang tanging isinagot ng aktres-TV host sa mga tungayaw ni Nora Aunor, “Dedmabels.” Read: deadma, malay at paki, kesehoda, keber at kung anu-ano pang termino sa kawalan ng pakialam at epekto sa kaniya ng mga pinagsasabi ng Superstar.

Bakit kaya ganoon lang ang isinagot ni Kris sa masasakit na paratang ng Superstar sa kaniyang kuyang pangulo? Mag-multiple choice nga tayo kung bakit?

A) Naniniwala si Kris na pag-aaksaya lang ng panahon ang pagpatol kay Nora Aunor. B). Pakiramdam ni Kris ay hindi kapatul-patol si Nora dahil wala namang naniniwala sa kaniyang mga ipinaglalaban. C). Naniniwala si Kris na walang kredibilidad ang Superstar para bigyan ng panahon para sa isang argumento. D). Hindi niya bibigyan ng pansin si Nora dahil Vilmanian siya. E). Naniniwala si Kris na mismatched sila ni Nora Aunor dahil sikat siya at si Nora ay bahagi na lang ng kasaysayan ng lokal na aliwan. F). All of the above.

Willie Revillame – Excited sa kaniyang pagbabalik TV sa Wowowin

Ilang beses na ba kaming binibigyan ng jacket ni Willie Revillame? Hindi na namin alam kung ilan, pero sa dami ng pagkakataong iyon ay wala naman kaming naaangkin, hingiin kasi ang jacket ng aktor-TV host.

Sa bago niyang game show sa GMA-7, angWowowin, ay may segment siyang Bigyan Ng Jacket ‘Yan! Hindi siyempre mawawala ang Willie Of Fortune kung saan natututukan ang personal na buhay ng mga kalahok.

May bagong cellphone na rin siyang ieendorso, ipamamahagi niya ang mga telepono sa masusuwerte niyang studio audience. Siguradong magiging haping-happy ang mga tagasuporta ni Willie.

Kahapon nang umaga ay magkausap kami, ang kaniyang sabi, “Sa one year and a half kong pamamahinga, miss na miss ko ang nakasanayan ko nang pagpapasaya sa mga kababayan natin. Totoo palang hinahanap-hanap natin ang nakasanayan na.

“Kaya ngayong nandito na uli tayo, sisiguraduhin ko na mas magiging masaya ang mga kababayan natin, mamimigay kami ng jacket, cellphone, house and lot at cash prizes.

“Na-miss ko ang pamimigay ng regalo sa kanila araw-araw, hinahanap-hanap iyon ng katawan ko, kaya babawi ako nang husto ngayon sa kanila,” kuwento ni Willie.

Randy Santiago – Director ni Willie sa Wowowin ng GMA7

Si Randy Santiago ang magdidirek ng Wowowin, payback time ang ibig sabihin nito, dahil nagsimula siya kay Randy Santiago sa GMA-7.

Malaking exposure ang ibinigay sa kaniya ng bumibidang si Randy sa Lunch Date, kapag may mga shows ito ay siya ang kinukuhang drummer, matanaw ng utang na loob si Wil.

“Kami ni Randy, kahit hindi kami nagkikita, walang nababawas sa friendship namin. Kapag nagkikita naman kami, halos wala nang uwian, ayaw na naming maghiwalay. Ganoon na kalalim ang pagkakaibigan namin ni Randy.

“Sa mga past shows ko, basta maysakit ako, siya ang pumapalit sa akin. Basta, palaging siya ang unang-unang nasa isip ko kapag ganoon, payback time, dahil siya ang unang nagbigay ng break sa akin sa TV,” pagbabalik-alaala ni Willie.

Mainit, marespeto, maaliwalas. Ganoon kung ilarawan ni Willie Revillame ang pagsalubong-pagtanggap sa kaniya ng mga ehekutibo ng GMA-7 nang magpirmahan sila ng kontrata.

Sa Lunch Date siya nagsimula, sa GMA-7 na mapapanood ngayon ang Wowowin, bumiyahe man sa iba-ibang istasyon si Willie Revillame ay umuwi pa rin siya ngayon sa kaniyang pinagmulan.

Toni Gonzaga – Galit ang sangkabaklaan sa pagbarubal sa Bb Pilipinas

Ewan kung paano kokontrahin ngayon ng kampo ni Toni Gonzaga ang sobrang galit sa kaniya ngayon ng sangkabaklaan at ng mga kababayan nating hindi nagkagusto sa ginawa niyang pagho-host sa Bb. Pilipinas beauty pageant.

Si Toni ang mistulang punching bag ngayon sa social media. Grabe ang mga salita at paglalarawang ibinabato laban sa kaniya, napakapersonal na ng mga iyon na siguradong dahilan ng pag-aray ng singer-actress-TV host ngayon.

Ginawa raw comedy bar ni Toni ang Smart Araneta Coliseum, binarubal daw niya ang mga kalahok. Magaganda raw ang kaniyang mga gown pero hindi naman iyon bumagay sa kaniyang pagkajologs sa gabi ng patimpalak.

Komento pa ng isang nag-text sa amin sa radyo, “Paglaruan ba ang mga contestants? Pati apelyido ng isang kalahok, ginawa niyang kakatawanan. Iyong hikaw ng isang contestant, tinawag niyang chandelier at iyong isa naman, eh, parang minamaliit niya sa tanong kung may plano pa raw ba uling sumali sa Bb. Pilipinas iyong girl?

“So uncalled for! Prestigious contest ang ihino-host niya, hindi beauty contest sa barangay, pero sa mga birada niya, eh, parang nasa PBB lang siya!

“Kung sana, eh, perfect siya! Sus naman! Manalamin nga siya? Tingnan ko lang kundi doble ang tingin niya sa sarili niya!” pasaring sa kaniyang mga mata ng aming source.

Maraming nasagasaan si Toni sa kaniyang mga birong wala sa lugar. Pati mga dating beauty queen ay nainis sa kaniya, nag-post ng mga bira, dahil ginawa raw niyang katatawanan ang mga babaeng nerbiyos na nerbiyos na nga noong gabing iyon ay ninakawan pa niya ng kumpiyansa sa sarili.

Sabi naman ng isa pang naiinis nating kababayan, “Magkapatid nga sila ni Alex, feelinggera sila, kung makaasta at makapagbiro, eh, akala mo naman sikat na sikat na sila! Kaiingay nila, nakauumay na, kaya sa ginawa niyang pang-ookray sa mga contestants ng Bb. Pilipinas, lalong hindi panonoorin ang concert ng sister niya!” emosyonal nitong komento.

Sa kagustuhan ni Toni Gonzaga na magliparan palabas ang mga naglalarong paruparo sa dibdib ng mga kalahok ay sinikap siguro niyang mabawasan ang kaba ng mga contestants, tama ang kaniyang motibo, pero mali lang ang kaniyang atake.

Masasakit ang mga salitang ikinakambal ngayon kay Toni Gonzaga. Pati ang mga nananahimik niyang mata ay idinadamay ng mga nagagalit sa kaniya, kaya dokleng, duling, sulimpat, banlag, libat at kung anu-ano pang paglalarawan sa kaniyang mga mata ang inaani niya ngayon sa social media.

Naalala tuloy namin ang piyesang I Started A Joke ng Bee Gees sa senaryong kinapapalooban ngayon ni Toni Gonzaga.

Vice-Gov Jolo Revilla – Back to work na ang panganay ni Sen. Bong

Sa unang pagkakataon mula nang aksidente niyang mabaril ang kaniyang kanang dibdib ay nagkita kami ni Vice-Governor Jolo Revilla sa PNP Custodial Center.

Mabikas na siyang kumilos, hindi pa nga lang niya maigalaw na mabuti ang kanan niyang balikat, Malaki ang nabawas sa timbang ng vice-governor ng Cavite.

Sa pag-aalalang baka namin siya masaktan ay tinanong namin si VG Jolo kung paano namin siya yayakapin. Ang mabilis niyang sagot, “Para safe po, ‘Nay, ako na lang ang yayakap sa inyo.”

Nakita naming nakatingin sa amin si Senador Bong Revilla, Malaki rin ang nabawas nitong timbang, pero nandoon ang pasasalamat dahil minsan pa’y kinaya nila ni Congresswoman Lani Mercado ang pinakahuling paghamon sa kanilang pamilya.

Noong paalis na si Vice-Governor Jolo Revilla ay humalik siya sa kaniyang mga magulang, sinundan siya ng tingin ni Senador Bong hanggang sa pinakadulo ng maliit nilang bakuran ni Senador Jinggoy Estrada, noong lumiko na pakanan palabas sa PNP Custodial Center ang batambatang aktor-pulitiko ay saka lang bumitiw sa pagtanaw ang kaniyang ama.

Sandra Mae Magalang – Abogada na ngayon sa kabila ng kapansanan

Kailanman ay hindi hadlang sa pangangarap ang pisikal na kapansanan. Hindi dapat maging balakid sa libreng pangangarap ang kalabisan at kakulangan nating pisikal.

Pinatunayan iyon ng isang kababayan natin na sa kabila ng kapansanan sa mata ay nakakopo pa rin ng ikatlong puwesto sa katatapos lang na Bar Licensure Exams. Ipinanganak na cross-eyed (duling) si Sandra Mae Magalang, pero hindi iyon nakasagabal sa pagsusunog niya ng kilay para makapagtapos ng abogasya, inaatake lang siya ng hiya kung minsan pero mas lumutang ang kaniyang hangaring makatulong sa kaniyang pamilya.

Sa tulong ng proyektong Oplan Sagip-Mata ng namayapang Senador Juan Flavier ay naoperahan ang kaniyang mga mata, naging normal ang kaniyang paningin. Ihinahandog ni Sandra ang kaniyang tagumpay una sa kaniyang pamilya at pangalawa sa pumanaw na senador na tumulong sa kaniya.

Kaibigan namin ang mag-asawang Andy at Chi-Chi Flavier, direktang apo ng namayapang senador si Andy na isang arkitekto, apo rin ito ng kaibigan ng aming ama (si Tatang Pisyong Mangulabnan ng General Tinio, Nueva Ecija).

Maraming kuwento si Chi-Chi tungkol sa kadakilaan ng puso ng namayapang senador. Wala itong hinangad kundi ang makatulong sa ating mga kababayan. Isa na nga sa mga nabiyayaan ang estudyante sa abogasya ng University of The Philippines na ngayo’y isa nang lisensiyadong abogado.

Have a comment on this article? Send us your feedback

Abril 16 – 30, 2015


	Marian Rivera

	Marian Rivera & Dingdong Dantes

	Jessica Soho & Willie Revillame

	Ara Mina & Patrick Meneses

	Alex Gonzaga

	Marion Aunor

	Ashley & Marion* Aunor*

	Lala, Ashley, Marion & Belen

Dingdong and Marian – Expecting na ang beautiful couple

Pagkatapos ng kanilang makasaysayang kasal ay ang pagdating naman ng kanilang munting anghel ang sinusubaybayan ng publiko ngayon kina Dingdong Dantes at Marian Rivera.

Sabik na sabik na silang makita ang kanilang anak. Gusto na ngang hilahin ni Marian ang panahon. Gusto na niyang mahalikan at mayakap ang produkto ng kanilang pagmamahalan ni Dingdong.

At ngayon pa lang ay marami nang nagsasabi, siguradong mag-uunahan ang mga ahensiya para kuning endorser si Marian para sa mga produktong pambata na kasama ang kaniyang anak.

Sanggol pa lang ay kikita na nang milyon ang kanilang anak, hindi papayag ang mga ahensiya na hindi ang anak nina Dingdong at Marian ang maipakitang gumagamit ng kanilang mga produkto, hindi pa napipisa ang itlog ay nagbibilang na ang kanilang mga tagahanga.

Sa kaguwapuhan ng tatay at kagandahan ng nanay ay siguradong isang napakagandang kumbinasyon ang lalabas. Kahit sino ang pagmanahan ng bata sa kanilang dalawa ay panalung-panalo.

Ang kaniyang pagdadalantao ang dahilan kung bakit punumpuno ng inspirasyon ang bawat paggising ni Marian. Inspirado rin si Dingdong dahil makukumpleto na ang kanilang kaligayahan.

Harinawang maging maayos ang biyahe ng pagdadalantao ni Marian. Kung nasasabik na silang makita-mayakap ang kanilang panganay ay ganoon din ang kanilang mga tagasuporta.

Magkakaroon na sila ng pamangkin, hanggang sa pagkakaroon ng mga apo nina Dingdong at Marian ay nand’yan lang sila, hindi magbabago ng tiwala, suporta at pagmamahal sa mahal na mahal nilang mag-asawa.

Jessica Soho – Makatotohanang panayam kay Willie

Ilang oras na naman kaming nawalan ng sariling buhay noong Linggo (April 12) nang gabi pagkatapos ipalabas ang mahabang panayam ni kaibigang Jessica Soho kay Willie Revillame. Sunud-sunod na mensahe sa text ang tinanggap namin, lahat ay manghang-mangha sa mga ari-arian ni Willie na ipinalabas sa Kapuso Mo, Jessica Soho, ganoon daw ba ang naghihirap na?

Ginanap ang kabuuan ng interbyu sa unang palapag ng mansiyon ni Willie sa Barangay Iruhin, Tagaytay City. Sa kanila namang pag-iikot ay pansamantala silang nanatili sa roof deck ng mansiyon. Tama ang paglalarawan ng TV host na kapag nakatayo ka doon ay parang isang dangkal lang ang layo ng langit sa kinatatayuan mo. Kitang-kita rin ang ganda ng Taal Lake sa pinakaituktok ng mansiyon ng aktor-TV host.

Nasa pag-iingat pa rin ni Willie ang magagara niyang sasakyan. Napabalita noon na naibenta na niyang lahat iyon dahil sa madalas na pagkatalo sa casino. Isang malakas na bigwas para sa mga nagkalat noon ang presensiya ng kaniyang mga kotseng nagkakahalaga nang mahigit na tatlumpung milyong piso ang bawat isa.

Bukod sa kaniyang mansiyon sa Barangay Iruhin na malapit lang sa mga ipinatatayo niyang villas ay nandoon pa rin ang tatlo niyang bahay na hindi bababa sa isandaang milyong piso ang halaga ng bawat istraktura nang ipatayo niya.

Sagot namin sa mga nagkokomento ay hindi pa nga ipinakita ni Willie ang lahat ng propyedad na mayroon siya. Hindi pa nakunan ang iba, tulad ng ekta-ektaryang lupain na nabili niya mula sa kaniyang pagho-host nang dalawa-tatlong oras noon araw-araw.

Sa tanong ni Jessica Soho kung totoong nag-casino siya ay mabilis ang sagot ni Willie. Totoo, sinubukan niyang gawin ang pagka-casino na wala siyang kaalam-alam, pero hindi siya nagpakalulong.

Alam niya kung magkano lang ang dapat niyang itapon, mulat ang kaniyang kamalayan kung hanggang saan lang siya. Hindi niya ginalaw ang kaniyang mga ari-arian para lang sustinihin ang sugal.

Sabi noon ni Willie sa isang seryosohan naming pag-uusap, “Ganoon pala iyon. First time ko kasing mag-try. Talagang hihilahin ka, hihikayatin ka ng sugal, pero alam mo dapat na mas makapangyarihan ang tumataya kesa sa bisyo.

“Ikaw ang mayhawak ng pera mo, ikaw dapat ang masunod, hindi ang bisyo. Tama nang nasubukan ko iyon, pero hindi ko gagawing bisyo,” paliwanag ni Willie.

Sa pagtatapos ng panayam ay may sinabi sa kaniya si Jessica Soho, “Thank you for being honest,” bibihira nga namang sikat na personalidad ang marunong humarap sa katotohanan.

May mga umaamin din naman, pero half-truth lang, hindi pa rin nakabukas ang lahat ng baraha sa mesa. Hindi uso ang ganoon kay Willie Revillame, itim at puti lang ang kulay na alam niya, walang abuhin.

Sabi ng kaibigan naming propesor pagkatapos ng kaniyang panayam, “May garter ang buhay ni Willie. Babagsak siya, pero may humihila sa kaniya pataas.

“Matulungin kasi siya, butas ang mga palad niya sa pagsi-share ng kung anumang mayroon siya. Ten million pesos for the Yolanda victims, wala na siyang show noon, tatlumpung bangka para sa mga mangingisdang nawalan ng hanapbuhay.

“Lahat ng tinulungan niya, nagdarasal para sa kaniya. Iyon ang garter na sinasabi ko. Very effective ang maramihang dasal, dinidinig iyon ng langit,” makabuluhang komento ng kaibigan naming propesor ng isang kilalang-kilalang unibersidad sa Pilipinas.

Willie Revillame – Wowowin sa GMA7 simula na sa May 10

Napakaordinaryong shorts lang, t-shirt na puti, tsinelas na de-sakbat. Iyon si Willie Revillame habang nagbabantay sa paggawa ng magiging tahanan ng Wowowin na magsisimula na sa May 10 sa GMA-7.

Maganda at malawak ang studio. Madali pang puntahan ng kaniyang mga tagahanga, nasa Kalayaan Avenue lang iyon sa may likuran ng Quezon City Hall.

Maagang gumising si Willie, paputok pa lang ang araw ay nakapaligo na siya, nag-iikot na siya sa kaniyang bakuran sa Ayala Heights para tingnan kung anu-ano ang dapat niyang ipaayos.

Ngayon ay may araw-araw na naman siyang destinasyon, ang pagbabantay sa paggawa ng kaniyang studio sa Kalayaan. Palagi niyang kausap ang contractor at ang production designer para maging kumportable ang mga manonood ngWowowin kapag nagsimula na ang kaniyang show.

Siya at ang kaniyang staff ang namamahala sa lahat-lahat, siya kasi ang prodyuser ng Wowowin. Ngayon pa lang ay nakahanda na ang mga ipamimigay niyang giveaways sa studio audience.

Uulan na naman ng mga jacket, cellphone at cash tuwing Linggo nang hapon sa Wowowin. Buhay na buhay na naman ang dugo ng mga senior citizens na sobra ang pagmamahal sa aktor-TV host. May ipinagagawang espesyal na lugar para sa kanila si Willie sa studio, ganoon ang pagpapahalaga ng makarismang host sa mga kababayan nating may edad na.

Sabi ng kaibigan naming propesor, “Nakakainis! Kung kailan naman malapit nang magbalik si Kuya Wil, eh, saka naman parang ang tagal-tagal dumating ng May 10! Gusto ko nang pabilisin ang mga araw para nand’yan na uli siya!”

Vice Ganda at Kris Aquino – Sila naman ba ang “war” ngayon?

Habang maaga pa, habang puwede pa nilang ayusin ang kanilang hidwaan, ay dapat nang tutukan nina Kris Aquino at Vice Ganda ang kanilang problema.

Kahit hindi sila nagsasalita ay patuloy ang pag-ikot ng kuwento na may hindi sila pinagkakaintindihan ngayon. Sangkot sa usapin ang diumano’y ideya ni Vice na “ninakaw” ni Kris Aquino. Sa bawat pagsasalita ngayon ng pamosong komedyante ay ipinalalagay ng mas nakararami na ang aktres-TV host ang kaniyang pinatututsadahan.

Nagsalita lang tungkol sa interpretasyon ng pagkakaibigan si Vice Ganda, ginamit lang nito ang salitang traydor ay si Kris na agad ang naisip ng mga nakarinig, kaya kailangan na nilang bantayan ang kanilang mga emosyon ngayon.

Si Kris ang nalalagay sa alanganin sa paghusga ng mas nakararami. Lumalabas daw na tama si Ai-Ai delas Alas sa pagkawasak ng kanilang pagkakaibigan ni Kris, kahit pa nagkabati na sila ilang buwan ang nakararaan.

Hindi raw marunong mag-alaga ng pagkakaibigan si Kris. Sinsero ang ipinakikita at ipinararamdam sa kaniya, pero kapos na kapos sa pagpapahalaga ang aktres-TV host.

Maraming taon na ang tinatakbo ng samahan nina Kris at Vice Ganda, maraming pagsubok na silang nalampasan, nakapanghihinayang naman kung mauuwi lang iyon sa wala.

Pero kapansin-pansin na walang gaanong kaibigan si Kris Aquino, bilang na bilang lang. Kaya huwag na sana niyang pabayaang mawasak pa ang pagkakaibigan nila ni Vice Ganda.

Manny Pacquiao – Hinigpitan lalo ni Coach Freddie Roach ang disiplina

Pinahigpitan talaga ni Coach Freddie Roach ang pag-eensayo ng Pambansang Kamao sa Wild Card Gym. May mga kaibigan kaming dalawang beses na dumalaw kay Pacman, pero hindi naman nila nakita ang boksingero, sarado ang gym habang nag-eensayo siya.

Noong lumabas naman si Pacman ay nakaabang na agad ang magara niyang sasakyan sa may pintuan, kaya bahagya na siyang nakakaway sa mga Pinoy na gusto sanang makapagparetrato sa kaniya. Kailangan na raw niyang magpahinga.

Naiintindihan naman ng mga kababayan natin na matindi ang paghahandang ginagawa ni Pacman sa pagtutuos nila ni Floyd Mayweather, Jr., ang makita nila kahit ang bumbunan lang ni Manny Pacquiao ay sapat na, patuloy pa rin nilang ipagdarasal ang tagumpay ng ating Pambansang Kamao.

Madaling intindihin kung bakit matinding paghihigpit ang ginagawa ngayon ni Coach Freddie Roach sa pag-eensayo ng Pambansang Kamao sa Wild Card Gym sa LA.

Ayaw kasi nitong maabala si Pacman, ayaw nitong masira ang konsentrasyon ng kaniyang manok, dahil malapit na nga naman ang pinakahihintay na salpukang Manny Pacquiao-Floyd Mayweather, Jr. salas Vegas.

Naalala tuloy namin ang kuwento noong hindi pa nagbabagong-buhay ang Pambansang Kamao. Habang nag-eensayo siya ay biglang dumating ang isang female personality, natural lang na itinigil muna ni Pacman ang pagsuntuk-suntok sa kaniyang punching bag.

Galit na galit noon ang kaniyang coach, naabala kasi ang kaniyang ensayo, kaya mula noon ay sinabihian nito si Pacman na kapag nag-eensayo siya ay iyon lang talaga ang kaniyang gagawin at wala siyang tatanggaping bisita sa kaniyang pagpa-practice.

Ilang kaibigan namin ang nagsadya sa Wild Card Gym para makita nang personal ang iniidolo nilang boksingero. Pero sa parking lot pa lang ng Wild Card Gym ay may nagsabi na sa kanila na hindi sila makapapasok. Naghintay na lang sila sa labas para kahit paano’y makita si Pacman sa kaniyang pag-uwi.

Pero hindi pa rin nangyari ang inaasahan ng ating mga kababayan. Nakatutok na ang kotse ni Manny sa may pintuan ng gym, bahagya nang kumaway sa kanila ang kampeong boksingero bilang pasasalamat sa kanilang pagdalaw.

Ipagdarasal pa rin nila ang tagumpay ni Pacman sa salpukan nila ni Mayweather. Susuportahan pa rin nila si Congressman Manny.

Hindi pa rin sumusuko ang mga kababayan nating naninirahan sa Amerika na makita ang Pambansang Kamao gaano man kahigpit ang utos ng kaniyang team na bawal magpapasok sa Wild Card Gym habang nag-eensayo si Pacman.

Magaling ang Pinoy, hindi basta-basta puwedeng bolahin, makakakita at makakakita sila ng tiyempo para makaharap ang kanilang idolong boksingero.

Sa Griffith Park tumatakbo tuwing umaga si Pacman at ang kaniyang team. Isang bulubunduking lugar iyon sa Los Angeles, California.

Sabi ng kaibigan naming malapit kay Congressman Manny Pacquiao, “Ang Pinoy pa? Kundi sila puwede sa Wild Card Gym, may Griffith Park pa! Doon sila nagbabantay-naghihintay sa pagdya-jogging ni Pacman!

“At huwag sabihing hindi kakain sa labas si Manny at ang pamilya niya? Doon sila nagpupunta, doon sila nakakapag-picture taking sa idol nila! iyon ang Pinoy!” tawa nang tawang kuwento ng aming kaibigan.

APO Jim Paredes – Nakatikim mula sa mababagsik na fans ni Daniel Padilla

Sawsawero ang tawag ngayon ng mga tagahanga ni Daniel Padilla sa miyembro ng APO Hiking Society na si Jim Paredes. Abala sa pagkokomento sa social media ang hindi na gaanong aktibong singer-composer, halos lahat ng isyu ay inoopinyunan niya, kaya nagiging negatibo ang kaniyang dating sa mga tagasuporta ng mga personalidad na pinipitik niya.

Na-hack ang Instagram account ng teen heartthrob, may pagkasarkastiko ang komento ni Mang Jim, kailangan daw bigyan ng panahon para sa isang Senate hearing ang nangyari sa sikat na young actor-singer.

Natural, binulabog ni Jim ang kuta ng langgam, kinagat-kagat siya ng mga bagets na tumitili at nagmamahal kay Daniel. Umaatikabong pintas at puna ang inabot mula sa grupo ng nagkakaedad nang singer-composer.

Ayon sa isang tagahanga ng sikat na binata ay nagpapapansin lang si Jim dahil laos na siya. Kailangan pa raw niyang gamitin si Daniel Padilla para mapag-usapan lang siya at magkaroon ng espasyo uli sa mga pahayagan.

Iyon ang senaryong kailangang paghandaan at tanggapin ng mga personalidad na mapagkomento sa social media. Siguradong maba-bash sila, tiyak na aangat ang mga nagmamahal sa personalidad na pinipitik nila. Hindi papayag ang mga ito na basta-basta na lang saktan ang personalidad na iniidolo nila.

Komento ng isang nakausap namin, “Palasawsaw kasi si Jim Paredes. Nagpapaka-profound siya. Sa politics na lang sana niya pairalin ang pagiging pakialamero niya, huwag na sa showbiz.”

Sharon Cuneta – Patuloy pa rin ang mga bashers ni Mega

Ang dami-daming nagkokomento na hindi pa raw naman pala ganoon kapayat sa mga lumalabas na kuwento si Sharon Cuneta. Mataba pa rin daw ang Megastar, wala pa ring leeg, napakalapad pa rin daw ng kaniyang katawan.

Mula sa napakalaking inilapad ng katawan ng singer-actress-TV host, sana’y huwag namang umasa ng milagro ang mga miron. Hindi niya magagawa nang minsanan lang ang pagbabawas ng timbang.

Kung sana’y medyo tumaba lang si Sharon. Pero nakita naman ng buong bayan ang nangyari sa kaniya, naging triple ang kaniyang laki na salamat nga dahil unti-unti nang nababawasan ngayon.

Ang akala yata ng iba ay ganoon kadali ang pagbabawas ng timbang, lalo na sa sitwasyon ni Mega na talagang lumubo, taon pa ang bibilangin bago natin makita ang hubog ng kaniyang katawan.

Maging masaya na sana ang iba sa paggaan ng kaniyang weight. Nagsasakripisyo na nang husto si Sharon. Bigyan din sana ng pagpapahalaga ng mga miron ang mga ginagawa niyang pagsisikap.

“Huwag na kasi siyang tumatabi sa mga payat, lalong nakikita ang pagkaaparador ng katawan niya!” masakit na komento pa ng isang kababayan natin sa social media.

Ara Mina at Mayor Patrick Meneses – Hiwalay na

Limang araw lang pagkatapos ng binyag ng kanilang anak na si Amanda Gabrielle ay tinapos na nina Mayor Patrick Meneses at Ara Mina ang kanilang halos apat na taong relasyon.

March 17 ang binyag ni Mandy, March 22 nang gabi ay masinsinan na silang nag-usap sa Ninyo Restaurant sa Katipunan. Umabot nang halos dalawang oras ang kanilang pag-uusap sa isang function room at nang bumaba sila ay maraming nakakitang mugtung-mugto ang mga mata ni Ara Mina.

Walang bagay na bigla, palaging may kakambal na pagsasakripisyo kapag hindi na maligaya ang isa. Lumalabas sa mga kuwento na matagal nang gustong makipaghiwalay ng pulitiko kay Ara pero sinubukan pa rin nilang maisalba ang kanilang relasyon.

Parang rubber band daw ang kanilang relasyon na matagal nang hindi nagiging produktibo, pero hinila pa rin nila nang hinila, hanggang sa dumating ang puntong nalagot na.

Malinaw sa kuwento na ang pulitiko ang nakipaghiwalay kay Ara, wala raw sangkot na third party sa kanilang paghihiwalay. Hindi rin tinatalikuran ni Mayor Patrick ang kaniyang obligasyon bilang ama ni Amanda.

Sayang ang halos apat na taon nilang relasyon, hindi biru-biro ang tagal na iyon, lalo na sa showbiz na napakabilis magpalit ng karelasyon ng mga personalidad.

Sa kanilang bahay na sa Corinthian Gardens nakatira si Mayor Patrick. Hindi na nakikita sa subdivision na tinitirhan ni Ara ang pulitiko. Mahirap itago iyon dahil kapag dumarating si Mayor Patrick ay may mga kasunod pang security.

Huli naming nakausap si Mayor Patrick Meneses ay ilang buwan na ang nakararaan. Kinailangan namin siyang kausapin dahil sa pananagutan ni Ara Mina sa isa naming kaibigan na hindi nito nababayaran.

Wala naman kaming pinag-usapang anuman tungkol sa kanilang relasyon ni Ara. Hindi rin siya nagboluntaryong magbukas ng paksa tungkol sa aktres, pero mayroon kaming napansin noong gabing iyon.

Tumatawag siya sa isang kaibigan, nagyayaya siyang lumabas, samantalang hatinggabi na iyon at oras na ng pagtulog.

Parang ayaw pa niyang umuwi, gusto pa niyang maglibang. Naalala tuloy namin ang kuwento na kapag maligaya raw ang lalaki sa piling ng kaniyang karelasyon ay halos paliparin na niya ang sasakyan para lang magkasama na sila ng babaeng sa kaniya’y naghihintay.

Nang naglabas na ng komento si Ara Mina tungkol sa paghihiwalay nila ni Mayor ay punumpuno ng pag-asa ang kaniyang posisyon. Natural lang na nangyayari ang mga ganitong sitwasyon sa mga nagmamahalan, ayon sa aktres.

Nagpo-post pa rin si Ara ng mga retrato nilang magkakasama, noong magbakasyon nga si Mayor Patrick sa Hong Kong noong nakaraang Holy Week ay nag-post pa ang aktres ng retrato ng ginanap na prusisyon sa bayang pinamumunuan ng ama ng kaniyang anak na si Mandy, gustong patunayan siguro ni Ara na sila pa rin.

Walang masamang umasa pa si Ara sa isang matamis na pagbabalikan. Hindi naman imposibleng mangyari iyon, lalo na’t hindi biro-biro ang halos apat na taon nilang pinagsaluhan.

Malaking kunsiderasyon sa pagbabalikan ang kanilang anak na si Amanda Gabrielle. Sana nga’y magkaayos pa rin sila, para makumpleto ang kanilang pamilya kahit nagli-live in lang sila.

Isang araw ay huwag na tayong magugulat kung biglang bumalik na pala uli si Mayor Patrick sa bahay ni Ara Mina. Lahat ay posible, lalo na kung may pinagsamahan naman ang mga naghiwalay, abangan na lang natin ang mga susunod na senaryo.

Angelica Panganiban – Binastos ng nag-hack ng Twitter account

Napakabastos ng mga mensaheng ipinost ng kung sinumang nang-hack ng Twitter account ni Angelica Panganiban. Palaban kung sa palaban ang aktres, hindi siya pumapayag na tapakan ng kahit sino, pero hindi siya bastos.

May matinding galit nga siguro sa aktres ang gumawa noon. Pinalabas nitong napakadupang sa sex ni Angelica, dahil ang sinentruhan nito ay ang sandata ng kaniyang mga nakakarelasyon.

Kundi man sira ang ulo ng kaniyang hacker ay lango siguro sa ipinagbabawal na gamot. Sukat ba namang ipaako nito kay Angelica Panganiban ang mga salitang pagkabababoy. Napakalaki raw ng sandata ni John Lloyd Cruz habang very tiny naman ang kay Derek Ramsay.

Sa dami naman ng pagtitripan ng hacker ay kung bakit ang ari pa ng dalawang aktor ang tinutukan nito. Binastos nito si Angelica mula ulo hanggang paa, dahil parang lumalabas na adik sa sex ang aktres.

Nakiusap si Angelica na ibalik sa kaniya ang password ng kaniyang account, ginawa naman iyon ng hacker, siguradong mula langit hanggang lupa ang galit ngayon ng aktres sa bastos na hacker.

Kunsabagay, iilan lang naman ang naniwalang si Angelica ang nag-post ng mga bastos na mensahe pero kahit pa, nagawa pa rin siyang babuyin ng taong iyon na walang magawa sa buhay kaya puro kabalbalan ang inaatupag.

Julia Barretto – Hindi na ba itutuloy ang pagpapalit ng apelyido?

Ginanap uli ang pagdinig sa petisyon ni Julia Barretto sa pagpapaalis ng apelyidong Baldivia sa kaniyang pangalan para gawin nang Barretto. Dumating si Dennis Padilla sa hearing pero wala ang mag-inang Marjorie at Julia.

Kung matatandaan, sa kanilang pagkakasundo ay nagbitiw ng salita ang batang aktres na hindi na nito ipatatanggal ang apelyido ng kaniyang ama, pero nasorpresa si Dennis dahil wala pa rin naman palang isinusumiteng withdrawal sa petisyon si Julia.

Ang dahilan ng dalaga ay hindi pa raw kasi sila nagkakausap ng kaniyang mga abogado. Kailangan daw muna nitong impormahan ang kaniyang mga lawyers na wala na itong interes sa petisyon.

Umaasa si Dennis na paninindigan ni Julia ang kaniyang salita. Wala naming plano si Dennis na makipag-usap kay Marjorie, dahil wala rin naming kauuwian ang kanilang pag-uusap.

Kapag hindi tinupad ni Julia ang kaniyang pahayag ay siguradong makakatikim na naman ng pamba-bash ang young actress. Parang lalabas na ginawa-sinabi lang nito ang pagpapaasa sa kaniyang ama para bumango ang kaniyang pangalan.

Pansamantalang pagpapabango lang pala iyon at hindi naman pangmatagalan. Umaasa si Dennis Padilla na isang araw ay magtatagpo rin sila sa korte ni Julia na bitbit na ang dokumentong magtutuldok sa kanilang problema.

Harinawa. Dahil sa bandang huli ng kuwentong ito ay ang dalaga na naman ang mapapasama. Ikakabit na naman sa kaniyang pangalan ang kawalan ng utang na loob.

Alex Gonzaga – Bakit naman kasi sa Araneta Colesium pa magko-concert?

Aminado ang isang malapit na kaibigan ni Alex Gonzaga na matumal ang bentahan ng ticket para sa kaniyang solo concert sa Smart Araneta Coliseum.

Sabi pa nito, “Kung si ____(pangalan ng isang magaling na female singer) nga na dati nang nagko-concert, mas maliit lang ang venue na kinuha nila ngayon, e, hirap na hirap sa ticket selling.

“Siya pa kaya na ngayon lang magko-concert, e, Araneta pa agad ang venue niya? Napakalaking challenge nito para kay Alex, nakakaawa naman siya, siguradong stressed na stressed na siya ngayon,” kuwento ng kaibigan ng actress-TV host.

Gusto naming may mapatunayan si Alex. Mas matutuwa kaming makitang maligaya siya dahil hindi siya nabigo sa kaniyang unang solo concert, pero sinasang-ayunan namin ang kaniyang mga kaibigan na nagsasabing malaking paglundag sa bangin ang nalalapit niyang palabas.

Sana’y mas maliit na venue lang muna ang kanilang pinili, hindi iyong Big Dome agad, dahil kahit ipagkaila nila ngayon ay totoong mahihirapan si Alex na punuin ang higanteng venue.

Pero may pasubali ang iba, mapupuno raw naman ng young actress-TV host ang Smart Araneta Coliseum kung ipamimigay lang nila ang mga ticket, may mga nagpapatotoo kasi na ganoon ang ginawa ng kanilang pamilya sa isang malakihang concert ng kaniyang Ate Toni.

Lakasan ng loob lang naman ang buhay, nagkataong malakas ang loob ng taong nagmamaniobra ng career ni Alex Gonzaga, good luck na lang sa kanila.

Isang malapit na source sa pamilya Gonzaga ang nakakuwentuhan namin ni Richard Pinlac.

Naging paksa namin ang darating na concert ni Alex. Aminado ang aming kausap, napakahina nga benta ng ticket para sa concert ng young actress, kumbaga sa panindang produkto sa palengke ay napakatumal.

“Sobrang stress ang pinagdadaanan niya ngayon, sobrang pressured siya, hindi naman kasi siya ang may gusto ng concert na iyon, e! Mommy niya ang may gusto, hindi siya, kaya talagang problemado si Alex ngayon,” pagtatapat ng aming kausap.

Maribel Aunor – Maipagmamalaki talaga ang mga achievers na anak

Gusto naming papurihan si Maribel Aunor sa magandang pagpapalaki niya kina Marion at Ashley. Napakasuwerte ng magkapatid dahil nang ipanganak ang mga ito ay napakamatagumpay nang negosyante ang kanilang ina.

Libu-libong OFW ang ipinadadala ng kumpanya ni Lala sa iba-ibang bansa, dolyares ang kaniyang kinikita buwan-buwan, pero hindi niya pinalaki sa sobrang luho ang kaniyang mga anak.

Nag-aral sa Brent School ang magkapatid, nagtapos ng kolehiyo sa Ateneo si Marion, si Ashley naman ay nasa De La Salle ngayon.

“Iyon po ang madalas kong sabihin sa kanila, mahalaga ang education, ibibigay ko sa kanilang dalawa ang suportang kailangan nila pagdating sa pag-aaral nila,” kuwento ni Lala.

Nasubaybayan namin ang paglaki nina Marion at Ashley, hanggang sa pagdadala namin ni Lala ng mga performers sa Canada nang ilang beses ay kasama namin ang magkapatid. Doon namin harap-harapang nasaksihan ang matinding respetong ibinibigay sa kaniya nina Marion at Ashley.

Para lang silang magkakaibigan kapag magkakasama, nagpapalitan sila ng mga opinyon, pero sa kanilang pag-uusap ay mararamdaman mo ang linya ng pagkakaibigan lang sa respetong kailangang matanggap ni Lala bilang ina.

“Very proud ako sa mga nangyayari sa singing career ngayon ni Marion. Si Ashley, d’yan na rin papunta. Pero more than their achievements, mas proud ako sa kanila bilang mga anak.

“Wala silang ere, masunurin sila, disiplinado ang mga anak ko. Maganda talaga iyong ipinakikita ng magulang sa mga anak nila ang pagsisikap. Nakikita nila iyon, alam nila kung paano ko sila ipaglaban.

“Sila na mismo ang nagpapayo sa akin na magdahan-dahan sa pagtatrabaho. At alam nila na ang lahat ng mga ginagawa ko, eh, para sa kanila,” emosyonal na kuwento ni Maribel Aunor.

Maraming dahilan kung bakit karapat-dapat na tawaging proud mother ngayon si Maribel Aunor. Bilang ina ay maipagmamalaki niya ang kaniyang panganay na si Marion Aunor.

Napanood namin ang kaniyang birthday concert sa punumpunong Teatrino noong nakaraang Biyernes ng gabi. Hindi nakapanghihinayang ang pakikipagbuno namin sa trapik. Naging makabuluhan ang aming panahon dahil napakagaling na singer-performer ni Marion Aunor.

Para sa isang baguhang tulad niya ay kahanga-hanga si Marion. Kakaiba na ang haplos ng kaniyang boses na siya lang ang mayroon dito sa Pilipinas ay ibang klase pa siyang gumalaw. Buhay na buhay ang audience sa kaniyang performance, para siyang foreign singer sa ipinamalas niyang husay sa kaniyang birthday concert.

Hindi siya masang-masa, pero sa tindi ng impluwensiya ng social media ay yakap na yakap ng mga kabataan ang kaniyang atake, kung saan kumukuha ng lakas ng loob si Marion ay hindi rin masagot ng kaniyang inang si Lala.

Sa kabuuan ay maraming singers ang patataubin ni Marion Aunor, sa boses at performance ay bibigyan niya ng magandang laban ang mga dinatnan na niyang performers, congratulations sa magandang panganay ni Maribel Aunor.

Have a comment on this article? Send us your feedback

Mayo 1 – 15, 2015


	Manny Pacquiao

	Rico J. Puno

	Daniel Matsunaga

	Ai Ai delas Alas

	Annabelle Rama

	Ruffa Gutierrez

	Baby Amanda, Ara Mina & Patrick Meneses

	Korina Sanchez

	Willie Revillame

	Gerald Anderson

	Jam Sebastian & Mich Liggayu

Manny Pacquiao – “Lalaban ako para sa bayan ko!”

Bumiyahe na papuntang Las Vegas ang Team Pacquiao. Kailangang maramdaman na ni Pacman ang kapaligiran ng Sin City bago ang kanilang salpukan ni Boy Daldal. Sa Mandalay Bay nakatakdang pansamantalang manirahan ang Pambansang Kamao habang pinaghahandaan hanggang sa matapos ang kanilang laban ni Mayweather.

Buung-buo ang paniniwala ni Manny Pacquiao na maipapanalo niya ang labang ito laban kay Floyd Mayweather, Jr. Madalas niyang sabihin ngayon ang linyang, “Lalaban ako para sa bayan ko.”

Todo rin ang suporta ng mga Pinoy sa iba’t ibang dako ng buong mundo. Magkakaisa ang mga kababayan nating may kapasidad gumastos para sa napakamahal na ticket para sa laban na magsasadya sila salas Vegas para suportahan ang ating kampeon. Isandaang porsiyento ang pag-asa at tiwala ng ating mga kababayan na tatalunin ni Pacman si Mayweather.

Hindi nakapasok sa Wild Card Gym sa Los Angeles ang mga Pinoy na gustong makapagparetrato kay Pacman, mahigpit si Coach Freddie Roach, kaya inabangan na lang nila ang Pambansang Kamao sa kaniyang pagdyi-jogging sa Griffith Park.

Bago bumiyahe papuntang Las Vegas ay ipinagdiwang na muna nila ang kaarawan ng kanilang bunsong si Israel, “Puno na kasi ang daily schedule ni Manny, kaya isiningit na namin,” sabi ni Jinkee Pacquiao.

Narito na ang pinakaaabangang pagtutuos! Maluwag na naman ang lahat ng mga kalye sa bayan ni Juan!

Rico J. Puno – Nagkaroon ng heart by-pass surgery

Pitong oras na tumakbo ang bypass operation ni Rico J. Puno noong nakaraang Linggo. Mula sa Makati Medical Center ay inilipat siya sa Asian Hospital para sa operasyon.

Alas tres nang hapon noong Linggo (April 26) ay nag-text pa sa amin ang kaniyang bestfriend na si Richard Merk, “It’s been seven hours now. Nasa operating room pa rin si Rico.”

Matagumpay ang kaniyang bypass operation, magpapalakas pa nang ilang araw si Rico bago siya lumabas, ngayon siguro ay nakipagkilala na ang magaling na performer sa salitang hinay-hinay.

“Everything in moderation,” sabi nga ni Tito Eddie Garcia.

Daniel Matsunaga – Baka dapat nang matutong umarte

Naloloka ang mga kaibigan namin kay Daniel Matsunaga. Wala na raw kasing ibang pinag-usapan tungkol sa Brapanese actor kundi ang pakikipagrelasyon niya sa iba-ibang artista.

Nahilaw ang relasyon nila ni Heart Evangelista. Isinama pa niya ito sa kanilang bansa para ipakilala sa kaniyang mga magulang pero pagkatapos lang nang ilang buwan ay naghiwalay rin sila.

Natsismis na nagkakamabutihan sila ni Kris Aquino, puwede niya namang sabihin na walang katotohanan iyon, pero parang nakikisakay lang siya sa agos.

Ngayon ay kay Erich Gonzales naman siya iniuugnay, sakay-to-the-max na naman ang porenerong aktor, ngumingiti-ngiti lang siya kapag natatanong tungkol sa kanila ng dalaga.

“Sana naman, masulat din kung mahusay na siyang umarte. Okey na ang katawan niya, given nang macho siya, pero natuto na ba siyang umarte?” tanong ng isa naming kausap.

Naiintindihan namin ang sitwasyon ni Daniel Matsunaga. Tulad ng Pilipinas ay third world din ang Brazil, mahirap na bansa, kaya gagawin niya talaga ang lahat-lahat para dito na lang siya mamuhay sa ating bayan.

Kahit sino ang iugnay sa kaniya ay okey lang, walang problema, basta magkaroon lang siya ng trabaho. Ganoon na lang ang isipin natin tungkol kay Daniel Matsunaga para matanggap natin kung bakit puro mga babaeng nali-link lang sa kaniya ang palaging isyu at wala nang iba pa. Ganoon lang kasimple iyon.

Kris Aquino – Kaiinisan ba o mamahalin ng publiko?

Isang grupo ng mga bukod na pinagpala ang kakuwentuhan namin noong isang araw. Kay Kris Aquino lang umikot ang aming usapan. Tungkol iyon sa paglalantad ng aktres-TV host sa mga paborito niyang branded stuff.

Mula sapatos, bag, damit, hanggang sa kaniyang underwear ay naglitanya si Kris ng mga paborito niyang binibili-isinusuot. Namamangha sa kaniya ang grupo ng mga babaeng medyo may edad na sa kaniyang mga ginagawa.

“Minsan tuloy, e, maiisip mo, ngayon lang ba siya nakakabili ng mga ganoong stuff? Dati na silang milyonaryo, hindi naman siya bagong yaman lang, but why is she too flaunty?

“Pati brand ng underwear niya, sinasabi? Pati ang klase ng bra na ginagamit niya, ipinaaalam sa publiko?” nagmamaasim pang komento ng isang ginang sa umpukan.

Pinaghihirapan naman ni Kris ang ipinambibili niya ng mga branded na kagamitan, maaaring regalo niya naman sa kaniyang sarili ang mga ganoong materyal na bagay, pero may pagpuna pa rin ang mga nasa umpukan.

“Look, kapatid siya ng pangulo, turismo at mga produkto ng Pilipinas ang ibinebenta ng gobyerno ng kapatid niya, pero heto si Kris, puro imported ang mga brands na ginagamit niya!

“We’re not saying na abaca fabric ang isuot niyang underwear, pero sana naman, e, maging discreet siya! Huwag na siyang magyabang, siya mismo kasi ang kumokontra sa mga campaign ng pinamumunuang gobyerno ng brother niya!” madiing komento pa ng isang nasa grupo.

Well, sabi nga ay dalawang bagay lang ang pamimilian natin tungkol kay Kris Aquino, ang siya’y kainisan natin o mahalin.

AiAi delas Alas – Kumpirmadong Kapuso na

Former friend. Ganoon na kung ilarawan ngayon ni AiAi delas Alas ang dati niyang BFF na si Kris Aquino. Dating kaibigan na lang kahit pa nagkabati na sila sa kasal nina Dingdong Dantes at Marian Rivera noong nakaraang Disyembre.

Nagpakatotoo lang si AiAi, pero sa kaniyang pagpapakatotoo ay siguradong iba-bash siya ng mga taga-suporta ni Kris, lalabas na hindi naman pala siya sinsero nang magkabati sila ng actress-TV host.

Nakakalungkot ang kinauwian ng kanilang pagkakaibigan. Dati ay anino sila ng isa’t isa, kung nasaan si Kris ay siguradong nandoon din si AiAi, halos hindi na sila naghihiwalay?

Dahil hindi na masaya ang Comedy Concert Queen sa kaniyang kapaligiran ay gumawa siya ng paraan. Ngayon ay kakambal na ng salitang Kapuso ang pangalan ng Comedy Concert Queen na si AiAi. Kumpirmadong hindi na siya Kapamilya, lumundag na ng bakod ang magaling na komedyana, taga-GMA-7 na siya ngayon.

Annabelle Rama – Tinawag na “certified sugar mommy” si Ruffa

Aba, maging si Tina Annabelle Rama ay umariba na rin sa kaniyang pagba-blind item sa Twitter, batu-bato sa langit ang tamaan ay guilty sabi pa ng giyererang nanay.

Tungkol naman iyon sa isang babaeng super-talino raw sa lahat ng bagay, nag-aral pa naman sa mga expensive na eskuwelahan dito at sa ibang bansa man, pero pagdating sa pakikipagrelasyon ay tanga at bobita.

Mas gusto pa raw ng babaeng iyon na gastusan ang kaniyang lalaki kesa sa kaniyang mga anak.Wala na raw ginawa ang babaeng iyon kundi ang magbantay sa harap ng computer para alamin kung anong airline ang nagbibigay ng promo para sa pagbiyahe sa iba-ibang bansa. Tinawag pang certified sugar mommy ni Tita Annabelle ang babaeng bumibida sa kaniyang kuwento.

Ang payo niya sa babae ay ang mag-ingat. Kapag wala na raw siyang pera ay iiwan lang siya ng lalaki at maghahanap ng mas mapera at mas bata kesa sa kaniya.

Palamunin daw kasi ang lalaking tinutukoy sa kuwento, kilalang escort ng mayayamang bading, kaya nakakaawa naman ang babaeng in-love na in-love sa nasabing lalaki.

Natural, ang nag-iisang hula ng mga nakabasa sa blind item ni Tita Annabelle ay ang kaniyang panganay na si Ruffa Gutierrez, mayroon pa bang iba?

Kontrang-kontra kasi si Tita Annabelle sa boyfriend ni Ruffa ngayon dahil sa kaniyang pakiramdam ay lolokohin lang nito ang kaniyang anak.

Sa kaniyang akusasyon na certified sugar mommy si Ruffa, ibig sabihi’y ang aktres ang gumagastos para sa lalaki, napakalaki ng bulto ng katawan nito pero ayaw magbanat ng buto.

Ang reaksiyon ni Ruffa sa lahat ng kuda ng kaniyang ina, “Roll eyes.” Wala lang. Kibit-balikat lang. Deadma lang habang iniikut-ikot ng aktres ang magkabila niyang mata.

Iyon naman ang maganda kay Ruffa, anuman ang sabihin ni Tita Annabelle ay nandoon pa rin ang kaniyang pagrespeto, nagsasalita man siya ay may naiiwanan pa ring paggalang ang aktres sa kaniyang nanay.

Alam ni Ruffa Gutierrez na tahipin man natin ang mundo ngayon, magputukan man ang mga aktibong bulkan sa lahat ng bansa, ay nanggaling pa rin siya sa sinapupunan ng kaniyang ina.

Ara Mina at Mayor Patrick – Walang third party sa paghihiwalay

Ngayon ay alam na namin ang buong senaryo tungkol sa paghihiwalay nina Mayor Patrick Meneses at Ara Mina. Wala nang nakataob na baraha ngayon tungkol sa pagkakani-kaniya nila ng landas.

Sa ibang bibig namin nalaman ang kuwento. Tawag kami nang tawag kay Mayor Patrick, pero hindi niya kami sinasagot. Noong kami naman ang tinawagan niya ay kami ang umiiwas, kahit ang kaniyang mga mensahe ng pagso-sorry ay hindi namin tinutugunan, kaya noong Martes nang umaga ay nagsadya na siya sa aming bahay.

Hindi uso sa amin ang pagdadahilan, gising na gising kami, pero hindi namin nilabas ang mayor ng Bulacan, Bulacan. Miyerkules nang umaga ay kumuha na siya ng magaling na abogado, kasama na niyang nagpunta sa aming bahay ang mahal naming anak-anakan na si Mayor Enrico Roque, paano pa kami makatatangging makipaglinawan sa kaniya?

Kinumpirma ni Mayor Patrick ang paghihiwalay nila ni Ara Mina. Siya ang lumabas sa relasyon, hindi siya ang iniwan, pero hindi niya tatalikuran ang obligasyon para sa kanilang anak na si Amanda Gabrielle. Anumang mga pangangailangan ni Mandy, ang kanilang anak, ay ibibigay niya. Paninindigan niya ang obligasyon bilang ama ng bata.

Pero ang para sa kanila ni Ara ay tapos na. Walang third party sa kanilang paghihiwalay, kailangan lang nilang tanggapin na gaano man katamis ang pagmamahalan sa bandang una ng kanilang pagsasama ay posibleng tumabang iyon sa pagkalipas nang ilang panahon.

Hindi rin niya ikinaila ang pagpuna ng aming impormante na kahit noong nakaraang taon pa ay ramdam na ng mga ito ang pagtabang ng pagtingin niya kay Ara. Gusto na niyang lumabas sa kanilang relasyon, pero nagdalantao ang aktres.

Aminado ang pulitiko na walang hiwalayang nagaganap nang biglaan. Nag-iipon ng mga dahilan ang sangkot sa relasyon hanggang sa isang araw ay dumating na iyon sa sukdulan.

At March 22 nga nang gabi, sa isang kilalang restaurant (Ninyo) sa Katipunan, ay nagdesisyon na si Mayor Patrick na hingin ang kaniyang kalayaan kay Ara Mina. Kinabukasan ay hinakot na niya pati ang kaliit-liitan niyang kagamitan mula sa bahay ng aktres at dinala na niya sa kanilang bahay sa Corinthian Gardens.

Korina Sanchez – Babalik sa TV Patrol pagkatapos mag-aral

Nakasabay ng aming kaibigan sa eroplano si Korina Sanchez. Manghang-mangha ang aming kaibigan, hindi ito makapaniwala, ang liit-liit at ang payat-payat lang daw pala ni Ate Koring.

Ang dahilan ng kaibigan namin, “Ang tapang-tapang kasi niya, para siyang malaking tao kung makapagbitiw ng matatapang niyang opinyon. E, napakaliit lang pala niya?”

Tamang obserbasyon. Kayang-kayang daklutin ng isang kamao lang ang maliit na mukha ng matapang na mamamahayag. Manipis din ang kaniyang pangangatawan, parang sa isang tulak lang ay babagsak na siya, pero kapag nagsasalita na sa mikropono at sa harap ng mga camera si Korina Sanchez ay parang kasinglaki siya ng mundo.

Magaling na trainer ng mga nangangarap maging matagumpay na mamamahayag si Ate Koring. Sa linya ng trabaho ay napakahigpit niya, makakatikim ka ng galit mula sa kaniya, pero sa pag-uwi mo ng bahay kinagabihan ay pasasalamatan mo siya.

Perfectionist si Korina. Ayaw niya sa kala-kalahating paglalabas lang ng talento, gusto niyang isandaang porisyento ng kapasidad mo ang makita niya, magkakasundo kayo.

Pansamantala siyang nagpaalam sa TV Patrol dahil sa karagdagang kaalaman na gusto niyang kunin sa paaralan. Hindi siya tinanggal, siya ang pumili na umalis muna, gusto niyang bigyan ng konsentrasyon ang kaniyang edukasyon.

Pagkatapos noon ay babalik uli siya sa programa, dalawang-kamay uli siyang tatanggapin ng bulwagang pambalitaan ng ABS-CBN, dahil ang TV Patrol kapag wala si Korina Sanchez ay parang sinigang na walang lasa.

Willie Revillame – Super production ang inihahanda sa first show

Noong April 28 nang tanghali ginanap ang blessing ng bagong studio at magiging permanente nang tahanan ng Wowowin ni Willie Revillame.

Kumpleto ang production staff ni Willie, ang kaniyang mga kaibigan at sponsors, pati ang ilang ehekutibo ng GMA-7 na makakatrabaho na niya simula sa darating na May 10.

Dahil siya mismo ang prodyuser ng kaniyang show ay halos wala nang pahinga sa pakikipagmiting ngayon ang aktor-TV host. Personal niyang pinamahalaan ang lahat ng aspeto ng bago niyang show, hands-on si Willie kahit kailan, kahit pa wala na halos siyang natitirang oras para sa kaniyang sarili.

“Iba kasi iyong alam mo ang mga nangyayari, marunong naman akong mag-delegate, may namamahala naman sa mga kakailanganin sa show, pero iba pa rin iyong alam ko mismo ang mga nangyayari.

“May mga kailangan kasi na hindi naman nila madesisyunan, sa akin pa rin sila magtatanong, kaya para makatipid kami sa oras, ako na mismo ang uma-attend,” pahayag ng magbabalik-himpapawid nang kuya ng buong bayan.

Mambubulaga ang Wowowin sa kaniyang unang sultada. Sa opening production number pa lang ng show ay 200 dancers at personalities na ang maghahalinhinang umakyat sa entablado.

Fisrt time in Philippine television history raw na mangyayari ang ganoon katindi at kalaking production number na siyempre’y binabantayang mabuti ni Willie ang lahat ng anggulo.

“Palaging pinakamahirap ang unang show. Matrabaho, mabusisi, talagang bagsak ang katawan mo. Sa rehearsal pa lang, talagang patayan na. Umuuwi kami nang madaling-araw na at maaga na namang babalik kinabukasan para ituloy ang rehearsal.

“Ilang beses ko nang naranasan ang ganitong panganganay sa unang araw ng show. Mahirap, pero napaka-rewarding naman, lalo na kung nagagawa naming lahat ang dapat,” kuwento pa ni Willie.

Kailan lang ay pumirma ng kontrata si Willie para sa Happy Mobile. Uulan na naman ng cellphone sa Wowowin, kani-kaniyang salo na naman ang kaniyang studio audience ng makasaysayang jacket ng kaniyang show, house and lot at cash prizes ng Wowowin.

Gerald Anderson – Bakit laging nili-link sa mas may edad na babae?

Palaging nauugnay ang pangalan ni Gerald Anderson sa mga babaeng malaki ang agwat ng edad sa kaniya. Noon ay pumutok ang kuwento tungkol sa kanila ni Maricel Soriano. Naudlot lang ang istorya dahil may mga nakialam, ngayon ay si Janice de Belen naman ang napapabalitang ka-close ng tisoy na aktor.

Ang sabi, kapag ang isang lalaki raw ay nagbibigay ng atensiyon sa isang babaeng halos tiyahin o nanay na lang niya ay isa lang ang ibig sabihin noon, kapos sa pagmamahal ng ina ang lalaki.

Pero marami kaming nakausap na impormante na nagpapatunay na walang katotohanan ang napabalitang pagkakalapit nila ng loob ng Diamond Star. Imbento lang daw iyon ng mga taong may gustong takpan na totoong kuwento, tulad ng kahinaan sa pag-arte ni Gerald.

“Hindi totoo iyong kuwento ng necklace, lalo namang hindi totoong gustong isama ni Marya sa bahay niya si Gerald para i-workshop, kalokohan lang ang mga kuwentong iyon!

Ang totoo, e, naburyong si Marya sa paulit-ulit na takes ni Gerald, nainis siya dahil hindi naman pala nakahanda sa trabaho niya ang bagets, kaya nagtatalak ang lola n’yo!

“Hindi sila naging close, hindi siya type ni Marya, puwede ba? Inimbento na lang ng mga kakampo ni Gerald iyong tungkol sa necklace, diverted na nga naman ang kuwento!” madiing sabi ng aming kausap.

Si Janice de Belen naman ang iniuugnay kay Gerald ngayon pagkatapos ng kanilang hiwalayan ni Maja Salvador, isang produkto sa merkado na hindi namin bibilhin, dahil halatang-halata namang pang-promo lang ang kuwento.

Mich Liggayu – Dapat bang paniwalaan ang akusasyon ni Mommy Maricar?

Dahil sa matinding pagtungayaw ni Mommy Maricar Sebastian, ina ng namayapang You Tube Sensation na si Jam, laban kay Mich Liggayu ay isang impormante ang tumawag sa amin para balansehin ang istorya.

Nalulungkot ang aming kausap dahil sobra-sobrang panlalait ang tinatanggap ngayon ni Mich mula sa ina ni Jam. Sangkot pa ang usapin ng pera sa mga pahayag ni Mommy Maricar, user daw ang dalaga at niloko lang ang kaniyang anak noong nabubuhay pa ito.

Simula ng aming source, “Sobra akong naaawa kay Mich. Kundi mo siya kilala, paniniwalaan mo ang mga akusasyon sa kaniya ng mommy ni Jam.

“Pero kung nasakama mo sila nang matagal, kung nasubaybayan mo ang kuwento ng Jamich, ibabato mo pabalik kay Mommy Maricar ang mga bintang niya laban kay Mich,” mabigat agad ang unang pahayag ng aming impormante.

Ilang taon ang binalikan ng aming source. Iyon ang pagkakataong naghahanap ng pagmamahal si Jam. Abala sa kaniyang negosyo si Yexel at ang mommy naman nito ay walang pakialam sa kaniyang bunso.

“Teka lang muna. Bakit ba nagpalaoy-laoy si Jam noon? Bakit ba nakakita siya ng kakampi kay Mich? Abala ang kuya niya, ang mommy niya naman, napakahilig makipagbarkada, inom lang nang inom, ganoon lang palagi ang ikot ng buhay niya.

“Kundi dahil kay Mich, matagal nang patay si Jam! Siya ang nag-asikaso kay Jam, siya ang gumagastos sa pagpapagamot, siya ang nag-aalaga kay Jam!

“Kung magdedenay si Mommy Maricar, haharap kaming lahat na nakakaalam ng tunay na kuwento. Ipamumukha namin sa kaniya ang mga kakulangan niya bilang ina ni Jam.

“Pasalamat si Mommy Maricar at nakatagpo si Jam ng isang Mich na hindi lang niya girlfriend kundi bestfriend pang umuunawa sa kaniya.

“Marami kaming nakakita ng sitwasyon ni Jam noon, sobra-sobrang minahal siya ni Mich, alam ni Mommy Maricar kung anu-ano ang naging pagkukulang niya sa anak niya.

“Kaya instead na siraan niya iyong tao, sa halip na kuwestiyunin pa niya si Mich sa usapin ng pera, eh, matuto muna sana siyang magpasalamat dahil lahat ng pagkukulang niya sa anak niya, si Mich ang sumalo!” madiing pagpapatotoo ng aming impormante.

Walang nakikitang sinseridad ang aming source sa mga pinagsasasabi ngayon ni Mrs. Maricar Sebastian. Walang-wala. Acting lang iyon. Over-acting pa nga.

Bilang pagtatapos ay sinabi pa ng aming kausap, “Iyong mga litanya ni Mommy Maricar ngayon na mahal na mahal daw niya si Jam, noon pa sana niya sinabi iyon! At iyong pag-iyak niya, guilt iyon! Alam niya sa sarili niya na noong mga panahong naghahanap ng pagmamahal at pag-aalaga ang anak niya, eh, wala siyang ibinigay!

“Mahirap talagang kalaban ang kunsensiya. Iyon na ang kalaban niya ngayon, hindi si Mich! Puwede siyang manumbat kundi buhay ang mga taong nakakaalam ng totoong kuwento.

“Pero heto pa kami, buhay na buhay, kaya napakalakas ng loob niyang kawawain ang babaeng nagdugtong ng buhay ng anak niya!” napakadiing pagtatapos ng aming source.

Have a comment on this article? Send us your feedback

Mayo 16 – 31, 2015


	Manny Pacquiao

	Mommy D. & Manny

	Grace Poe Llamanzares

	Sharon Cuneta

	Ruffa Gutierrez

	Willie Revillame

	Anna Feliciano

Manny Pacquiao – Kumpirmadong tatakbo sa Senado

Isang mainit na pagsalubong pa rin ang ibinigay ng ating mga kababayan sa Pambansang Kamao sa kaniyang pagdating ng umaga ng May 13 sa kabila ng pagkatalo niya kay Floyd Mayweather, Jr. sa Amerika.

Sa puso at isip ng mga Pinoy ay si Pacman pa rin ang kampeon. Siya pa rin ang People’s Champion. Wala pa ring boksingerong makakakabog sa bangis ng kaniyang mga kamao.

Dobleng proteksiyon ang ibinigay kay Congressman Manny Pacquiao sa motorcade dahil naka-sling pa rin ang kanan niyang braso dahil sa operasyong pinagdaanan niya sa Amerika noong May 6. Tinahi ang torn ligaments niya na nangangailangan nang anim na buwang pahinga at rehabilitasyon.

Pagkatapos ng parada sa Maynila ay agad ding lumipad pauwi sa GenSan ang Pambansang Kamao at ang kaniyang pamilya. Nag-aabang din kasi sa kaniya doon ang mainit na pagwelkam ng kaniyang mga nasasakupan. Nagsanib-puwersa ang GenSan at Saranggani Province sa pagsalubong sa matagumpay na anak ng kanilang probinsiya.

Anuman ang sabihin natin ngayon tungkol sa nakaraang laban-pagkatalo ni Manny Pacquiao kay Floyd Mayweather, Jr. ay may isang katotohanang hinding-hindi na mabubura.

Ilang patong uli ang nadagdag sa kaniyang kayamanan. Bilyun-bilyon ang nadagdag sa kaniyang kaban, kaya puwedeng mabuhay ang kaniyang mga anak nang kahit daan-daang taon na masagana ang buhay.

Napunit man ang mga laman sa kaniyang kanang balikat at napangahan man siya ni Mayweather (na kung tawagin ni Mommy Dionisia ay Floyd Weather) ay nakabuslo na ang kaniyang kayamanan.

Pero bago niya naman kitain ang halagang iyon ay halos mamatay-matay na ang Pambansang Kamao. Hindi niya naman pinupulot lang sa ring ang bilyong halaga. Nakataya ang kaniyang buhay sa laban, patay kung patay.

Ang pinakahuling balita na ibinahagi ni Pacman ay hindi na kakandidato sa susunod na eleksiyon ang kaniyang maybahay na si Vice-Governor Jinkee. Ang kanilang pamilya na lang daw ang aasikasuhin ng kaniyang misis lalo na ngayong nagsisilaki na ang kanilang mga anak.

Marami namang nagpapalagay na kailangang magpahinga ni Jinkee sa mundo ng pulitika dahil si Pacman ang kakandidato sa susunod na taon sa mas mataas na posisyon.

Hindi sa pagiging pangulo, alam ni Pacman ang kaniyang kapasidad, kung sa ring lang ang labanan ay siguradong magtatagumpay siya pero iba ang pulitika sa boxing.

Ang kumpirmado nang tatakbuhang posisyon ng Pambansang Kamao ay pagiging senador. Nakaplantilya na rin kung saang partido siya sasama. Handang-handa na si Pacman sa bagong laban na susuungin niya.

Mommy Dionisia – Dapat lang dakilain sa dami ng sakripisyo

Napakasuwerteng ina ni Mommy Dionisia Pacquiao. Nirerespeto at mahal na mahal siya ng kaniyang mga anak, lalo na ng Pambansang Kamao. Iyon ang maganda kapag nakita ng mga anak ang matinding sakripisyo ng ina para lang sila buhayin.

Nirerespeto rin ni Pacman ang kaniyang ama. Wala kang maririnig na anumang hindi kagandahang salita mula kay Manny Pacquiao patungkol sa kaniyang ama na nakahiwalay ng kaniyang nanay. Iyon ang kahanga-hanga sa People’s Champion bukod sa pamatay nitong kamao.

Sabi ni Mommy Dionisia sa minsang pagkukuwentuhan namin, “Lahat ng mga anak ko, hindi nagutom. Umaga pa lang, nagtatrabaho na ako. Nagtitinda ako ng kung anu-ano, madaling-araw pa lang, naghahanap na ako ng maipanglalaman sa bituka nila.

“Si Manny, bata pa lang, tumutulong na sa akin, nagtinda siya ng pandesal, nagtrabaho sa gasolinahan, nangangahoy pa siya sa bundok para maibentang panggatong,” pagbabalik-tanaw ng kilala na ngayong Pacmom.

At pinatutunayan iyon ng Pambansang Kamao. Nakita nito ang matinding pagsasakripisyo ng kaniyang ina, kaya naman ngayon kinasihan na ng kapalaran ang anak ay matinding suporta ang ibinibigay nito sa kaniyang nanay.

“Matindi ang mama ko, matapang siya, saka hindi niya kami pinabayaan. Maghapon siyang trabaho nang trabaho, hindi uso kay mama ang pahinga,” minsang sinabi sa amin ni Pacman.

Iyon ang dahilan kung bakit naging napakaganda ng kapalaran ni Pacman, mabait itong anak at kapatid, hindi sinasarili ng Pambansang Kamao ang mga biyayang dumarating sa kaniya.

“Kung ano ang mayroon ako, basta kaya ko, go lang nang go! Para everybody happy!” madalas na bukambibig ng boksingerong pinagpala ng panahon at kapalaran.

Team Pacquiao – Sino kaya ang nag-traydor kay Pacman?

May nagtraydor sa Team Pacquiao! May isang kasama si Manny Pacquiao na naghudas sa kaniya! Ito ngayon ang malaking isyung pinagpipistahan sa kampo ng Pambansang Kamao dahil may nagparating sa Team Mayweather tungkol sa iniinda niyang sakit sa kanang balikat.

Lihim na lihim pala ang tungkol doon. Si Pacman at sina Coach Freddie Roach at Trainer Buboy Fernandez lang ang nakakaalam tungkol sa mga detalye, pero lumabas sa kanilang kampo ang balita at bumiyahe papunta sa mga nagpapatakbo ng boxing career ni Floyd Mayweather, Jr.

Nag-aamuyan at nagpapakiramdaman na ngayon sa Team Pacquiao kung sino ang nagbulgar ng lihim ng shoulder injury ng People’s Champ sa kampo ni Mayweather.

Pagpapatunay ng aming kausap, “Pansinin n’yo, palaging kanang balikat ni Manny ang pinupuntirya ni Mayweather noong laban nila. Pati ang pang-iipit at pagyakap-yakap ni Mayweather, ang right shoulder ni Manny ang lagi niyang pinupuruhan, may nakapagsabi na kasi sa kampo niya na iyon ang pinakamahinang part ng katawan ni Manny.”

Tagaloob lang ang puwedeng akusahan sa paglabas ng detalye tungkol sa torn ligaments ng Pambansang Kamao sa kanan niyang balikat. Iilan lang ang nakakaalam noon, hindi puwedeng mula sa labas nag-ugat ang istorya.

Sen. Grace Poe Llamanzares – Pinag-aagawan ngayon para sa susunod na eleksyon

Napakapositibo ng dating ni Senador Grace Poe Llamanzares. Sa bawat pagbuka ng bibig ng bagitong senador ay nandoon palagi ang pagrespeto. Hindi mo siya mahuhuling nagyayabang, nangungutya, kahit mayroon naman siyang puwedeng ipagmalaki.

Nanguna siya noong nakaraang halalan. Siya ang numero unong senador para sa ating mga kababayan. Pinanindigan niya ang lahat ng kaniyang ipinangako sa kampanya at kahit sa mga ginaganap na pagdinig sa Mataas Na Kapulungan ay nakikita ng publiko sa kaniya ang mga katangian ng isang pulitikong sinsero ang hangarin para sa kaniyang bayan.

Pinag-aagawan ngayon si Senador Grace para tumakbo sa mas mataas na posisyon. Kinausap na siya ni P-Noy, kinakausap din ng kabilang partido ang may malinis na imaheng senadora.

Pero sa kabila ng pag-aagawan sa kaniya ay wala kang mararamdamang yabang mula sa senador. Nananatili siyang mapagkumbaba. Wala sa bokabularyo niya ang ambisyong maging tagapamuno ng bansa. Pinalakpakan ng publiko ang kaniyang pahayag na hindi siya puwedeng basta lumundag nang malayo dahil marami pa siyang dapat matutuhan sa mundo ng pulitika.

Pero marami nang nakakaamoy sa maaaring mangyari sa susunod na taon. Ayaw man niyang tanggapin nang agaran ang alok sa pagtakbong vice-president ay iyon din ang kauuwian ng lahat, siya pa rin ang papagitna sa entablado de kampanya, dahil siya ang karapat-dapat.

“Napakaganda ng breeding ng batang iyon,” papuri ng isang nakausap naming matanda nang pulitiko. “Siya dapat ang maging pangulo ng ating bayan. Sa mga ipinakikita niya ngayon, siguradong nakabuslo na ang panalo niya.

“Wala siyang ere, marespeto si Senator Grace Poe, siya ang kailangan ng bayan natin ngayon,” komplimento pa ng matanda kay Senadora Grace Poe Llamanzares.

Sharon Cuneta – Nahihirapang bumalik sa dating katawan si Mega

Mahihirapan na nga sigurong bumalik pa ang dating timbang ni Sharon Cuneta. Isang grupo ng mga kababayan natin ang nagsadya sa ABS-CBN para sa kanilang educational trip, tiyempo namang dumating ang Megastar, tuluy-tuloy na naglakad si Sharon papasok sa studio at kumaway na lang sa mga nag-iikot sa istasyon.

Napansin ng grupo na napakalaki pa rin ng singer-actress. Hinahanap siguro ng mga ito ang sinasabing nabawas sa kaniyang dating mabigat na timbang, pero hindi makita ng mga ito iyon.

Lumobo kasi si Sharon nitong mga nakaraang panahon. Literal siyang napabayaan sa kusina, kaya lumaki at bumigat siya nang todo. Pero malaki na rin ang nabawas sa kaniya noong lagay na iyon.

Malaki na ang ipinayat niya, disiplinado na rin siya sa pagkain. Alam ni Sharon na kundi niya gagawin iyon ay magpapatuloy ang kaniyang paglobo.

Pero sa kabila ng paglusog ng singer-actress ay maganda pa rin siya may make-up man o wala. Katawan lang talaga ang problema ni Sharon pero ang walang enhancement niyang mukha ay nandiyan pa rin at kumakabog sa kaniyang mga kasabayan.

Noon pa man ay big bone na si Sharon. Maaasahan na ang kaniyang paglaki, pero huwag na lang sanang madagdagan pa nang madagdagan.

“Walang binago sa face ni Shawie, original lahat iyon. Liposuction lang ang pinatulan niya dahil kailangan,” pagdidiin pa ng aming source.

Ruffa Gutierez – PG (patay-gutom) daw ang boyfriend ngayon ayon sa ina

Harinawang magkaintindihan na nga ang mag-inang Ruffa Gutierrez at Tita Annabelle Rama. Sila kasi ang pinagpipistahan sa kahit saan ngayon. Manghang-mangha ang mga kababayan natin sa mga pinagsasasabi ng ina sa kaniyang kaisa-isang anak na babae.

Tanong ng isang kaibigan namin, “Kung anak-mayaman kaya ang lalaking makakarelasyon ni Ruffa, magkakaganyan pa kaya ang mommy niya? Para kasing lumalabas na wala lang datung ang boyfriend ng anak niya, kaya nagkakaganyan si Tita Annabelle.

“Kung sakali kayang milyonaryo ang guy, makakarinig pa kaya tayo at makakabasa ng mga paglalantad ng mga lihim ni Ruffa mula sa mommy niya?” pang-uurirat ng aming kaibigan.

Siguro nga ay lumalampas na sa dapat lang ang mga atake ni Tita Annabelle kay Ruffa at sa kaniyang karelasyon ngayon. Tinawag na PG, as in patay-gutom, ni Tita Annabelle si Jordan Mouyal.

Depensa naman ng nakauunawa sa ina ni Ruffa, “May nakikita sigurong reason si Tita Annabelle para maliitin ang lalaki! Si Ruffa siguro ang nagpapakain sa guy, kaya ganyan na lang ang galit ni Tita Annabelle!

“Bakit naman kasi hindi patunayan noong guy na hindi totoo iyon! Bakit hindi siya magtrabaho, bakit hindi niya ipamukha kay Tita Annabelle na guni-guni lang ang mga pintas na inaabot niya? Kumilos siya, para hindi siya nalalait!” sabi pa ng isa naming nakausap.

May katwiran ang nagkomento, ang pagrespeto ng pamilya ni Ruffa sa lalaki ay manggagaling mismo sa kaniya, iyon lang iyon.

Willie Revillame – Waging-wagi ang Wowowin sa GMA7!

Binulabog na naman ni Willie Revillame ang mundo ng telebisyon! Panalung-panalo na naman ang kuya ng bayan sa nakaraang unang sultada ng kaniyang Wowowin!

Kung noong maging panauhin siya ni Jessica Soho sa programa nito ay kinabog ng programa ang kaniyang mga kasabay, sa unang episode naman ng Wowowin ay muling pinatunayan ni Willie Revillame ang matindi niyang karisma. Nagmarka ang Wowowin sa rating na 8.8% kumpara sa mabababang rating na naitala ng kaniyang mga katapat na programa.

Masayang-masaya siyempre ang buong produksiyon ng aktor-TV host. Isang malaking inspirasyon para sa kanila ang mataas na rating ng Wowowin. Kapag ganyan nang ganyan ang rating ng kanilang programa ay hindi malayong maging araw-araw na ang show ni Kuya Wil.

Iyon ang masarap na bunga ng kanilang matinding preparasyon, mahirap maging boss si Willie, sa linya ng pagtatrabaho ay siya ang tinaguriang lalaking Korina Sanchez dahil sa kagustuhan niyang maging perpekto ang lahat ng kaniyang mga ginagawa.

Pero siya rin ang pinakamasarap na maging boss pagkatapos ng trabaho, marunong humimas ng sugat si Willie, bukod sa panghihingi ng paumanhin ay paboloso pa siyang magregalo sa kaniyang staff.

Sabi ni Willie, “Alam ko namang hindi namin magagawang perfect ang lahat, pero mas maganda na ang almost perfect kesa sa hindi kami nag-try.”

Maraming tagasuporta ng programa ang humihiling na sana’y araw-araw na nilang mapanood ang Wowowin, bitin na bitin daw kasi ang isang oras lang tuwing Linggo nang hapon, sana raw ay magdesisyon si Willie at ang pamunuan ng GMA-7 na gawin nang daily ang game show ng kanilang idolo.

Bigyan ng jacket ‘yan!

Anna Feliciano – Hindi marunong tumanaw ng utang na loob!

Si Geleen Eugenio na ang choreographer ng Wowowin, wala na sa produksiyon ni Willie Revillame si Anna Feliciano, sangkot ang usapin ng pera sa pangyayari.

Sayang dahil si Willie ang naging dahilan kung bakit nagmarka ang pangalang Anna Feliciano bilang choreographer. Kung tutuusin ay hindi kabilang sa Anna sa mga tumaya sa paglipat ni Willie sa TV5 noon, pero kinuha pa rin siya ni Willie. Nanganib ang trabaho noon ni Anna sa ABS-CBN dahil sa pagrereklamo ng kaniyang mga dancers.

Sobrang liit ng ibinibigay niyang talent fee sa mga dancers na pinakikinabangan niya sa paggawa ng mga TVC, sa pagtanggap ng mga trabaho sa iba’t ibang kompanya, pero sobrang hindi parehas ang ibinabayad niya sa mga dancers.

Kinuha siya ni Willie. Si Anna Feliciano ang namahala sa mga dancers ng mga naging shows nito sa TV5. Ang aktor-TV host din ang nagbayad sa pagpaparetoke ng dibdib ng choreographer.

Heto na. Noong sigurado nang magkakaroon ng bagong show si Willie sa GMA-7 ay kinausap si Anna ng isang tagapamahala ng produksiyon.

May konting ipinakiusap kay Anna ang kumausap sa kaniya, kung puwedeng hindi muka malaking-malaki ang TF (talent fee) niya dahil weekly pa lang naman ang programa ni Willie, kapag nag-daily na ay mag-uusap sila uli para sa bagong pakete.

Pumalag agad si Anna Feliciano. Agad-agad na nagpakilala ng kaniyang kulay pagdating sa usapin ng pananalapi. Hindi raw siya papayag sa presyong sinabi sa kaniya kaya humanap na lang daw ng ibang choreographer si Willie.

Totoong nagulat, pero sa halip na magalit ay nalungkot ang kumausap kay Anna. Pera-pera na lang ba ang mahalaga ngayon para sa choreographer na binigyan ng magagandang oportunidad ni Willie Revillame?

Sabi ng aming source, “Spoiled si Anna kay Wil. Gusto niyang mag-co-host, isinalang siya! Gusto niyang magpalaki ng boobs niya, binigyan siya ni Wil ng pampaopera niya!

“Gusto niya ng mga branded bags, mayroon siya! Pero ano’ng nangyari kay Anna, bakit niya ginanoon si Wil, pera-pera na lang ba talaga ang laban ng buhay para sa kaniya ngayon?

“Totoo pala ang reklamo noon ng mga dancers niya? Daang libo ang halaga ng contract na pinipirmahan niya para sa trabaho ng mga dancers, pero barya-barya lang ang ibinibigay niyang talent fee dahil kinakatkong niya?” inis na sabi ng aming kausap.

Naalala tuloy namin ang dating mister ni Anna na si Mel Feliciano, isang magaling ding choreographer, pero nagdidirek na ngayon.

Basta lang. Napakarami kasi naming alam na detalye tungkol sa kanilang paghihiwalay. Ang pera nila sa bangko, ang bahay nila sa Baguio, ang dami-dami!

Kris Aquino – Nilangisan ang dila, walang garter ang pananalita

Natural lang para kay Kris Aquino na ipagtanggol naman ang kaniyang kuyang pangulo sa sangdamakmak na pangungutya sa pulitiko niyang kapatid.

Parang artista rin kasi ang pulitiko. Kumanan at kumaliwa sila ay mayroon pa ring masisilip na hindi maganda ang ibang tao, para silang tumutulay sa alambre.

Dahil doon ay aminado si Kris na sobra na siyang nasasaktan. Tao lang din naman daw ang kaniyang kuya na hindi perpekto, pero ipinagdidiinan ni Kris na hindi magnanakaw ang kaniyang kapatid.

Binabalanse ng aktres-TV host ang sitwasyon. Kapag sobra-sobrang pang-uupak na ang ibinabato laban sa kaniyang kapatid na pangulo ay nagpo-post naman siya ng magagandang katangian at nagagawa ni P-Noy. Sa pakiramdam ni Kris ay positibo ang kaniyang ginagawa.

Pero hindi niya naiiwasang malagay sa alanganin, marami siyang bashers, at sumasagot siya kapag sa palagay niya’y sobra-sobra na ang panlalait sa kaniya.

Iyon si Kris Aquino. Nilangisan ang kaniyang dila, walang garter ang kaniyang pananalita. Sasabihin niya kung ano ang sa palagay niya ay tama at wala siyang pakialam kung kainisan man siya ng buong mundo.

Komento ng isang kaibigan naming propesor, “May mga panahong gusto ko ang mga sinasabi ni Kris, pero mas maraming pagkakataon na ayoko sa kaniya. Self-serving kasi siya, may kayabangan, super-bratty.”

At tanggap ng marami na kundi mo kayang mahalin si Kris Aquino ay kaiinisan mo na lang siya. Iyon si Kris Aquino para sa ating lahat.

Have a comment on this article? Send us your feedback

Hunyo 1 – 15, 2015


	Rico J. Puno & Queenzie Natividad (Facebook photo)

	Rico J. Puno fundraiser (Facebook photo)

	Sharon & Kiko kasama sina (l-r) Miguel, Frankie & Miel

	KC Concepcion

	Mar Roxas & Korina Sanchez

	Gerald Anderson

Rico J – Tagumpay ang benefit shows para sa nagkasakit na singer

Maagang dumating sa Zirkoh-Tomas Morato noong Biyernes (May 29) nang gabi si Tosca, panganay na anak ng music icon na si Rico J. Puno, dahil siya ang magbubukas ng palabas bilang handog sa kaniyang ama.

Naging matagumpay ang benefit show para sa premyadong singer na katatapos lang sumailalim sa triple bypass operation. Nagdatingan ang kaniyang mga tagasuporta, ang mga tagahanga ng singer na ilang dekada na ang binibilang sa mundo ng musika, punumpuno ang Zirkoh.

Bago nagsimula ang concert ay nagpasalamat muna ang tatlong anak ni Rico sa pamumuno ni Tosca. Sinsero ang kaniyang pasasalamat sa lahat-lahat ng nagtulung-tulong para mabuo ang isang malaking pagtitipong handog para sa kaniyang tatay. Pinuri niya ang mga kasamahang singers ni Rico na naglaan ng panahon at talento para sa isang kasamahang nangangailangan ng ayuda.

Grabe ang show, wala kang itatapon. Panalung-panalo ang mga nanood dahil napakaraming performers na umakyat sa entablado. Maraming-maraming salamat sa busilak na puso nina Tirso Cruz III, Dulce at ang mahusay nitong anak na si David Ezra, Eva Eugenio, Lolita Carbon, Jessa Zaragoza at Vice-Governor Dingdong Avanzado, Tuesday Vargas, Dessa, Malu Barry ang OPM Hitmen (Renz Verano, Richard Reynoso, Rannie Raymundo, Chad Borja) at ang napakahusay na tambalan nina Jose Manalo at Wally Bayola. Nagkaroon din ng fundraiser para kay Rico sa Hard Rock Café noong May 27 na binuo naman ng kaniyang kaibigang si Richard Merck.

Harinawang magpatuloy ang paggaling-pagpapalakas ni Rico J. Puno para muli itong makapagsabog ng saya sa ating mga kababayan.

Sa lahat ng mga singers na nagbigay-suporta kay Rico J. Puno, sa lahat ng naghandog ng panahon para sa music icon, maraming-maraming salamat po sa inyong lahat.

Nora Aunor – Bakit hindi first class o business class ang booking?

Linggo nang gabi ay nagpunta na sa airport si Nora Aunor para bumiyahe papuntang France. Dadalo siya sa red carpet premiere night para sa lahok niyang pelikula sa Cannes International Film Festival na Taklub.

Nauna na sa France ang kaniyang direktor na si Brillante Mendoza at ang kaniyang prodyuser na si Senadora Loren Legarda. Hindi nakasabay sa biyahe ang Superstar dahil naospital pala siya.

Pagdating niya sa airport ay ibinigay sa kaniya ng staff ng produksiyon ang kaniyang ticket, economy ang nakalagay, bibiyahe siya nang ilampung oras papuntang France na wala sa first class o business class.

Nagdesisyon si Nora na huwag nang bumiyahe. Tinipid ang kaniyang akomodasyon. Hindi krimen ang maupo sa economy class dahil sabay-sabay namang ang paglapag ng lahat ng mga pasahero sa kanilang destinasyon pero sa pakiramdam ng aktres ay masyado naman siyang minenos at minaliit.

Pumayag na nga siyang ituloy ang biyahe kahit masama pa ang kaniyang pakiramdam. Inisip niyang ipapahinga na lang niya sa eroplano ang kaniyang katawan, pero paano nga ba naman niya iyon magagawa sa isang masikip na espasyo ng eroplano?

Respeto, pagpapahalaga, importansiya. Doon kinapos ang mga kausap ng Superstar. Bitbit niya ang pangalan ng Pilipinas sa kumpetisyon, kahit hindi na niya panahon ngayon ay siya pa rin ang nag-iisang Superstar, dapat lang naman bigyan ng kaukulang pagpapahalaga ang kaniyang estado at pangalan.

Naalala tuloy namin ang sinabi noon ng isang manager sa isang show promoter sa ibang bansa, “Nagbayad na kayo nang malaki sa talent ko, huwag n’yo nang tipirin ang airfare. Sa business class n’yo siya ilagay.”

Sharon Cuneta – Si Frankie raw ang “very me” – nagseselos ba si KC?

Pinakinggan namin ang magkakaibang opinyon ng aming mga kaibigan sa mainit na pinagdidiskusyunang isyu ngayon tungkol sa pagtrato ni Sharon Cuneta sa kaniyang mga anak.

May namumuo kasing bagyo sa pagitan ngayon ni Sharon at KC, ang kaniyang panganay na diumano’y nagrerebelde, dahil sa nararamdaman nitong insekuridad sa pagtingin ng Megastar sa kaniyang kapatid na si Frankie.

Puro ina ang aming mga kausap, punto de vista ng mga nanay ang aming naririnig, hindi man hinihingi ng sitwasyon ay maganda ring makarinig ng opinyon ng mga ina sa sinasabing pagrerebelde ngayon ni KC.

Komento ng isang ina, “Lahat ng anak, mahal ang magulang. Pare-pareho naman kasi natin silang dinadala nang siyam na buwan sa sinapupunan, lahat sila, dugo at laman din natin.

“Nabasa ko rin nang buo ang post ni Sharon about Frankie. Hindi lang si KC ang naisip ko habang binabasa ang mga papuri niya sa anak niya. Nand’yan din si Miel, ang adopted nilang si Miguel, lahat ng mga anak niya.

“I also felt na dapat, hindi na isinapubliko pa ni Sharon ang sobrang pagtatangi niya kay Frankie. Nag-iimbita kasi iyon ng reaction. And more than that, talagang may magre-react mula sa pamilya niya mismo.

“May pitik kasi iyong sinabi niya na si Frankie raw talaga ang nagmana sa kaniya, very me, sabi pa niya. At all caps pa ang pagkaka-post ng love, respect and gratitude.

“Marespeto raw sa kaniya at kay Senator Kiko si Frankie, simple at hindi maarte, thoughtful daw at marespeto ang anak niya kaya mahal na mahal niya.

“As a mother, hindi na lang siguro niya dapat ipinagsigawan iyon sa buong mundo dahil marami siyang anak na magre-react, maganda man ang motive niya, natural lang na may magselos sa mga anak niya,” mahabang opinyon ng ina naming kaibigan.

“Very showy siguro si Frankie sa pagbibigay ng pagrespeto sa kanila, hindi tulad ng ibang anak niya na hindi masyadong malambing sa kaniya.

“Natural, dahil maligaya siya sa mga nakikita niyang katangian ni Frankie, ipagmamalaki niya iyon, sasabihin niya iyon without necessarily hurting her other children.

Naalaala pa namin, noong kumikita na si KC ay may nasulat na nagtampo sa dalaga ang kaniyang ina, dahil sa ibang tao pa niya nalalaman ang mga ginagawang desisyon ng kaniyang panganay.

Iyon ang kuwento ng pagbili ni KC ng condo unit, sa mga d’yaryo pa iyon nalaman ni Sharon, hindi man lang nabanggit iyon sa kaniya ng young actress.

Ibig palang sabihi’y hindi sila nagkakausap nang regular? Wala pala silang komunikasyon? Ang mga ganoong senaryo siguro ang ikinatatampo ng Megastar sa anak nila ni Gabby Concepcion.

Pero tampo lang iyon. Laban kaninuman ay nakapako pa rin ang pagmamahal at malasakit niya sa kaniyang panganay. Alam na alam ‘yan ni Piolo Pascual.

Sen. Grace Poe – Kinalimutan na ba ang tulong ni VP Binay kay FPJ?

Ramdam na ramdam na ngayon pa lang ang init ng nalalapit na eleksiyon. Hindi pa man nagdedeklara ay nagpapatutsadahan na ang mga pulitiko at ang kanilang mga kaalyado nang ganito kaaga.

Si Senadora Grace Poe ang sinasabing ipapareha sa kakandidatong pangulong si DILG Secretary Mar Roxas. Kakalabanin ng kanilang tambalan ang kung sinumang tatakbong vice-president ni VP Jejomar Binay, dating campaign manager ng namayapang si Fernando Poe, Jr.

Sa panlasa ng nakararami na nakasaksi sa suporta ni VP Binay noon sa Hari Ng Pelikulang Pilipino ay parang hindi na pinahahalagahan ng senadora ang malapit na kaibigan ng kaniyang ama.

Mukhang sumablay ang senadora sa halatadong pagkiling sa partidong kalaban ni VP Binay. Kaya nakapagsalita ang mga abogado ng bise-presidente na parang kinalimutan na ni Senadora Grace Poe ang napakalaking naitulong nito sa kaniyang amang tumakbo bilang pangulo, pero pinaniniwalaang dinaya ng kaniyang kalaban.

Lumulutang na ngayon pa lang ang mga motibo ng mga kilalang pulitiko, ang pagbabaligtaran ng kanilang katapatan. Napakaaga pa kung tutuusin pero nagsisimula na ang laban!

Korina Sanchez – Siya ba ang malas sa political career ni Mar Roxas?

Pinupupog kami ng kaliwa’t kanang tanong ngayon tungkol kina DILG Secretary Mar Roxas at Korina Sanchez. Kinakabahan sila sa mga huling pangyayari. Mukhang ilalaglag na naman daw ng Liberal Party sa panguluhan si Kuyang Mar, dahil ang nililigawan na ng partido ay si Senadora Grace Poe-Llamanzares.

May isa pang nagtanong sa amin, “Jinx ba sa political career ni Secretary Mar si Korina?” Ang kakambal nitong paliwanag, “Hindi na biru-biro ito, pangalawa na! Noong una, naunsiyami ang pangarap niya dahil si P-Noy ang pinili ng Liberal Party na tumakbo.

“Ngayon naman, mukhang nasasapawan na naman ni Senator Grace Poe ang pamato niya, kaya ang palagi kong naririnig, jinx daw si Korina kay Secretary Mar,” komento ng aming kausap.

Masakit iyon sa pandinig, ang dating noon ay napakasuwerte dati ni Secretary Mar, pero mula nang maging mag-asawa na sila ay biglang umasim na ang mga pangarap na pulitikal ng secretary ng DILG.

Mas naniniwala kami sa destiny kesa sa kamalasan. Walang taong malas. Lahat tayo’y ipinanganak na may kakambal na suwerte, depende na lang sa atin kung paano natin gagamitin at pakikinabangan ang mga oportunidad na ipinagkakatiwala sa atin.

Destiny dahil sa pagsipot pa lang natin sa mundo ay nakasulat na sa ating palad kung magiging sino at ano tayo pagdating nang takdang panahon. Nakasulat ang mga bituin sa ating palad.

Dagdag na katangian si Korina Sanchez para kay Secretary Roxas dahil maganda ang kaniyang imahe at matunog ang kaniyang pangalan. Karagdagang boto iyon at hindi kabawasan.

Pero ano ang milagrong magagawa ni Ate Koring kung ang mismong partido na ang kinakapos ng paniniwala sa kapasidad na tumakbong pangulo ni Kuyang Mar? Kaya bang talunin ng isang tao lang ang desisyon ng buong partido?

Heart Evangelista – Nakasundo na ng mga biyenan si Chiz

Ngayong nagkasundo na si Senator Chiz Escudero at ang mga magulang ni Heart Evangelista ay puwede nang angkinin ng aktres ang isang kumpletong kaligayahan.

Kahit pa kasi ipinagbabanduhan ni Heart na maligaya siya sa piling ng pulitiko ay walang maniniwala sa kaniyang mga sinasabi hanggang hindi pa sila nagkakasundo ng kaniyang mga magulang.

Nasa wastong edad na siya para mag-asawa, pero hindi iyon pasaporte sa kaligayahang hinahanap niya. Mayroon bang anak na nagpakasal na walang basbas ng kaniyang mga magulang na nagkaroon ng katahimikan ng kalooban?

Ngayon pa lang iyon nararamdaman ni Heart. Maligayang-maligaya na siya ngayon, nagkikita na kasi nang mata sa mata ang kaniyang asawa at ang kaniyang ama’t ina. Iyon na nga siguro ang maituturing na pinakamahalagang regalong tinanggap ni Heart nang magpakasal siya sa senador. Tama. Blood is thicker than water.

Aiza at Charice – Sabi ng fans: Friendly si Charice, masungit si Aiza

Sa isang umpukan ng mga mahilig bumiyahe ay pinagkumpara sina Aiza Seguerra at Charice Pempengco. Ilang ulit na raw kasi nilang nakakasabay sa eroplano ang dalawang singers na umamin na nang lantaran tungkol sa tunay nilang kasarian.

Sa pangkalahatang opinyon ay mas marami ang nagsasabing mas OK si Charice kesa kay Aiza. Ma-PR daw kasi si Charice, palaging nakangiti. Maluwag din daw ang international singer sa pagpaparetrato kasama ang mga kababayan natin.

Tatlong beses na raw nilang nakakaengkuwentro si Aiza, pero walang pagbabago ang kanilang obserbasyon tungkol sa singer, may pagkadedma si Aiza sa mga may gusto sanang makipag-selfie sa kaniya.

“Saka palaging seryoso ang itsura ni Aiza. Para bang palagi siyang may malalim na problema. Deadma siya, hindi gaya ni Charice na minaster na ang PR 101,” komento pa ng mga nasa umpukan.

Maraming kasamahan din ni Aiza ang nagkokomento na malaki ang ipinagbago ng kaniyang ugali. Siguro nga ay nasanay na kasi ang mga ito sa pagkabibo ni Aiza noong bata pa kaya palaging nand’yan ang pagkukumpara sa kaniyang ugali noon at ngayon.

“Mas gusto naming katrabaho si Charice. Marespeto siya, saka hindi mayabang. Kahit pa literal nang malayo ang nararating niya, e, walang yabang ang tibash, marunong siyang makisama,” komento ng isang nasa umpukan.

Sa pagkanta naman ay isa lang ang inaalala ng isang source, “Palagi kasing nakapikit kung kumanta si Aiza. Nakakaalarma lang na baka kapag dumilat siya, e, wala na pala ang audience niya.”

Gerald Anderson – Espesyal pa rin ang atensyon para kay Janice

Oong-oo naman, sagot namin sa nagtanong kung dapat bang ma-flatter si Janice de Belen sa pagkakaugnay ng kaniyang pangalan kay Gerald Anderson, walang kaduda-dudang oo lang ang maisasagot namin tungkol doon.

Bakit naman hindi mapa-flatter ang aktres, halos anak na lang niya si Gerald, pero ayon sa mga kuwento ay nagbibigay pa ng masarap na atensiyon sa kaniya ang tisoy na aktor?

Totoo man o kuwento-kuwento lang ang mga lumalabas na balita, para kay Janice ay nakapagpapahaba iyon ng buhok, ang mga anak niya dapat ang espesyal para kay Gerald hindi siya.

Sinong babae naman ang hindi kikiligin kapag ganyan na bagets ang iniuugnay sa kaniya? E, si Janice pa naman, simple lang siya pero kikay-kikay rin ang aktres na ito.

Pero wala raw katotohanan ang kuwento, sabi ni Janice, gawa-gawa lang daw iyon ng mga taong walang magandang magawa sa buhay. Bakit daw siya, e, ang dami-dami namang mas bata at mas sexy sa kaniya na puwedeng bigyan ng atensiyon at pagmamahal ng guwapo at tisoy na aktor?

Pero sabi sa amin ni Ken, ang nakababatang kapatid ni Gerald, “He falls in love so fast.” iyon daw ang malaking pagkakaiba nila ng kaniyang kuya.

Kung ganoon ay may malaking posibilidad nga na espesyal ang atensiyon ni Gerald kay Janice. At bakit naman hindi? At bakit din hindi puwede?

May imposible ba sa pag-ibig?

Kris Aquino – Nakakaloka na sa pagiging inconsistent tungkol kay Bistek!

Ewan. Hindi lang siguro ang mga nakakausap naming naloloka sa mga pinagsasasabi ni Kris Aquino ang nasa ganoong estado. Pati kami at ang mas nakararami pa nating kababayan ay naloloka na rin sa mga huling pahayag ng aktres-TV host tungkol sa kanilang makasaysayang relasyon ni Mayor Herbert Bautista.

Nakakaligaw ang mga sinasabi ni Kris. Kundi mo hawak ang huwisyo mo at madalas kang pagod, gutom at puyat, siguro nga ay kailangan mo na ring magpa-check-up, baka kasi nagluwagan na ang mga turnilyo mo sa utak.

Ewan kung ikinaliligaya ni Kris ang kaniyang pagiging inconsistent. May sasabihin siya ngayon, pero bukas ay iba na naman, at hinahalakhakan lang ni Kris ang kaniyang mga kalokahan.

Sino ang makalilimot sa gabing iyon nang ipagsigawan niya sa buong mundo na sila na ni Mayor Herbert? Nagulantang ang mayor ng Kyusi, hindi kasi nito akalaing ilalabas pala ni Kris sa publiko ang kuwento ng kanilang relasyon, biglang nabahag ang buntot ng mayor-aktor sa pagsasabing mas mahalaga ang kaniyang mga anak kesa kay Kris.

Nagalit si Kris. Nainsulto. Si Kris Aquino nga naman siya na sikat at makapangyarihan, pagkatapos ay ilalaglag lang pala siya ng isang Mayor Bistek?

Hanggang ngayon ay hindi pa rin umaamin si Mayor Herbert sa kanilang nakaraang relasyon, pero biglang naglabas uli ng pasabog si Kris, nag-propose daw ng kasal sa kaniya noon si Mayor Herbert!

Pero muling naloka ang buong bayan, sinabi kasi ni Kris na hindi sila nagkaroon ng relasyon ng mayor ng Kyusi, hindi raw talaga.

Aysus, kabarus, Vito Cruz, Sta. Cruz, Tirso Cruz, Sunshine Cruz, Geneva Cruz, Donna Cruz, Rayver Cruz at iba pang krus!

Wala pala silang naging relasyon pero niyaya siya ng kasal ni Mayor Bistek? Hindi pala sila nagkaroon ng relasyon pero iyon ang kaniyang ipinagsisigawan sa TV at ipino-post palagi sa social media?

Pero ngayong magtatambal na sila ni Mayor Herbert sa pelikula ay ipinagdiinan na naman ni Kris na may personalan daw sa kanilang pagsasama dahil kung wala ay bakit pa sila gagawa ng pelikula?

At marami pang kaeklatan sa kaniyang buhay at mga what if’s daw na gusto niyang magkaroon ng tamang sagot ngayong madalas na silang magkakasama sa shooting ng lalaking nanugat daw sa kaniyang puso.

Mommy Dionisia – May blessing na ang mga anak sa relasyon kay Michael

Simple lang ang naging selebrasyon ng ika-66 na kaarawan ni Mommy Dionisia Pacquiao. Kung dati’y bonggang-bongga ang kaniyang selebrasyon, ngayon ay sa bahay lang nagsalu-salo ang mga kaibigan ng ina ng Pambansang Kamao, kasabay noon ang inagurasyon ng ipinatayo niyang kapilya sa mismong tabi ng kaniyang bahay.

Pagkatapos ng hapunan ay nagkaroon ng sayawan. Tutol si Congressman Manny Pacquiao sa pinlanong sayawan, pero sabi ni Mommy Dionisia, “Ipinaliwanag ko sa kaniya na hindi naman disco ang mangyayari, sasayaw lang kami ng mga kaeskuwela ko sa Zumba class.”

Mula nang magbago ng relihiyon ang People’s Champion ay itinapon na nito ang lahat ng makamundong gawain. Lahat ng bisyong kinahiligan noon ni Pacman ay tapos na, puro Bibliya lagi ang kaniyang hawak, napakalaki ng ipinakikitang pagbabago ng Pambansang Kamao.

Nagbigay ng pagbati ang lahat ng mga anak ni Mommy Dionisia, hiling ni Pacman na sana’y mas tumibay pa ang pakikipagrelasyon ng kaniyang ina sa Panginoon, binati rin si Mommy Dionisia ng kaniyang boyfriend na si Michael.

Basta raw magkasama silang dalawa ay kakayanin nila ang lahat ng klase ng pagsubok, ayon kay Michael, wala na raw silang iwanan at panghabambuhay na ang kanilang pagmamahalan.

Ang nakakikilig namang ganti ni Pacmom, “Siya ang bumuhay uli sa puso ko. Siya ang gumising sa puso kong matagal nang natutulog.”

Matinding sakripisyo ang pinagdaanan ni Mommy Dionisia para buhayin ang kaniyang mga anak. Alam iyon ng magkakapatid, lalo na ni Pacman, kaya may basbas nila ang pakikipagrelasyon ni Mommy Dionisia kay Michael.

Chito Miranda at Neri Naig – Naghahagis pa rin ng karne sa mga leon

Napakabilis humusga ng mga netizens. Nakakaawa ang mga artistang pinagtitripan ng mga bashers. Unang-una sa kanilang listahan ang mga sikat na artista, iyong talagang nasa gitna ng laban, panay-panay ang kanilang upak sa mga sikat na personalidad.

Pero may kakapusan din naman kasi kung minsan ang mga artista, humihingi sila ng kapribaduhan kahit pa public figures ang turing sa kanila, pero sila rin mismo ang nagbibihadhad sa publiko tungkol sa mga personal na nagaganap sa kanilang buhay.

Tulad na lang nina Chito Miranda at Neri Naig. Apdo ang ipinatikim sa kanila ng mga bashers dahil sa lumutang nilang sex video. Salamat naman at nauwi iyon sa kasalan, sa pagdadalantao na ngayon ni Neri, na kinasisilipan ng butas ng marami nating kababayan.

Komento ng kaibigan naming propesor na tutok na tutok sa showbiz, “Kundi ba naman sila nang-iimbita talaga ng mga mamba-bash sa kanila, e! Privacy ang hinihingi nila, bigyan daw naman sana sila ng kapribaduhan ng mga bashers!

“E, dugo pa nga lang ang ipinagdadalantao ni Neri, punla pa lang talaga, pero nakalantad na sa publiko ang itsura ng dinadala niya!

“Ganoon ba ang umaamot ng privacy? Sila mismo ang naglalantad ng mga nangyayari sa buhay nila?” nakaingos na komento ng aming kaibigan.

At may karugtong pa iyon, “Naghahagis silang dalawa ng karne sa leon, ano’ng inaasahan nila? Tatanggihan ng leon ang pagkaing ibinibigay nilang mag-asawa?

May katwiran ang katwiran.

Amalia Fuentes – Ang apong si Alyanna naman ang kaaway ngayon

Hanggang ngayon ay hindi pa rin nakahahakbang nang pasulong sa pagkawala ng kaniyang kaisa-isang anak na si Liezl ang beteranang aktres na si Ms. Amalia Fuentes.

At madali namang unawain ang kaniyang damdamin, anak ang nawala sa kaniya, hindi ganoon kadaling kalimutan ang pagkawala ng dugo ng kaniyang dugo lalo na’t nag-iisa lang ito.

Sa isang pakikipagkuwentuhan sa kaniyang mga kaibigan ay naglabas uli ng emosyon si Tita Nena. Black dwarf ang tawag niya kay Albert Martinez. Ang nasabing duwende raw ang dahilan kung bakit sila nagkaroon ng problema ng kaniyang anak.

Inilabas din niya ang kuwentong nangungutang ng pera sa kaniya si Alyanna, ang panganay nina Albert at Liezl, para ipambili ng isang condo unit kung saan ito titira at ang kaniyang boyfriend.

Pitong milyon ang inuutang sa kaniya ni Alyanna, kung saan ito kukuha ng ipambabayad ay hindi rin niya alam, hindi niya pinagbigyan ang pangungutang ng kaniyang apo.

Iyon ang naiisip niyang dahilan kaya kung anu-anong posts ang inilalabas ni Alyanna sa social media, hindi kasi niya pinagbigyan ang malaking halagang inuutang nito, napakababaw na dahilan para kay Tita Nena.

“Noong maysakit ang anak ko, ang palagi kong dasal, sana’y idagdag na ng Diyos kay Liezl ang natitira pang panahon ko sa mundo. Ako na lang ang mawala, huwag ang anak ko, dahil ang anak ang naglilibing sa magulang at hindi magulang ang naglilibing sa kaniyang anak,” pagtatapat ng beteranang aktres.

Pero ganoon talaga ang buhay, kapag takdang panahon mo na ay wala nang silbi ang mga dahilan at katwiran, isasauli mo na ang iyong hiram na buhay sa Panginoon.

Robin Padilla – Matagal nang nagbagong buhay ang noon ay “bad boy”

Sinasaluduhan namin ang isandaang porsiyentong pagbabago ni Robin Padilla. Bukas na aklat ang kaniyang buhay sa publiko. Gumamit siya ng droga, na humantong pa nga sa kaniyang pagkakulong nang ilang taon, pero ngayon ay malinis na malinis na ang kaniyang katawan at dugo sa ipinagbabawal na gamot.

Si Robin mismo ang sumisigaw na walang mabuting nagagawa sa tao ang droga. Ang tunay na lakas ng loob ay nagmumula sa may katawan, hindi sa epekto ng kahit anong ipinagbabawal na gamot, winawasak ng droga ang buhay at pangarap ng bawat sumusubok nito.

At sa pagiging totoo ni Robin sa kaniyang sarili at sa publiko ay lalo pa siyang minahal ng ating mga kababayan. Mas yumabong pa ang kaniyang karera, binigyan siya ng pangalawang masarap na pagkakataon ng mga Pinoy, dahil ang taong nagpapakatotoo at nagbabago ay ginagawang mabuting ehemplo ng publiko.

Sa mga pader sa mga lansangan ay madalas nating mabasa, malalaki ang mga letra, “Makipagkaibigan ka kay Lord, huwag sa drug lord.”

Have a comment on this article? Send us your feedback

Hunyo 16 – 30, 2015


	Toni Gonzaga & Paul Soriano

	Grace Poe Llamanzares

	Kris Aquino, Bimbi & Josh

	Sharon Cuneta

	KC Concepcion

	Anne Curtis

	Angelica Panganiban & John Lloyd Cruz

	Willie Revillame

Direk Paul at Toni Gonzaga – Itinago sa publiko ang kasalan

Ginanap na ang pag-iisang dibdib nina Direk Paul Soriano at Toni Gonzaga nitong nakaraang June 12 sa Taytay. Ito ang kasalang itinago nila sa publiko, ito ang okasyong literal na ipinagdamot ni Toni sa kaniyang mga tagahanga, dahil ayaw raw nilang maging circus ang isang napakahalagang okasyon sa kanilang buhay ni Direk Paul.

Komento ni SOS, “Grabe naman sina Direk Paul at Toni! Para silang sina JC Intal at Bianca Gonzales na feeling mga super sikat na as if naman dudumugin ang wedding nila, kaya isinekreto sa publiko ang mga detalye.

“Dapat nga po, sa halip na itago, e, ipinagsisigawan sa buong mundo ang ganoon, gaya ng ginawa nina Dingdong at Marian at Senator Chiz-Heart na higit namang mas sikat kesa kina Direk Paul at Toni at JC at Bianca!” pagsasarado ni SOS sa kaniyang mahabang komento.

May katwiran ang katwiran. Madaling intindihin na gusto nilang maging sagrado ang araw ng kanilang kasal dahil markado iyon sa kanilang buhay at relasyon.

Pero sana’y nagbigay rin sina Direk Paul at Toni ng masarap na konsolasyon para sa kanilang mga tagasuporta, lalo na sa panig ni Toni, na gumanda ang buhay at karera dahil sa mga taong nagtiwala at nagsulong sa kaniyang mga pangarap.

At ngayong mag-asawa na sila ni Direk Paul Soriano, ayon kay Toni Gonzaga ay malaya na nilang magagawa ngayon ang mga bagay-bagay na karaniwang nakasanayan na ng mga magkarelasyon, sex ang unang pumasok sa utak ng mga nakarinig sa kaniyang deklarasyon.

Matagal nang sinasabi ng aktres-TV host na ang kaniyang puri ay ibibigay niya lamang sa lalaking pakakasalan niya. Isa lang ang tinutukoy ni Toni, ang kaniyang pagkabirhen, ang walang bahid-dungis niyang puri bilang babae.

Sabihin nang sa mga panahong ito ay parang imposible nang humarap sa altar ang isang babaeng malinis na malinis ang pagkababae. Sasabihin ng iba, may ganoon pa ba ngayon, mayroon pa ba?

Alagang-alaga sa pangaral ng kanilang mga magulang sina Toni at Alex Gonzaga. Bukod sa kanilang pagiging Kristiyano ay madalas ipaalala sa kanila ni Daddy Carlitos na ang pagiging birhen ang pinakamagandang regalong maibibigay ng isang babae sa kaniyang makakatali sa altar ng matrimonya.

Parang may walking CCTV camera ang kanilang mga magulang, palagi nilang kasama iyon kahit saan, kaya hindi nabigyan ng pagkakataon sina Direk Paul at Toni na gawin ang isang mapusok na desisyon habang hindi pa sila kasal.

“Mamatey?” tanong ng isang kaibigan namin. Parang ayaw nitong maniwala na sa loob nang halos walong taon (July 2007 nang maging magkarelasyon sila) ng kanilang pagiging mag-boyfriend ay walang namagitang seksuwal na anggulo sa dalawa.

Ewan sa iba pero kami’y naniniwalang sakdal-linis si Toni Gonzaga nang humarap sa altar noong Biyernes nang hapon.

Iyon ang dahilan kung bakit kung minsan ay “Gigil Queen” ang tawag sa aktres-TV host-singer ng kaniyang mga kaibigan.

Kris Aquino – Totohanin kaya ang paglipat sa US?

Ayan, nagsalita na naman si Kris Aquino na sa susunod na taon daw ay sa Amerika na sila maninirahan ng kaniyang mga anak na sina Josh at Bimby. Gusto raw niyang maranasan ng kaniyang bunso ang isang buhay na simple lang at malayo sa mata ng publiko.

Buhay nilang mag-iina iyon, may karapatan si Kris na idrowing ang klase ng buhay na gusto niyang matikman ng kaniyang mga anak, walang makakukuwestiyon sa gusto niyang mangyari.

Pero sa kaniyang deklarasyon ay maaaring kuwestiyunin si Kris. Wala na kasi siyang kredibilidad pagdating sa mga pinagsasasabi niya, sabi ng mga kababayan natin ay labingdalawa ang mali sa bawat sampung sinasabi niya.

Matagal na niyang sinasabi na aalis na silang mag-iina at maninirahan na sa Amerika. Pero hindi naman niya iyon ginagawa, nandito pa rin siya, kaya maraming nag-aalok ng kanilang serbisyo ng paghahatid sa kanilang mag-iina sa airport kahit pa sa madaling-araw kapag talagang desidido na siyang umalis.

Noong magkaroon sila ng problema ni Mayor Joey Marquez ay nagpaalam siya sa kaniyang mga programa. Siya raw kasi dapat ang nagtatawid ng balita sa publiko at hindi iyong siya mismo ang balita.

Pero pagkatapos lang nang ilang linggo ay bumalik uli siya sa kaniyang talk show. Ganoon din ang ginawa niya noong malantad ang kuwento tungkol sa kaniyang mister na si James Yap at kay Hope Centeno na empleyado ni Dra. Vicki Belo.

Lumiban siya sa kaniyang mga programa, pero bumalik din uli, dahil sa kaniyang katwiran na: “Wala o nandito ako, may mga issues pa rin about me. I’ll better go back and get paid for the intrigues.”

Marami ring nagbibigay ng opinyon na hindi kayang iwanan ni Kris ang Pilipinas dahil sa estado ng kaniyang career dito. Bukod sa kilalang-kilala na siya ay milyones pa ang kaniyang kinikita.

Balik sa aming kausap, “Huwag na ang kikitain pa niya, sobra-sobra na ang mga pera niya para ikabuhay nilang mag-iina, ang hindi kayang talikuran ni Kris, e, ang fame na blood plasma ng buhay niya.

“Hindi siya magiging masaya sa isang lugar na hindi siya bumibida. Nakasanayan na niya ang public life. Hindi siya mabubuhay nang hindi siya ang pinag-uusapan araw-araw.

“She loves the limelight! She loves being talked about more than talking!” mas madiin pang komento ng aming kausap.

Sen Grace Poe Llamanzares – Maligalig na ang dating tahimik na buhay

Maligalig na rin ngayon ang dating matahimik na buhay at propesyon ni Senadora Grace Poe-Llamanzares. Kakambal na ng mundo ng pulitika ang nagaganap ngayon sa kaniya, kapag nakaramdam ang isang partido tungkol sa pagtakbo ng kanilang katunggali, siguradong maraming butas ang sisilipin laban sa kaniya.

Ang kaniyang residency, ang pagiging ampon niya, sa mga susunod na panahon ay tiyak na mas maraming-marami pang isyu ang ibabato laban sa kaniya dahil sa maugong na balita ng kaniyang pagtakbo sa mas mataas na posisyon.

Isa lang kami sa maraming Pilipinong medyo tinabangan kay Senadora Grace nang hindi niya pahalagahan ang pagkakaibigan nagtatali sa kaniyang kinagisnang amang si FPJ at kay Vice-President Jejomar Binay.

Pilipino kasi kaming may matinding pagpapahalaga sa pinagsamahan at pagtanaw ng utang na loob. Noong mga panahong dapang-dapa ang Hari Ng Aksiyon dahil sa pandaraya ng kaniyang mga katunggali sa pulitika ay isa si VP Binay sa nagbigay nang matinding suporta at malasakit sa namayapang aktor.

Huli na nang malapatan niya ng paliwanag ang kaniyang pahayag. Malinaw ang kaniyang sabi, ang kaniyang serbisyo at damdamin ay nasa bayan, hindi sa kahit sino.

Pero nakikisimpatya kami kay Senadora Grace Poe sa pambabato sa kaniya ng akusasyon sa pagiging ampon. Para sa amin kasi, ampon o legal na anak man ang tao ay kailangang bigyan ng parehas na karapatan, dahil legal na anak man o ampon lang ay parehong nanggaling sa sinapupunan.

Samantala, biglang dinagsa ng media ang Jaro, Iloilo. Dinadayo ngayon ng mga mamamahayag ang simbahan ng siyudad na pinaniniwalaang pinag-iwanan sa isang sanggol na babae.

Ayon sa mga kuwento ay basta na lang iniwan sa sakristi ng simbahan ang sanggol, nakabalot ng malinis na lampin, saka pinahiga sa isang baby basket.

Isang kasambahay na nagngangalang Sayong ang nakakita sa sanggol. Iniuwi siya sa pinaglilingkuran nitong pamilya, kinupkop-inalagaan ng pamilya Ledesma ang napulot na sanggol sa simbahan.

Sandaling-sandali lang na nakasama ng pamilya ni Gng. Tessie Ledesma ang sanggol. Ipinasa nito ang bata sa kaniyang kaibigang si Ms. Susan Roces. Ang mag-asawang Manang Inday na at Fernando Poe, Jr. ang kinagisnang magulang ng sanggol na si Mary Grace Poe.

Mary dahil mala-birhen ang hitsura ng inosenteng sanggol, Grace ang ikalawa niyang pangalan, dahil itinuring siyang grasya-biyaya ng langit para kina Manang Inday at Tito Ronnie.

Iba naman ang kuwento ng isang urban legend. Anak daw ng dating aktres na si Rosemarie Sonora na kapatid ni Ms. Susan Roces si Mary Grace kay dating Pangulong Ferdinand Marcos.

Hindi raw matanggap-tanggap ni dating Unang Ginang Imelda Romualdez Marcos ang pagkakaroon ng anak ni Macoy sa ibang babae kaya inampon ni Manang Inday ang bata.

Isang malaking kalokohan ang nasabing kuwento. Katulad din iyon ng sabi-sabi tungkol kay Senador Bongbong Marcos, ibang Bongbong na raw ang nakikita natin ngayon dahil ang tunay na Bongbong Marcos ay napatay sa rambol sa isang bar.

Sharon Cuneta – Bakit ba ibinibilad sa social media ang shortcomings ni KC?

Nagkasakit si Sharon Cuneta at ang kaniyang mga anak sa Bangkok, Thailand. Inatake sila ng virus, nagkasipon at nagkaubo ang Megastar at ang kaniyang mga anak na sina Frankie, Miel at Miguel.

Sa halip na maawa sa kaniya ang mga regular niyang bashers ay natuwa pa ang mga ito. Sa wakas ay nanahimik daw ang singer-actress. Kundi pa raw siya nagkasakit ay hindi niya tatantanan ang pang-uupak kay KC Concepcion. Mabuti raw naman at namahinga siya sa kapo-post ng kung anu-anong emosyon niya sa social media.

Nang-iimbita ng personal na opinyon ang hidwaang nagaganap ngayon sa pagitan ng mag-ina.

Hindi nagugustuhan ng Megastar ang mga komento ng mga bashers, pero hindi niya mapipigilang makilahok sa usapin ang ating mga kababayan, dahil naging pampubliko rin ang kanilang emosyon sa pamamagitan ng social media.

Komento ni SOS, “Sana po, eh, hindi pinipintasan ni Sharon indirectly si KC o sinasabihan ng mga nega, dahil sa kaniya rin po magre-reflect iyon. Sino po ba ang mag-isang nagpalaki kay KC?

“Dapat pa ngang maging proud si Sharon kay KC dahil ambassadress siya para sa food program ng UNICEF. Wala ring malaking iskandalong kinasangkutan si KC, kaya nananatili siyang role model para sa mga kabataan.

“Kung anuman pong personal issues na mayroon sila, dapat, eh, hindi na iyon inilabas pa sa social media ni Sharon dahil too personal nga iyon. Sa ginagawa po bang indirect na pagbanat ni Sharon kay KC, sa palagay po ba niya, eh, mareresolbahan ang mga emote niya?

“Kung talagang mahal din po niya si KC, dapat, eh, hindi niya ibinibilad sa publiko ang kung anumang shortcomings ng anak niya. Hindi po namin gusto na para lang itaas niya ang isa, eh, kailangan pa niyang ibagsak ang isa.

“Hindi po kaya bitter lang si Sharon dahil kahit siya lang ang nagpalaki kay KC, eh, nag-effort pa rin ang anak niya na maging close kay Gabby Concepcion? Nagtatanong lang po,” mahaba at makabuluhang pagbibigay ng opinyon ni SOS.

Hindi naging maganda ang panlasa ng publiko sa kaniyang mga papuri nang todo kay Frankie na panganay nila ni Senador Kiko Pangilinan. Hindi ang mga papuri ang nabasa doon ng mga kababayan natin, kundi ang panglalaglag niya kay KC.

Nananatiling tahimik si KC sa lahat ng mga inilalabas na posts ng kaniyang ina.

Tantanan lang daw ni Sharon ang kapo-post sa kaniyang FB account ay matatagpuan niya ang katahimikan ng kalooban. Pero hanggang ipinaaalam niya sa publiko ang mga disgusto niya ay habampanahon din siyang makakatikim ng mga hagupit ng dila ng mga taong hindi nagkakagusto sa mga ginagawa niya.

Anne Curtis – Natural na napakaganda, walang retoke tulad ng iba

Kung nawiwindang ang maraming babaeng personalidad kapag wala ang kanilang make-up artist ay hinding-hindi naman iyon problema para kay Anne Curtis.

Wala siyang make-up artist kahit sa It’s Showtime, nagpapa-make-up lang siya kapag may sinu-shoot na TVC at kapag nagho-host siya ng mga awards night, pero sa kaniyang regular show ay wala siyang kasamang make-up artist.

Kuwento ng aming source na katrabaho ng magandang aktres, “Wala po talaga. Basta dala-dala niya ang pula niyang lipstick, iyon na iyon! Wala na, tapos na, basta lipstick lang ang inilalagay niya, salang na siya agad!

“Kung kailangang rematsehan nang ilang layers ang mukha ni Vice Ganda, si Anne, kahit manipis lang na foundation, hindi siya gumagamit.

“Wala siyang ibang inia-apply sa mukha niya, lipstick lang talaga ang kailangan niya. Napakaganda ni Anne, natural ang ganda niya, matipid siya sa make-up,” papuri pa ng aming kausap.

Si Anne Curtis pala ang babaeng Willie Revillame pagdating sa pagiging organisado sa kaniyang mga kagamitan, masinop din siya na tulad ni Willie, napakalinis ng kaniyang bahay lalo na ng kaniyang kuwarto.

“Ganoon din siya kay Willie. Kung ano ang kulay ng mga t-shirts niya, nakatiklop iyon nang maayos according to color. Pareho rin silang mahilig sa white, mula sa wall hanggang ceiling hanggang sa mga kagamitan, puro puti ang gusto niya. Babaeng pambahay si Anne,” impormasyon pa ng aming source.

John Lloyd Cruz at Angelica Panganiban – Nagkasawaan na!

Nagkasawaan. Ganoon kung ilarawan ng mga close kina John Lloyd Cruz at Angelica Panganiban ang kinauwian ng kanilang relasyon. Sa sobrang pagsasama nila ay pumasok agad ang sawa factor na itinuturong dahilan kung bakit nanamlay ang kanilang romansa.

Pero napakabilis naman. Nagtagal nang maraming taon sina Angelica at Derek Ramsay, nag-live-in din naman ang dalawa, samantalang hindi naman nagsama sa isang bubong sina JLC at Angel.

Isang miron ang nagbulong sa amin, “Sawain talaga sa babae si John Lloyd. Kapag wala nang idi-discover sa girl, tinatabangan na siya.”

Maraming beses nang nagkakaroon ng tampuhan sina Angelica at John Lloyd, pero naiaayos naman nila iyon, kaya itinuturing na kakaiba ng kanilang mga kaibigan at kasamahan itong huling nangyari sa kanila.

Minsan ay may nakapagkuwento sa amin na stubborn girlfriend si Angelica. Matigas ang ulo, may sariling mundo, walang pinakikinggang mga payo.

“Saka palaaway si Angel, hindi ganoon ang tipong gusto ni John Lloyd, alam n’yo naman ang pagka-consevative ng lalaking iyon! Lumang tao si John Lloyd, kaya nauntog na siguro siya sa katotohanan na hindi si Angelica ang gusto niyang makarelasyon nang matagalan,” dagdag ng aming impormante.

Tama ang sinabi ng isang magaling na aktres, sa pakikipagrelasyon daw ay sitenta porsiyento lang dapat ang ibinabahagi ng babae sa lalaki, ang natitirang treinta porsiyento ay kailangang inaangkin ng babae na sa kaniya lang.

“Araw-araw, kailangang may excitement, may bagong dini-discover ang guy. Kapag nakalantad nang lahat, ano pa ang saysay ng isang relasyon?” paalala pa ng magaling na aktres.

Willie Revillame – Tagumpay muli sa kaniyang Wowowin!

Nakabalik nang matagumpay si Willie Revillame! Mula noong May 10 sa unang sultada ng kaniyang Wowowin hanggang noong nakaraang Linggo nang hapon ay walang patumangga niyang kinabog ag mga programang katapat niya.

Masayang-masaya ang kaniyang staff, ang kaniyang mga sponsors, at napakasaya rin ng GMA-7 sa magandang ratings ng Wowowin. At may mas sasaya pa kaya ngayon kesa kay Willie?

“Ang lahat ng ito, eh, hindi mangyayari kundi dahil sa ginagawang paghahanda ng buong staff ng show. Masisipag sila, excited ang lahat kapag may production meeting, may saysay kasi ang mga ginagawa nilang paghahanda sa bawat episode.

“Hindi lang ganito ang puwede naming ibigay sa mga televiewers, maraming-marami pa, medyo kulang lang kasi kami sa oras kaya hindi pa kami makatodo.

“Pero masayang-masaya kami, napakaganda ng ibinibigay na sorpresa sa amin ng mga kababayan natin every Sunday afternoon,” pahayag ni Willie nang makakuwentuhan namin.

Isa na lang ang hinihiling ng mga tagasuporta ng aktor-TV host, ang pagiging daily na ng Wowowin, para makumpleto na ang kanilang kaligayahan.

Tuwing matatapos ang programa ni Willie ay isang mensahe lang ang palagi naming tinatanggap, “Bitin!” Sana raw ay madagdagan pa siya ng oras para mas marami pang segments ang maihain nila sa publiko. Dagdag na oras at dagdag na araw.

Wala nang kailangan pang patunayan si Willie Revillame. Siya lang ang personalidad na mahigit na isang taong nawala pero nang magbalik-telebisyon ay dalawang-kamay pa ring niyakap ng ating mga kababayan.

Have a comment on this article? Send us your feedback

Oktubre 1 – 15, 2014

Daniel Padilla – Biktima ng traydor at pekeng kaibigan

Daniel Padilla & Kethryn Bernardo

Coco Martin

Gerald Sibayan & Ai Ai delas Alas

Jasmine Curtis Smith, Perci Intalan & Nora Aunor

Heart Evengelista

Marion Aunor

Marian Rivera

Robin Padilla

Gabriela – Tinuligsa ang kawalang-galang sa kababaihan ng Bench show

Ai Ai Delas Alas – Inamin na ni Gerald na “on” sila ni Ai Ai

Nora Aunor – Dapat pasukin ng fans ang Dementia nang hindi langawin sa box office

Heart Evangelista – Tinanggap na muli ng magulang, paano si Sen. Chiz?

Marion Aunor – New Female Recording Artist of the Year

Jasmine Curtis Smith – Malamang magtagal sa showbiz

Marian Rivera – Sinusunod ang tradisyong Pilipino para sa kasal

Robin Padilla – Papasok kayang muli sa politika?

Cielito Legaspi Santiago – Pumanaw na ang mommy ni Randy, Rowell at Raymart

Oktubre 16 – 31, 2014

Marcelito Pomoy, Kathryn Bernardo, Daniel Padilla, Kim Chiu & John Lapus

Piolo Pascual

Charice

Derek Ramsay

Angelica Panganiban

Heart Evangelista

Robin Padilla

Michael Yamson & Mommy D. Pacquiao

Vhong Navarro

Tiya Pusit

Daniel at Kathryn – Winnipeg concert produced by Todd Labelle Promotions

Piolo Pascual – Huwag na sanang gawing katwiran pa si Iñigo

Charice – Ayos nang muli ang buhay pamilya

Derek Ramsay – Tinutulungan ba ni Kris sa kaso?

Angelika Panganiban – Nadamay pa sa concubinage charge laban kay Derek

Heart Evangelista – Hindi raw pupunta sa wedding ang mga magulang

Robin Padilla – Mahal ng lahat sa TV5 dahil sa galing makisama

Mommy D Pacquiao – Huwag na sanang maghangad na magka-anak pa, medyo OA na

Vhong Navarro – Ibinasura ng korte ang dimanda ni Roxanne Cabanero

Tiya Pusit – Nagpaalam na ang mahusay na komedyana

Nobyembre 1 – 15, 2014

Ruffa Gutierrez & Annabelle Rama

Iñigo & Piolo Pascual

Derek Ramsay

DJ Durano

Gerald Sibayan & Ai Ai Delas Alas

Ritz Azul

Ruffa at Annabelle – Maanghang ang bangayan ng mag-ina sa tweeter

Iñigo Pascual – Laging ihahambing sa kaguwapuhan ng kaniyang dad Piolo

Derek Ramsay – Naareglo na ang kaso, marami pang endorsements

Charice – Mahusay ang PR sa mga fans

Joey Marquez – Ayaw nang bumalik sa politika

Mayor Joseph Estrada – Away pa ring kilalaning manugang si Bernard Palanca

DJ Durano– Hindi ikinakaila ang naging relasyon sa bading na director

Ai Ai Delas Alas – Regalo sa sarili ang mas batang boy friend

Ritz Azul – Hindi makasali sa Bb. Pilipinas dahil sa pag-pose sa FHM noon

Manny Pacquiao – Enjoy na enjoy sa basketball at sa kaniyang KIA team

Nobyembre 16 – 30, 2014

Daniel Padilla & Kathryn Bernardo

Carla Abellana

Julia Barretto

Gov. Vilma Santos Recto

Ruffa Gutierrez

Bb Gandanghari

KathNiel love team – Mainit ang pagsalubong ng mga fans sa Winnipeg

Carla Abellana – In denial pa rin ba tungkol kay Geoff Eigenmann?

Julia Barretto – Ano ba ang problema ng batang ito?

Jinkee Pacquiao – Dapat lang itigil ang pagpo-post ng kayamanan sa social media

Maegan Aguilar – Na-karma ba dahil sa kawalan ng respeto sa magulang?

Gov. Vilma Santos Recto – Masipag pa ring lingkod-bayan kahit sensitibo ang kalusugan

Ruffa Gutierrez – Kumpirmadong binubugbog ng dating asawang si Ylmaz

BB Gandanghari – Ano kaya ang iniisip ng ex na si Carmina Roel?

Iñigo Pascual – Medyo hindi tinangkilik ng fans ang unang pelikula

Winnipeg experiences One Magical Night

with Kathryn Bernardo and Daniel Padilla, Kim Chiu, John Lapus & Marcelito Pomoy

One Magical Night stars with the Todd Labelle Promotion Team. Photo by AJ Batac

Pre-show energy

Never a dull moment

Do you believe in magic?

Disyembre 1 – 15, 2014

Aiza Seguerra & Liza Diño
Photo: mb.com.ph